27-Oct-2022

ବିନିକା(ହିମାଂଶୁ ଶେଖର ପୁଟେଲ) ଗୁଣାତ୍ମକ ଶିକ୍ଷାର ପ୍ରସାର ଓ ମେଧାବୀ ଛାତ୍ରଛାତ୍ରୀଙ୍କ ଭବିଷ୍ୟତ ଗଠନ ଦିଗରେ ରାଜ୍ୟ ସରକାରଙ୍କ ତରଫରୁ ବିନିକା ପାପକ୍ଷୟ ରାସ୍ତାରେ ୨କୋଟି ୯୭ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଥିବା ବହୁ ପ୍ରତିକ୍ଷିତ ଓଡ଼ିଶା ଆଦର୍ଶ ବିଦ୍ୟାଳୟ ଆଜି ବିଧିବଦ୍ଧ ଭାବରେ ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରାଙ୍କ ଦ୍ଵାରା ଉଦ୍ଘାଟିତ ହୋଇଯାଇଛି ।ଏହି ଅବସରରେ ଜିଲ୍ଲାପାଳ ଆବୋଲି ସୁନୀଲ ନରୱନେ,ଜିଲ୍ଲା ଶିକ୍ଷାଧିଶ ଲକ୍ଷ୍ମଣ ଭୋଇ,ବିନିକା ବ୍ଳକ ଅଧ୍ୟକ୍ଷା ଦୀପ୍ତିରେଖା ନନ୍ଦ,ନଗରପାଳ ସୁବାସ ଚନ୍ଦ୍ର ଭୋଇ ପ୍ରମୁଖ ଉପସ୍ଥିତ ଥିଲେ ।ପ୍ରାରମ୍ଭରେ ବିଦ୍ୟାଳୟର ଛାତ୍ରଛାତ୍ରୀ ମାନେ ଅତିଥି ମାନଙ୍କୁ ସ୍ଵାଗତ ସମ୍ବର୍ଦ୍ଧନା ଦେଇ ଉଦ୍ଘାଟନ ସ୍ଥଳକୁ ପାଛୋଟି ଆଣିଥିଲେ ।ପରେ ସ୍କୁଲର ଅଧ୍ୟକ୍ଷ ସୌମ୍ୟ ରଞ୍ଜନ କ୍ଷେତି ଙ୍କ ଅଧ୍ୟକ୍ଷତା ଓ ଶିକ୍ଷକ ଶୁଭମ ଶୁକ୍ଳାଙ୍କ ସଂଯୋଜନାରେ ଅନୁଷ୍ଟିତ ସଭାରେ ଅତିଥି ମାନେ ବିଦ୍ୟାଳୟର ମହତ୍ତ୍ଵ ଉପରେ କହିବା ସହ ଅଧ୍ୟୟନରତ ଛାତ୍ର ଛାତ୍ରୀ ମାନଙ୍କୁ ଭଳ ଭାବରେ ପାଠ ପଡି ଜିଲ୍ଲାପାଳ,ଡାକ୍ତର ହେବାକୁ ପରାମର୍ଶ ଦେଇଥିଲେ ।ପରେ ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।ସୂଚନା ଯୋଗ୍ୟ ଯେ ବିନିକାରେ ଆଦର୍ଶ ଶିକ୍ଷା ୨୦୨୦-୨୧ବର୍ଷ ଠାରୁ ଆରମ୍ଭ ହୋଇଥିଲା କୋଠାଘର ଅସମ୍ପୂର୍ଣ୍ଣ ଯୋଗୁଁ ଛାତ୍ରଛାତ୍ରୀ ମାନେ ବିନିକା ହାଇସ୍କୁଲରେ କିଛି ମାସ ଏବଂ ପରେ ଚଳିତ ବର୍ଷ ଏପ୍ରିଲ ମାସରୁ ଅଦ୍ୟାବଧି ଉକ୍ତ ବିଦ୍ୟାଳୟରେ ଅଧ୍ୟୟନ କରି ଆସୁଛନ୍ତି ।ଦୀର୍ଘ ୬ମାସ ଅଧ୍ୟୟନ ପରେ ବିଧିବଦ୍ଧ ଭାବେ ବିନିକା ଆଦର୍ଶ ବିଦ୍ୟାଳୟ ଉଦ୍ଘାଟନ ହୋଇଥିବାରୁ ଛାତ୍ରଛାତ୍ରୀ ତଥା ଅଭିଭାବକ ମହଲରେ ଖୁସିର ଲହରୀ ଖେଳିଯାଇଛି ।