27-Oct-2022

ବଲାଙ୍ଗୀର(ପ୍ରେରଣା ଖବର) ବଲାଙ୍ଗିରର ବିଶିଷ୍ଟ ସମାଜସେବୀ ତଥା ପୂର୍ବତନ ରାଜସ୍ୱ ବିଭାଗର ଅଧିକାରୀ ବୃନ୍ଦାବନ ବରାଳ ଆଉ ନାହାନ୍ତି ।  ମୃତ୍ୟୁ ବେଳକୁ ତାଙ୍କୁ ୭୬ ବର୍ଷ ବୟସ ହୋଇଥିଲା ।  ବଲାଙ୍ଗିର କନ୍ଧପାଲି ପଡା ନିବାସୀ ଶ୍ରୀ ବରାଳ ହୃଦଘାତ ରୋଗରେ ପୀଡିତ ହୋଇଥିଲେ । ସ୍ଥାନୀୟ ଭୀମଭୋଇ ହସପିଟାଲକୁ ନେବା ସମୟରେ ସନ୍ଧ୍ୟା ଘ.୬ ରେ   ତାଙ୍କର ପରଲୋକ ହୋଇଯାଇଛି । ସେ ନାଗରିକ କମିିଟିର ସକ୍ରିୟ ସଭ୍ୟ ରୂପେ କାର୍ଯ୍ୟ କରି ପୂର୍ବରୁ କୋଷାଧ୍ୟକ୍ଷ ପଦବୀରେ ମଧ୍ୟ କାର୍ଯ୍ୟ କରିଥିଲେ । ଶ୍ରୀ ବରାଳ ଜଣେ ମେଳାପୀ ଓ ମିଷ୍ଟଭାଷୀ ମଣିଷ ଭାବରେ ଜଣାଶୁଣା ଥିଲେ ।  ତାଙ୍କର ବିୟୋଗରେ ଶୋକର ଛାୟା ଖେଳି ଯାଇଛି । ନାଗରିକ କମିଟିର ଉପଦେଷ୍ଟା ପ୍ରଫେସର ମଧୁସୁଦନ ପତି, ବିକ୍ରମ ବହିଦାର, ଡା. ଲକ୍ଷ୍ମୀକାନ୍ତ ମହାପାତ୍ର, ସଭାପତି ବେଲାର ସିଂ ଭୋଇ, ଉପସଭାପତି ନିତ୍ୟାନନ୍ଦ ମିଶ୍ର, ସହସଂପାଦକ ଡ. ଚକ୍ରପାଣି ଦାଶ, କୋଷାଧ୍ୟକ୍ଷ ଗଜେନ୍ଦ୍ର ଭମର ତଥା କମିଟିର ଅନ୍ୟାନ୍ୟ ସଭ୍ୟମାନେ ଗଭିର ଶୋକ ପ୍ରକାଶ କରିଛନ୍ତି ବୋଲି ସାଧାରଣ ସଂପାଦକ ମନୋରଂଜନ ସାହୁ ଜଣାଇଛନ୍ତି । ଆସନ୍ତାକାଲି ସକାଳ ୮ଟା ସମୟରେ ସ୍ୱର୍ଗତ ବରାଳଙ୍କ ଶେଷକୃତ୍ୟ ସଂପନ୍ନ କରାଯିବ ବୋଲି ପରିବାର ସୂତ୍ରରୁ ପ୍ରକାଶ ।