30-Nov-2020

ରାୟଗଡା (ଦୀପକ କୁମାର ଷଡଙ୍ଗୀ) ରାମନଗୁଡ଼ା ଗାଁ କୁ ରାସ୍ତା ନଥିବାରୁ ଆମ୍ବୁଲାନ୍ସ ପହଞ୍ଚି ପାରନଥିଲା ଫଳରେ ବାଧ୍ୟ ହୋଇ ଭାରରେ ବୁହାହେଲେ ଗର୍ଭବତୀ ଏଭଳି ଏକ ଅବସ୍ଥାରେ ଗର୍ଭଯନ୍ତଣାରେ ଛଟପଟ ହେଉଥିବା ଜଣେ ମହିଳାଙ୍କୁ ମାନବିକତା ଦେଖାଇଲେ ଆମ୍ବୁଲାନ୍ସ କର୍ମଚାରୀ ଜଣକ ସ୍ଥାନୀୟ ଡ଼ାକ୍ତରଖାନାରେ ପହଞ୍ଚାଇଛନ୍ତି।ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ରାୟଗଡ଼ା ଜିଲ୍ଲା ରାମନାଗୁଡା ବ୍ଲକ ନିଲାମଗୁଡା ପଞ୍ଚାୟତ ଅଧିକ ଡ଼ମ୍ବୁରିଗୁଡା ଗ୍ରାମ ନିକଟରେ।ଡ଼ମ୍ବୁରିଗୁଡା ଗ୍ରାମର କୁନି ଶବର(୨୨)ଙ୍କୁ ଗତକାଲି ରାତି ୮ ଘଣ୍ଟା ସମୟରେ ଗର୍ଭଯନ୍ତଣା ହେବାରୁ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ।ଖବରପାଇ ଆମ୍ବୁଲାନ୍ସ ଡ୍ରାଇଭର କମଳାକାନ୍ତ ପାଢ଼ୀ ଗ୍ରାମ ନିକଟରେ ପହଞ୍ଚି ଥିଲେ।ଗ୍ରାମ ନିକଟରେ ଆଉ ପକ୍କା ରାସ୍ତା ନଥିବାରୁ ଆମ୍ବୁଲାନ୍ସ ଅପେକ୍ଷା କରିବା ପରେ ଗର୍ଭବତୀ ମହିଳା ଆଣିବାରେ ବିଳମ୍ବ ସହ ନଫେରିବାରୁ ଚାଷ ଜମିରେ ନାଳ ଡେଇଁ ଚାଲି ଚାଲି ଯାଇ ଗର୍ଭବତୀ ମହିଳା ଜଣକ ଛଟପଟ ହେଉଥିବା ଦେଖି ସଙ୍ଗେ ସଙ୍ଗେ ଭାରରେ ବୋହି ଜଙ୍ଗଲିଆ ରାସ୍ତାରେ ପ୍ରାୟ ୧କିଲୋମିଟର ବୋହି ଆଣିଥିଲେ ଆମ୍ବୁଲାନ୍ସ ଡ୍ରାଇଭର କମଳାକାନ୍ତ ପାଢ଼ୀ ଓ ଗର୍ଭବତୀଙ୍କ ସ୍ବାମୀ ଲକ୍ଷ୍ମୀ ନାରାୟଣ ଶବର । ଗର୍ଭବତୀ ମହିଳା ଗର୍ଭଯନ୍ତଣାରେ ଛଟପଟ ହେଉଥିବା ଅବସ୍ଥାରେ ଆମ୍ବୁଲାନ୍ସ ନିକଟରେ ପହଞ୍ଚିବା ପରେ କୁନି ଶବରଙ୍କ ପ୍ରସବ ବେଦନା ହେବାରୁ ବୋହି ଆଣୁଥିବା ଅବସ୍ଥାରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ପରେ ସଙ୍ଗେସଙ୍ଗେ ୧୦୨ଆମ୍ବୁଲାନ୍ସ ଯୋଗେ ରାମନାଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଥିଲା।ସ୍ବାସ୍ଥ୍ୟ କେନ୍ଦ୍ର ପହଞ୍ଚିବା ପରେ ଉଭୟେ ସୁସ୍ଥ ରହିଥିବା ଡାକ୍ତର କହୁଛନ୍ତି।ଆମ୍ବୁଲାନ୍ସ ଡ୍ରାଇଭରଙ୍କ ଏଭଳି ମାନବିକତା ପାଇଁ ମୋ ସ୍ତ୍ରୀ ଓ ପୁତ୍ରର ଜୀବନ ରକ୍ଷା ପାଇଗଲା ବୋଲି କହିଛନ୍ତି ଗର୍ଭବତୀଙ୍କ ସ୍ବାମୀ ଲକ୍ଷ୍ମୀ ନାରାୟଣ।ଆମ୍ବୁଲାନ୍ସ ଡ୍ରାଇଭରଙ୍କ ଏଭଳି ମହତସେବାକୁ ସାଧାରଣରେ ପ୍ରଂଶସା ସାଧୁବାଦ ଜଣାଇଛନ୍ତି।।