23-Oct-2022

ବଲାଙ୍ଗୀର- ବଲାଙ୍ଗୀର ବନଖଣ୍ଡ ର ସରକାରୀ ଆଉଟସୋର୍ସିଂ କର୍ମଚାରୀ ମାନଙ୍କ ଏକ ବୈଠକ ଅନୁଷ୍ଠିତ ହୋଇ ଯାଇଅଛି। ଉକ୍ତ ବୈଠକରେ ଜିଲ୍ଲାର ବିଭିନ୍ନ ବନାଞ୍ଚଳ ରେ କାର୍ଯ୍ୟ ରତ ୭୨ ଜଣ ପାରା ଫରେଷ୍ଟ ସ୍କ୍ୱାଡ଼ ସଦସ୍ୟ ଓ ୨୮ ଜଣ ଡାଟାଏଣ୍ଟ୍ରି ଅପରେଟର  ଯୋଗଦେଇଥିଲେ। ଏହି ବୈଠକର ମୁଖ୍ଯ ଉଦ୍ଦେଶ୍ଯ ହେଲା ପ୍ରାୟ ଅନେକ ବର୍ଷ ଧରି ରେ ସ୍ବଳ୍ପ ବେତନ ପାଇ ସରକାରଙ୍କର ସମସ୍ତ କାର୍ଯ୍ୟ କରିଆସୁଛନ୍ତି ଯାହା ଏକ ଦିନ ମଜୁରୀଆ ଠୁ ବି କମ୍ ଏବଂ ଏହାକୁ  ଗୋତି ଶ୍ରମିକ କହିଲେବି ଅତ୍ୟୁକ୍ତି ହେବନାହିଁ। ସ୍ବଳ୍ପ ବେତନରେ ପରିବାର ଚଳେଇବା ବି କାଠିକର ବ୍ୟାପାର ହୋଇଯାଉଛି। ପରିତାପର ବିଷୟ ଯେ, ଗୋଟିଏ କାର୍ଯାଳୟରେ ଗୋଟିଏ ନିୟମିତ କର୍ମଚାରୀ ଯେତିକି ସମୟ କାମ କରନ୍ତି ତାଠାରୁ ଢେର ସମୟ ଅଧିକ କାମ କରି ମଧ୍ୟ ଶୋଷଣ ର ଶିକାର ହେବାକୁ ପଢୁଛି। ତେଣୁ ଏହି କୁତ୍ସିତ ଓ ଘ୍ରୁଣ୍ୟ ପରମ୍ପରା ର ମୁଳତ୍ପୋଟନ କରିବା ଏବଂ ଏହାକୁ ନିୟମିତ କରିବା ନିମନ୍ତେ ସମସ୍ତ କର୍ମଚାରୀ ଏକଜୁଟ ହୋଇ ଥିଲେ ଏବଂ ଆଗାମୀଦିନରେ  ଯଦି ସରକାର କିଛି ଦ୍ରୁଷ୍ଟାନ୍ତମୂଳକ ନ ନିଅନ୍ତି ତେବେ ଉକ୍ତ କର୍ମଚାରୀ ମାନେ ଆନ୍ଦୋଳନାତ୍ମକ ପନ୍ଥା ଆପଣେଇବେ । ଉକ୍ତ ବୈଠକରେ ସଙ୍ଘର କର୍ମକର୍ତା ଶ୍ରୀ ସୁରଜ କୁମାର ଅଗସ୍ତି, ଶ୍ରୀ ବିପ୍ଳବ କୁମାର ପଟ୍ଟନାୟକ, ଶ୍ରୀ ଆଶୁତୋଷ ବେହେରା ମାଲି, ଶ୍ରୀ ସଂଜୀବ ପୋଢ଼, ଶ୍ରୀ ନରେନ୍ଦ୍ର ବିଶ୍ୱାଳ, ଶ୍ରୀସନ୍ତୋଷ କୁମାର ରଣା, ଶ୍ରୀହେମନ୍ତ ବଳବନ୍ତ ରାଏ, ଶ୍ରୀଗୋଲାପ ବାଗ, ଶ୍ରୀ ପ୍ରମୋଦ ଭୋଇ,  ଓ ଅନ୍ୟାନ ମାନେ  ଉପସ୍ଥିତ ଥିଲେ ।