22-Oct-2022

ତୁଷୁରା- ଗତ ସେପ୍ଟେମ୍ବର,୨୧ ତାରିଖ ଶୁକ୍ରବାର ଦିନ ଗୁଡଭେଲା ବ୍ଲକ୍ ଅନ୍ତର୍ଗତ ତୁଷୁରା କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି ତୁଷୁରା ବାଳିକା ନୋଡାଲ ହାଇସ୍କୁଲ୍ ଠାରେ ମହା ସମାରୋହରେ  ଅନୁଷ୍ଠିତ ହୋଇଯାଇଛି। 

       ଉଦଘାଟନୀ ସଭାରେ ମୁଖ୍ୟ ଅତିଥି ଭାବେ
ସଇଁନ୍ତଳା ଗୋଷ୍ଠୀ ଶିକ୍ଷା ଅଧିକାରୀ ତଥା ଗୁଡଭେଲା ର ଭାରପ୍ରାପ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଗୋବର୍ଦ୍ଧନ ଭୋଇ ଯୋଗ ଦେଇ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ। ଉପସ୍ଥିତ ଶିଶୁ ଓ ଶିକ୍ଷକ ମାନଙ୍କ ଉଦ୍ଦେଶ୍ୟରେ ସାରଗର୍ଭକ ଭାଷଣ ପ୍ରଦାନ କରିଥିଲେ। ସମ୍ମାନୀତ ଅତିଥି ଭାବେ ଗୁଡଭେଲା ବ୍ଲକ୍ ଏବିଇଓ ଶ୍ରୀ ରମେଶ ସାମର୍ଥ ଯୋଗଦେଇଥିଲେ। ତୁଷୁରା ବାଳିକା ନୋଡାଲ୍ ହାଇସ୍କୁଲ୍ ର ପ୍ରଧାନ ଶିକ୍ଷକ ଶ୍ରୀ ଭକ୍ତ ଚରଣ ଦାଶଙ୍କ ସଭାପତିତ୍ବରେ ସଭା ଅନୁଷ୍ଠିତ ହୋଇଥିବା ବେଳେ ଆଞ୍ଚଳିକ ସାଧନ ସଂଯୋଜକ ଜଗମୋହନ ତ୍ରିପାଠୀ ସ୍ବାଗତ ଅଭିଭାଷଣ ପ୍ରଦାନ କରିଥିଲେ। ତୁଷୁରା ବାଳକ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ହେମନ୍ତ କୁମାର ଦାଶ ମଞ୍ଚ ସଂଚାଳନ କରିଥିଲେ। 
      ଉଦ୍ଯାପନୀ ସଭାରେ ମୁଖ୍ୟ ଅତିଥି ଭାବେ ସ୍ଥାନୀୟ ଡାକ୍ତରଖାନାର ଡାକ୍ତର ଶ୍ରୀ ଲଲାଟେନ୍ଦୁ ନାୟକ ମୁଖ୍ୟ ଅତିଥି ଭାବେ ଯୋଗଦେଇ କୃତୀ ଶିଶୁ ମାନଙ୍କୁ ପୁରସ୍କାର ବିତରଣ କରିଥିଲେ। 
        ଏଥିରେ ମୋଟ୍ ୧୦୮ ଜଣ ଛାତ୍ରଛାତ୍ରୀ ଯୋଗଦେଇଥିବା ବେଳେ ତନ୍ମଧ୍ୟରୁ ୫୧ ଜଣ ପୁରସ୍କୃତ ହୋଇଥିଲେ ଏବଂ ପ୍ରଥମ ସ୍ଥାନ ଗ୍ରହଣ  କରିଥିବା ୧୭ ଜଣ ବ୍ଲକ୍ ସ୍ତରୀୟ ସୁରଭି ପାଇଁ ମନୋନୀତ ହୋଇଥିଲେ। ରଚନା, ତର୍କ, କୁଇଜ୍, ଚିତ୍ରାଙ୍କନ, ଏଲୋକେଶନ, ସଂଗୀତ, ନୃତ୍ୟ ପ୍ରଭୃତି ୧୭ ଟି ବିଭାଗରେ ୪ର୍ଥ ରୁ ୭ମ  କନିଷ୍ଠ ବିଭାଗ ଓ ୮ମ ରୁ ୧୦ମ ଶ୍ରେଣୀ ବରିଷ୍ଠ ବିଭାଗରେ ପ୍ରତିଯୋଗିତା ଅନୁଷ୍ଠିତ ହୋଇଥିଲା। 
    ବିଭିନ୍ନ ବିଦ୍ୟାଳୟରୁ ଗାଇଡ୍ ଟିଚର୍ ଭାବେ ଆସିଥିବା ଶିକ୍ଷକ, ଶିକ୍ଷୟିତ୍ରୀମାନେ ବିଚାରକ ଭାବେ ସହଯୋଗ କରିଥିଲେ। ପରିଶେଷରେ ପ୍ରଧାନ ଶିକ୍ଷକ ହେମନ୍ତ ଦାଶ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।