22-Oct-2022

ବଲାଙ୍ଗିର ଜିଲ୍ଲା ଖପ୍ରାଖୋଲ ଅଞ୍ଚଳ ଏକ ଜଙ୍ଗଲ ଘେରା ଦୁର୍ଗମ ପାହାଡିଆ ଅଞ୍ଚଳ ହୋଇଥିବା ବେଳେ ଏଠାରେ ଅନେକ ଜୀବଜନ୍ତୁ ଆସିଥାନ୍ତି। ବିଶେଷ କରି ଏହି ଅଞ୍ଚଳ ରେ ହାତୀମାନଙ୍କର ପ୍ରଭାବ ପଡିଥାଏ।ଚାଷ ସମୟରେ ବେଶୀ ପରିମାଣରେ ହାତୀଙ୍କ ଆତଙ୍କ ଦେଖିବାକୁ ମିଳେ ଓ ସେମାନେ ବହୁତ ଚାଷୀଙ୍କ ଫସଲ ନଷ୍ଟ କରିବା ସହ ଅନେକ ନିରିହ ଲୋକଙ୍କ ଜୀବନ ନେଇଥାନ୍ତି।ଗତ ବର୍ଷ ମଧ୍ୟ ହରିଶଙ୍କର ପାଖ ବ୍ରାହ୍ମଣୀ ଗାଁର ଜଣକ ଜୀବନ ନେଇଥିବା ବେଳେ କିଛି ଜଣ ଙ୍କୁ ଗୁରୁତର କରିଦେଇଥିଲା । ବର୍ତମାନ ଫସଲ ଅମଳ ସମୟ ହୋଇଥିବା ବେଳେ ପୁଣି ଥରେ ହାତୀର ଆତଙ୍କ ଦେଖାଦେଇଛି। ସୂଚନା ଅନୁସାରେ ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଲକ ନାନ୍ଦୁପଲା ଗାଆଁ ରେ ଗତ କିଛି ଦିନ ତଳେ ଦୁଇ ଜଣ ଙ୍କ ଘର ଭାଙ୍ଗି ଦେଇଥିବା ବେଳେ ଗତକାଲି ଲାଠୋର ଗ୍ରାମକୁ ପଶିଥିଲା ଓ ବିଭିନ୍ନ ଉପଦ୍ରବ କରିଛି। ଆଜି ସନ୍ଧ୍ୟାରେ ମହରାପଦର ଗାଁ କୁ ପଶିଥିବା ବେଳେ ଜଣେ ବୃଦ୍ଧା ଙ୍କ ଜୀବନ ନେଇଯାଇଛି। ସେହି ଗାଁର ବାସନ୍ତୀ ଅଙ୍ଗରିଆ (୭୦) ନିଜ ଘରେ ଥିବା ବେଳେ ହାତୀ ହାବୁଡରେ ପଡ଼ିଥିଲା ଓ ହାତୀଟି ବୃଦ୍ଧା ଙ୍କୁ ଦଳିଚକଟି ଦେଲା ପରେ ବୃଦ୍ଧା ଜଣକର ମୃତ୍ୟୁ ଘଟିଥିଲା।ଏଡେ ବଡ ଘଟଣା ଘଟିଥିବା ବେଳେ ଜଙ୍ଗଲ ବିଭାଗ ଏ ପର୍ଯ୍ୟନ୍ତ ଦେଖା ଦର୍ଶନ ନାହିଁ। ବାରମ୍ବାର ଏପରି ଘଟଣା ଘଟୁଥିଲେ ହେଁ ବନବିଭାଗ ପକ୍ଷରୁ କୌଣସି ପଦକ୍ଷେପ ନ ନେବା ରୁ ଲୋକ ଙ୍କ ମନରେ ଅସନ୍ତୋଷ ଦେଖାଦେଇଛି।ଖପ୍ରାଖୋଲ ରେଞ୍ଜରେ ଏଭଳି ପରିସ୍ଥିତି ଉପୁଜିଛି ଯେ ଲୋକଙ୍କ ମନରେ ଭୟର ବାତାବରଣ ସୃଷ୍ଟି ହେଉଛି କିନ୍ତୁ ସରକାର ସଚେତନ କରାଇବା ପାଇଁ ଜଙ୍ଗଲ ବିଭାଗକୁ ଲକ୍ଷ ଲକ୍ଷ ଟଙ୍କା ଦେଉଥିବା ବେଳେ ଖପ୍ରାଖୋଲ ରେଞ୍ଜର ଅଚେତ କାହିଁକି ଏହାର ଜବାବ ଦିଅନ୍ତୁ ।

(ପୂର୍ଣ୍ଣ ଶଶୀ ଶେଖର ରାଓ ଙ୍କ ରିପୋର୍ଟ)