22-Oct-2022

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାପାଳ ତାଙ୍କ ପତ୍ର ସଂଖ୍ୟା:୧୩୧୨/୨୦.୦୯.୨୦୨୨ ରେ ମୁନିସିପାଲିଟି ରେ ଅମିନ ଭାବେ କାର୍ଯ୍ୟରତ ତପି ସୁନା ଙ୍କୁ ପାଟଣାଗଡ଼ ଏନ୍ ଏ ସି କୁ ଡେପୁଟେସନ କରିଥିଲେ ।ଏହାର ଏକ ନକଲ ଡାଇରେକ୍ଟର ଗୃହ ଓ ନଗର ଉନ୍ନୟନ ବିଭାଗକୁ ପତ୍ର ସଂଖ୍ୟା ୧୩୧୫/୨୨ ରେ ଜଣାଇ ଦେଇଛନ୍ତି । ଜିଲ୍ଲାପାଳଙ୍କ ଆଦେଶ କୁ ଅବମାନନା କରି ବର୍ତ୍ତମାନ ପର୍ଯ୍ୟନ୍ତ ସେ ପାଟଣାଗଡ଼ ରେ ଯୋଗ ଦେଇ ନାହାନ୍ତି । ତପି ସୁନାଙ୍କୁ କାର୍ଯ୍ୟ ନିର୍ବାହୀ ଅଧିକାରୀ ଏଠାରୁ ରିଲିଭ ନ କରି କାହିଁକି ଏହିଠାରେ ରଖିବା ପାଇଁ ଇଛୁକ ଜଣା ପଡିନାହିଁ । ତପି ସୁନା ଅମିନ ଭାବେ ନିଯୁକ୍ତି ପାଇଥିବା ବେଳେ ତାଙ୍କୁ ଏହି କାର୍ଯ୍ୟାଳୟର ଯାନ ବାହାନ ରକ୍ଷଣାବେକ୍ଷଣ, ମରାମତି କରିବା ଏବଂ କାର୍ଯ୍ୟାଳୟ ର ଷ୍ଟକ୍ ଏବଂ ଷ୍ଟୋର ଇନ୍- ଚାର୍ଜ ଭାବରେ ରଖାଯାଇଛି ।ଏହି କାମଟି ଜଣେ କନିଷ୍ଠ ଯନ୍ତ୍ରୀ ଏବଂ କନିଷ୍ଠ କିରାଣୀ ରହିବା କଥା ବୋଲି ଚର୍ଚ୍ଚା ହେଉଛି ।କନିଷ୍ଟ କିରାଣୀ ମାନଙ୍କୁ କୌଣସି କାମ ଦିଆଯାଇ ନ ଥିବାରୁ ବସି ରହିଥିବା ମଧ୍ୟ ଚର୍ଚ୍ଚା ହେଉଛି । ସାଧାରଣରେ ଚର୍ଚ୍ଚା ହେଉଛି ଅମିନକୁ ଏହି କାମ କାହିଁକି ଦିଆଯାଇଛି ଏହା ପଛରେ କି ରହସ୍ୟ ରହିଛି ଯଦ୍ୱାରା ଜିଲ୍ଲାପାଳଙ୍କ ଆଦେଶକୁ ଅବମାନନା କରାଯାଉଛି ।ଜିଲ୍ଲାପାଳ ମଧ୍ୟ ଏହି ବିଷୟ ଜାଣି ଚୁପ୍ ରହିଥିବା ଏବଂ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିବାରୁ ଜିଲ୍ଲାପାଳ ଙ୍କ ଆଦେଶ ଏକ ଧୁଆଁବାଣ ବୋଲି ଚର୍ଚ୍ଚା ଜୋର୍ ଧରିଛି।ପ୍ରକଳ୍ପ ନିର୍ଦ୍ଦେଶକ( ଡୁଡା) ଜିଲ୍ଲାପାଳ ଦେଇଥିବା ଆଦେଶକୁ କାର୍ଯ୍ୟକାରୀ କରିବାରେ ବିଫଳ ହେଉଥିବା ଜିଲ୍ଲା ପାଇଁ ଶୁଭଙ୍କର ନୁହେଁ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।