21-Oct-2022

ବିନିକା(ହିମାଂଶୁ ଶେଖର ପୁଟେଲ) ରାଜ୍ୟ ନବୀନ ସରକାରଙ୍କଲୋକପ୍ରିୟତା,ବିଭିନ୍ନ ଜନକଲ୍ୟାଣ କାର୍ଯ୍ୟକ୍ରମ ଓ ବିନିକା ବ୍ଳକ ଅଞ୍ଚଳର ବିଭିନ୍ନ ଗ୍ରାମରେ ଚାଲିଥିବା ଜନହିତକର  କାର୍ଯ୍ୟକୁ ଲୋକଙ୍କ ପାଖରେ ପହଞ୍ଚାଇବା ସହ ବିଜେଡ଼ି ଦଳର ନୀତି ଆଦର୍ଶରେ ସବୁ ବର୍ଗର ଲୋକଙ୍କୁ ସାମିଲ କରିବା ନେଇ ଶୁକ୍ରବାର ବିଜେଡ଼ିର ଦ୍ବିତୀୟ ପର୍ଯ୍ୟାୟ ପଦଯାତ୍ରା ୫ଟି ଗ୍ରାମରେ ଅନୁଷ୍ଠିତ ହୋଇଥିଲା । ସୁବର୍ଣ୍ଣପୁର ଜିଲ୍ଲା ବିଜୁ ଜନତା ଦଳର ଯୁବ ସଭାପତି ତଥା ବିନିକା ବ୍ଳକ ପୂର୍ବତନ ଅଧ୍ୟକ୍ଷ ଅଶୋକ କୁମାର ନନ୍ଦଙ୍କ ନେତୃତ୍ୱରେ ଅନୁଷ୍ଟିତ ଏହି ପଦଯାତ୍ରାରେ ମାନ୍ୟବର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଥିଲେ  । ପ୍ରାରମ୍ଭରେ ବିଶାଳପାଲି ସ୍ଥିତ ମହାଦେବ ମନ୍ଦିର ଠାରେ ପୂଜାର୍ଚ୍ଚନା ପରେ ଶତାଧିକ ବିଜେଡ଼ି କର୍ମୀ ବିଶାଳପାଲି ଗ୍ରାମରେ ପଦଯାତ୍ରା କରିଥିଲେ ।ପରେ ଚେରୁପାଲି,ବଲାରଙ୍ଗା, ସର୍ଗୁଣା,ଜାମପାଲି ପରିକ୍ରମା ବେଳେ ଗ୍ରାମବାସୀଙ୍କ ତରଫରୁ ଆୟୋଜିତ ସଭାରେ ବିଧାୟକ ଶ୍ରୀ ବେହେରା ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ଉପରେ ଲୋକଙ୍କୁ ଅବଗତ କରି ଏହାର ଫାଇଦା ନେବାକୁ କହିଥିଲେ l ସେହିପରି ଜିଲ୍ଲା ବିଜେଡ଼ି ଯୁବ ସଭାପତି ଅଶୋକ ନନ୍ଦ ବିନିକା ବ୍ଳକ ଅଧୀନରେ ଚାଲିଥିବା ଉନ୍ନତିମୂଳକ କାର୍ଯ୍ୟ ଉପରେ କହିବା ସହ ଅଞ୍ଚଳର ସାମୂହିକ ବିକାଶ ପାଇଁ ଆମର ପ୍ରିୟ ବିଧାୟକଙ୍କ ପ୍ରଚେଷ୍ଟା ଜାରି ରହିଥିବା ପ୍ରକାଶ କରିଥିଲେ। ଅନୁଷ୍ଟିତ ଏହି ପଦଯାତ୍ରାରେ ବ୍ଳକ ବିଜେଡ଼ି ସଭାପତି ଦ୍ବାରିକାନାଥ ସାହୁ,ନଗରପାଳ ସୁବାସ ଚନ୍ଦ୍ର ଭୋଇ, ଯୁବ ଆଇନଜୀବୀ ଅଦୈତ ପଣ୍ଡା,ବ୍ଳକ ଉପାଧ୍ୟକ୍ଷ ନିର୍ମଳ ଷାଣ୍ଡ,ଯୁବ ସଭାପତି ପ୍ରତାପ ଚାନ୍ଦ,ବ୍ଳକ ସମ୍ପାଦକ ଟଙ୍କଧର ମେଲ୍ଲି,ନାରାୟଣ ଲୁହା,ଅଚ୍ୟୁତ କଣ୍ଟା,ଦାଶରଥି ନନ୍ଦ,କେଦାର ପଣ୍ଡା,ହୃଷୀକେଶ ପଣ୍ଡା,ବଶିଷ୍ଠ ପଣ୍ଡା,ମାନସ ବେହେରା,ସଞ୍ଜୀବ ତ୍ରିପାଠୀ,ବିହାରୀ ଲାଲ ମିଶ୍ର,କୃତିବାସ ମିଶ୍ର,ପ୍ରଦୀପ ମିଶ୍ର ପ୍ରମୁଖଙ୍କ ସମେତ ଶତାଧିକ କର୍ମୀ ସାମିଲ ହୋଇଥିଲେ ।