21-Oct-2022

ବରଗଡ:-ବରଗଡ ଜିଲ୍ଲା ଅଧିନସ୍ଥ ପାଇକମାଲ ବ୍ଲକ ର  ଲଖମରା  ନୋଡାଲ ହାଇସ୍କୁଲ  ଠାରେ  କ୍ଲଷ୍ଟର ସ୍ତରୀୟ  ସୁରଭି  କାର୍ଯ୍ୟକ୍ରମ ମହାସମାରୋହର ସହ  ଅନୁଷ୍ଠିତ  ହୋଇଯାଇଛି ।ଲଖମରା  ଶିକ୍ଷା କ୍ଲଷ୍ଟର ର  ସମୁଦାୟ  ବାରଟି  ବିଦ୍ୟାଳୟର  ଛାତ୍ରୀ  ମାନେ ଏଥିରେ  ଭାଗ  ନେଇଥିଲେ ।ଏ ଅବସରରେ ସରକାରୀ ଜଗନ୍ନାଥ ନୋଡାଲ ହାଇସ୍କୁଲ ପରିସରରେ ଆୟୋଜିତ ସୁରଭି  କାର୍ଯ୍ୟକ୍ରମ ର ଉଦଘାଟନୀ ଉତ୍ସବ ପରିପେକ୍ଷୀରେ  ମୁଖ୍ୟ  ଅତିଥି  ଭାବେ  ଲଖମରା  ଗ୍ରାମ ପଞ୍ଚାୟତ  ର  ସରପଞ୍ଚ  ଶ୍ରୀଯୁକ୍ତ ସୁବାଷ ଝଗରା  ଯୋଗଦେଇ ଥିଲେ ।ପଦ୍ମପୁର  ଆର.ବି ହାଇସ୍କୁଲ ର  ପ୍ରଧାନ  ଶିକ୍ଷକ ଶ୍ରୀଯୁକ୍ତ ଧର୍ମ କୁମାର ଶତପଥୀ  ଙ୍କ ଅଧ୍ୟାକ୍ଷତା  ରେ ମୁଖ୍ୟବକ୍ତା ଭାବେ ପାଇକମାଲ ବ୍ଲକ ର  ପୂର୍ବତନ ସହକାରୀ  ବ୍ଲକ  ଶିକ୍ଷଧିକାରୀ  ଶ୍ରୀଯୁକ୍ତ ଦେବାନନ୍ଦ ବାରିକ ଯୋଗ ଦେଇ ସମବେଷିତ  ବିଦ୍ୟାର୍ଥୀଙ୍କୁ ଶିକ୍ଷା ର  ଗୁଣାତ୍ମକ ବିକାଶ ଉପରେ  ମତବ୍ୟକ୍ତ କରିଥିଲେ ।ଅନ୍ୟମାନଙ୍କ ମଧ୍ୟରେ  ସମ୍ମାନୀତ ଅତିଥି  ଭାବେ  ସମାଜସେବୀ  ମଧୁସୂଦନ  ଦାସ, ପାଇକମାଲ ଜିଲ୍ଲାପରିଷଦ ସଭ୍ୟା ଶ୍ରୀମତୀ ବାସନ୍ତୀ ବାଲମ, ସମିତି ମେମ୍ବର ଶ୍ରୀମତୀ ଶିବାନୀ ଲୁହାର, ଲଖମରା  ହାଇସ୍କୁଲ ର  ବରିଷ୍ଠ  ଶିକ୍ଷକ ସନାତନ ଭୋଇ  ଯୋଗ ଦେଇଥିଲେ ।ସହକାରୀ  ଶିକ୍ଷକ କିଶୋର ଭୀଲ  ଅତିଥି  ପରିଚୟ  ପ୍ରଦାନ କରିଥିବାବେଳେ , କ୍ଲଷ୍ଟର ସି.ଆର.ସି.ସି  ବୈଷ୍ଣବ ପଣ୍ଡା ସୁରଭି  କାର୍ଯ୍ୟକ୍ରମ ର ରୂପରେଖ  ଉପସ୍ଥାପନ କରିଥିଲେ ।ଏହାପରେ ଛାତ୍ରୀ  ମାନଙ୍କୁ ନେଇ ଶୃତଲିଖନ, ପ୍ରବନ୍ଧ, ତର୍କ, ନାଚ, ଗୀତ  ଇତ୍ୟାଦି ପ୍ରତିଦ୍ୱନ୍ଦିତା ଅନୁଷ୍ଠିତ ହୋଇଥିଲା ।ଅପରାହ୍ନରେ ପୁରସ୍କାର ବିତରଣୀ  ସଭା ରେ ମୁଖ୍ୟ ଅତିଥି  ଭାବେ  ପାଇକମାଲ ବ୍ଲକ  ସହକାରୀ  ଶିକ୍ଷାଧିକାରୀ  ଶ୍ରୀଯୁକ୍ତ ଶିବପ୍ରସାଦ  ଯୋଶୀ ଯୋଗ ଦେଇଥିଲେ ।ସମ୍ମାନିତ ଅତିଥି ଭାବେ ଉଦଘାଟନୀ  ସଭାର  ସମସ୍ତ  ଅତିଥି  ଙ୍କ ସହ  ଚରଦାପାଲି  ଗ୍ରାମପଞ୍ଚାୟତ ର  ସରପଞ୍ଚ  ଶ୍ରୀମତୀ ଉପାସୀ ନାଏକ, ଲଖମରା ବିଦ୍ୟାଳୟର  ଶିକ୍ଷା କମିଟି  ଅଧ୍ୟକ୍ଷ  ବିକ୍ରମ ନାଏକ, ରମାକାନ୍ତ  ମିଶ୍ର ଯୋଗ  ଦେଇଥିଲେ ।ବିଭିନ୍ନ  ବିଭାଗରେ  କୃତିତ୍ୱ ହୋଇଥିବା  ଛାତ୍ରୀ  ମାନଙ୍କୁ ଅତିଥି  ଗଣ  ମାନପତ୍ର  ସହ  ପୁରସ୍କୃତ  କରିଥିଲେ ।ପ୍ରୋକ୍ତ କାର୍ଯ୍ୟକ୍ରମ ରେ ଜଗନ୍ନାଥ ହାଇସ୍କୁଲ ର  ସମସ୍ତ  ଶିକ୍ଷକ, ଶିକ୍ଷୟତ୍ରୀ, ଯୋଗଦେଇଥିବାବେଳେ,  ଅନ୍ୟାନ୍ୟ ବିଦ୍ୟାଳୟ ର  ଉପସ୍ଥିତ  ସମସ୍ତ  ଶିକ୍ଷକ ଏବଂ  ଅନ୍ୟାନ  କର୍ମଚାରୀ ଙ୍କ ସହଯୋଗ ରେ କାର୍ଯ୍ୟକ୍ରମ ସାଫଲ୍ୟମଣ୍ଡିତ ହୋଇଥିଲା ।