20-Oct-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକକୁ ଆଜି ପଂଚାୟତିରାଜ ଓ ପାନୀୟଜଳ ବିଭାଗର ସ୍ୱତନ୍ତ୍ର ସଚିବ ମହେଶ୍ୱର ପାଣିଗ୍ରାହୀ ଗସ୍ତ କରିଛନ୍ତି । ପ୍ରଥମେ ସଚିବ ମେଟାକାନୀ ଠାରେ ପହଂଚିଥିଲେ । ସେଠାରେ ମେଟାକାନୀ ପରିଶର, ପାର୍କ ଆଦି ବୁଲିଦେଖିବା ସହ ପର୍ଯ୍ୟଟକ ମାନଙ୍କ ପାଇଁ ପାନୀୟ ଜଳ ଯୋଗାଣ ବ୍ୟବସ୍ଥା କରିବା ପାଇଁ ବିଭାଗୀୟ ଯନ୍ତ୍ରୀଙ୍କୁ ନିର୍ଦେଶ ଦେଇଥିଲେ । ପରେ ଉଲୁଣ୍ଡା କଲେଜ ଖେଲପଡିଆ ଠାରେ ପହଂଚିବା ପରେ ତାଙ୍କୁ ସ୍ୱାଗତ କରାଯାଇଥିଲା । ଏହି ଅବଶରରେ ଖେଲପଡିଆର ଉନ୍ନତି, ସୌନ୍ଦର୍ଯ୍ୟକରଣ ତଥା  ଆକର୍ଷିତ ଏବଂ ଆଲୋକୀକରଣ କରିବା ପାଇଁ କିକି ପଦକ୍ଷେପ ନିଆଜିବ ସେ ଉପରେ ଆଲୋଚନା କରିବା ସହ ବିଡିଓ, ଯନ୍ତ୍ରୀ ଏବଂ ସରପଂଚଙ୍କୁ ଏଥି ପ୍ରତି ଦୃଷ୍ଟି ଦେଇ ଆସନ୍ତା ମାସ ସେଷ ସୁଦ୍ଧା କାର୍ଯ୍ୟ ସଂପାଦନ କରିବା ପାଇଁ ପରାମର୍ଶ ଦେଇଥିଲେ । ପରେ ବ୍ଲକ କାର୍ଯ୍ୟାଲୟ ଏବଂ କୋଟସମଲାଇ ସ୍ଥିତ ପାତାଲି ଶ୍ରୀ କ୍ଷେତ୍ରକୁ ପରିଦର୍ଶନ କରି ବିକାଶ ଦିଗରେ ଗୁରୁତ୍ୱାରୋପ କରିଥିଲେ । ସଚିବ ଶ୍ରୀଯୁକ୍ତ ପାଣିଗ୍ରାହୀଙ୍କ ଗସ୍ତ ସମୟରେ ପ୍ରକଲ୍ପ ନିର୍ଦେଶକ ନିହାର ରଂଜନ କହଁର, ବିଡିଓ ହେମସାଗର ଭୋଇ, ସରପଂଚ ରଶ୍ମିତା ଭୋଇ, ଜଲ ଓ ପରିମଲ ବିଭାଗର ଯନ୍ତ୍ରୀ ବଳରାମ ମାôଝ, ବ୍ଲକ ସହକାରୀ ଯନ୍ତ୍ରୀ ସନ୍ତୋଷ କୁମାର ସେଠୀ ପ୍ରମୁଖ ଉପସ୍ଥିତ ରହିଥିଲେ ।