20-Oct-2022

ବଲାଙ୍ଗୀରରେ ହାଇକୋର୍ଟର ସ୍ଥାୟୀ ବେଞ୍ଚ ପୁନଃସ୍ଥାପନ ଦାବିରେ ବଲାଙ୍ଗୀର ଏକ୍ସନ କମିଟିର ନେତୃତ୍ୱରେ ତଥା ବଲାଙ୍ଗୀର ଜିଲ୍ଲା ଓକିଲ ସଂଘ ସହାୟତାରେ ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟାଳୟ ଓ ସିଭିଲ କୋର୍ଟ ଆଗରେ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏଥିସହ ଏହି ସମାନ ଦାବିକୁ ନେଇ ଜିଲ୍ଲାର ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟ, ବେଙ୍କ ଓ ପୋଷ୍ଟ ଅଫିସ କୁ ବନ୍ଦ କରାଯାଇଥିଲା । ଆଜି ସକାଳୁ ସକାଳୁ ବଲାଙ୍ଗୀର ଏକ୍ସନ କମିଟିର ବିନୋଦ କାଲସାଏ,ଗୋବିନ୍ଦ ଶତପଥୀ ଓ ପ୍ରମୋଦ ସାହୁଙ୍କ ନେତୃତ୍ୱରେ ବଲାଙ୍ଗୀର ମୁଖ୍ୟ ଡାକଘର, ବ୍ୟାଙ୍କ ଓ ଅନ୍ୟ ସରକାରୀ କାର୍ଯ୍ୟାଳୟ ମାନେ ବନ୍ଦ କରାଯାଇଥିଲା ।  ପାଟଣା ଷ୍ଟେଟ୍ ସମୟରେ ଏଠାରେ ଏକ ହାଇକୋର୍ଟ କାର୍ଯ୍ୟ କରୁଥିଲା । ତେବେ ବର୍ତ୍ତମାନ ମଧ୍ୟ ବଲାଙ୍ଗୀର ଦୌରା ଜଜ୍ ହାଇକୋର୍ଟର ଏକ୍ସଅଫିସିଓ ରେଜିଷ୍ଟାର ଭାବେ କାର୍ଯ୍ୟ କରୁଛନ୍ତି । ସମସ୍ତ ଯଥାର୍ଥତା ଥାଇ ମଧ୍ୟ ଆଞ୍ଚଳିକ ବୈଷମ୍ୟବାଦର ଶୀକାର ବଲାଙ୍ଗୀର ଜିଲ୍ଲାକୁ ସରକାର ଅଣଦେଖା କରୁଛନ୍ତି ବୋଲି ଆନ୍ଦୋଳନକାରୀ ମାନେ କହିଛନ୍ତି । ବଲାଙ୍ଗୀରବାସୀଙ୍କ ନ୍ୟାର୍ଯ୍ୟ ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନ ଆହୁରି ଭୟାବହ

କରାଯିବ ବୋଲି ଚେତାବନୀ ଦିଆଯାଇଛି । ହାଇକୋର୍ଟ ବେଞ୍ଚ ଆନ୍ଦୋଳନକୁ ସମର୍ଥନ କରି ଆଜି ଧାରଣାସ୍ଥଳକୁ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ ଓ ବଲାଙ୍ଗୀର ମୁନସିପାଲିଟି ଚ୍ୟାରମେନ୍ ଲିକା ସାହୁ ପ୍ରମୁଖ ଆସି ଆନ୍ଦୋଳନକୁ ସମର୍ଥନ ଜଣାଇଥିଲେ । ହାଇକୋର୍ଟ ବେଞ୍ଚ ଆନ୍ଦୋଳନ ପ୍ରସଙ୍ଗ କୁ ନେଇ ମୁଁ ବିଧାନସଭାରେ ମଧ୍ୟ ଆନ୍ଦୋଳନ କରି ସାରିଛି ବୋଲି ଲୋଇସିଂହା ବିଧାୟକ ମୁକେଶ ମହାଲିଙ୍ଗ କହିଛନ୍ତି । ଆସନ୍ତା ଦିନରେ ଏହି ପ୍ରସଙ୍ଗକୁ ସରକାର ଆଗରେ ଉପସ୍ଥାପନ କରାଯାଇ ବଲାଙ୍ଗୀର ବାସୀଙ୍କ ହକ୍ ପାଇଁ ଲଢ଼େଇ କରିବାକୁ ପଡିବ ବୋଲି ଡ. ମହାଲିଙ୍ଗ ଆହ୍ୱାନ ଦେଇଥିଲେ । ଏଥିସହ ବଲାଙ୍ଗୀର ଜିଲ୍ଲାର ଦୁଇ ପଦ୍ମଶ୍ରୀ ଶ୍ରୀନିବାସ ଉଦ୍‌ଗାତା ଓ ନୃସିଂହ ପ୍ରସାଦ ଗୁରୁ ଙ୍କ ସମେତ ଗୁରୁଶ୍ରୀ ଡ. ଘାସିରାମ ମିଶ୍ର ମଧ୍ୟ ଧାରଣାସ୍ଥଳରେ ବସି ଏହି ପ୍ରସଙ୍ଗ ଉପରେ ନିଜର ବକ୍ତବ୍ୟ ରଖିଥିଲେ । ବଲାଙ୍ଗୀର ଏକ୍ସ ନ କମିଟିର ଆବାହକ ଗୋପାଳଜୀ ପାଣିଗ୍ରାହୀଙ୍କ ନେତୃତ୍ୱରେ ଅନୁଷ୍ଠିତ ଆଜିର ଧାରଣା ଓ ବିକ୍ଷୋଭ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ସମାଜସେବୀ ବିକ୍ରମ ବହିଦାର, ଡ. ଲକ୍ଷ୍ମୀକାନ୍ତ ମହାପାତ୍ର, ନୀଳମଣି ମିଶ୍ର, ବଜରଙ୍ଗ ଦଳର

ସୌମ୍ୟରଂଜନ ମିଶ୍ର, କୋସଲ ମୁକ୍ତି ମୋର୍ଚ୍ଚାର ବିକାଶ ସା, କଂଗ୍ରେସର ଜିଲ୍ଲା ସଭାପତି  ଦିଲୀପ ବେହେରା  ବିଧୁଭୂଷଣ ତ୍ରିପାଠୀ,ନାରୀ ନେତ୍ରୀ ବନଶ୍ରୀ ଆଚାର୍ଯ୍ୟ, ଅନୁସୂୟା ବେଚ୍ , ନିରୂପମା ଉଦ୍‌ଗାତା, ରଂଜିତା ପାଣିଗ୍ରାହୀ, ଆରତୀ ଗୁରୁ, ବାସନ୍ତି ବେଚ୍‌, ସସ୍ମିତା ବେହେରା, ଅବସରପ୍ରାପ୍ତ ସୈନିକ ସଂଘର ପ୍ରତାପ ରଥ, ଶ୍ରମିକ ନେତା ରବି ମିଶ୍ର, ବିଭୂଦତ୍ତ ମିଶ୍ର, ବଲାଙ୍ଗୀର ନାଗରିକ କମିଟିର ସଭାପତି ବେଲାରସିଂ ଭୋଇ, ସଂପାଦକ ମନୋରଂଜନ ସାହୁ, ଦିନେଶ ନାଗ. ବଲାଙ୍ଗୀର ଜିଲ୍ଲା ଓକିଲ ସଂଘର ସଭାପତି ଅମରେଶ ତ୍ରିପାଠୀ, ସଂପାଦକ ଅଧିକାରୀ ଦନ୍ତା, ସଂଘର ପୂର୍ବତନ ସଭାପତି ପ୍ରମୋଦ ତ୍ରିପାଠୀ, ପ୍ରବୀଣ ମିଶ୍ର,  ପୂର୍ବତନ ସଂପାଦକ ଅମନ ନାଗ, ବରିଷ୍ଠ ଆଇନଜୀବୀ ଅମରେନ୍ଦ୍ର ମିଶ୍ର, ଜୟକୃଷ୍ଣ ସାହୁ, ଭବାନୀ ଶତପଥୀ, ବୈଷ୍ଣବ ମିଶ୍ର, ସରକାରୀ ଓକିଲ  ଜୟରାମ ମିଶ୍ର, ରାଧାକାନ୍ତ ମହାକୁଡ, ଗୋପାଳ ହୋତା, ରଘୁ ନନ୍ଦନ ସିଂହ, ପ୍ରମୋଦ ବହିଦାର ଟେକ୍ସ ବାର୍ ଏସୋସିଏସନ୍ ର ଚିତ୍ତରଂଜନ ଦାସ, ପ୍ରମୁଖ ଉଦ୍‌ବୋଧନ ଦେଇଥିଲେ । ଶେଷର ବଲାଙ୍ଗୀର ଏକ୍ସନ କମିଟିର ମୁନା ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଆଜି ଓକିଲ ମାନଙ୍କ ଆନ୍ଦୋଳନ ଯୋଗୁଁ ବଲାଙ୍ଗୀର ସିଭିଲ କୋର୍ଟ ସମେତ ଜିଲ୍ଲାପାଳଙ୍କ କାର୍ଯ୍ୟାଳୟ ଓ ଅନ୍ୟ ସରକାରୀ କାର୍ଯ୍ୟାଳୟ ତଥା ଟିଟିଲାଗଡ଼, କଣ୍ଟାବାଞ୍ଜି, ପାଟଣାଗଡ଼ ଆଦି ଅଂଚଳର ସମସ୍ତ କୋର୍ଟ କଚେରୀ ବନ୍ଦ ରହିଥିଲା ।