19-Oct-2022

ବଲାଙ୍ଗିର (ପ୍ରେରଣା ଖବର) ସ୍ଥାନୀୟ କୋଶଳ କଳାମଣ୍ଡଳ ପଡିଆ ଠାରେ ଜାକ୍‌ଜମକ୍‌ର ସହ ବଲାଙ୍ଗୀର ଦିନ୍ ପାଳନ ହେବାକୁ ଯାଉଛି  ।  ଉତ୍ସବର ସଫଳ ଆୟୋଜନ ପାଇଁ  ଗତକାଲି ପରି ଆଜି ମଧ୍ୟ ବିଭିନ୍ନ କମିଟିକୁ ନେଇ ବିଚାର ବିମର୍ଷ ଓ କାର୍ଯ୍ୟର ଅଗ୍ରଗତି ସମ୍ପର୍କରେ ସମୀକ୍ଷା ହୋଇଥିଲା 

। ଅର୍ଥ କମିଟି, ସାଂସ୍କୃତିକ କମିଟି, ଖାଦ୍ୟ କମିଟି,  ଅଭ୍ୟର୍ଥନା କମିଟି ଓ ଷ୍ଟେଜ୍ କମିଟିର ଦାୟିତ୍ୱ ଉପରେ ଆଲୋଚନା ହୋଇଥିଲା । ଆଜି ର ପ୍ରସ୍ତୁତି ବୈଠକକୁ ମୁଖ୍ୟ ସଂଯୋଜକ ଙ୍କ ଅନୁମତି କ୍ରମେ ପ୍ରତାପ ରଥ ସଂଯୋଜନା କରିଥିଲେ l ନୂତନ ଦାସ ବିଭିନ୍ନ୍ କମିଟିର କାର୍ଯ୍ୟସୂଚୀ ଉପରେ ଆଲୋକପାତ କରିଥିଲେ l  ଆସନ୍ତା କାଲି ମଧ୍ୟ ଅନୁଷ୍ଠିତ ପ୍ରସ୍ତୁତି ବୈଠକରେ ସମସ୍ତେ ଯୋଗ ଦେବା ସହ ଅନ୍ୟମାନଙ୍କୁ ବଲାଙ୍ଗିର  ଦିନ୍ କମିଟିରେ ଯୋଡ଼ିବାକୁ ନିବେଦନ କରାଯାଇଛି l ଏହି ପ୍ରସ୍ତୁତି ବୈଠକରେ ବିଙ୍ଗ ହ୍ୟୁମେନ୍ ଫାଉଣ୍ଡେସନ, ମାହେଶ୍ୱରୀ ସଂଗଠନ, ନାରୀ ଶକ୍ତି ଫାଉଣ୍ଡେସନ, ଅବସରପ୍ରାପ୍ତ ସୈନିକ ସଂଗ, ମରାୱାଡି ମହିଳା ମଂଚ, କର୍ତ୍ତବ୍ୟ ଫାଉଣ୍ଡେସନ,  ୱାଇ

ଏମ୍ବ ସି ଏ , ସଦର ସୁନ୍ନି, ସ୍ମାଇଲ ଫର୍ ଅଲ୍, ଲିବରେସନ,  ସ୍ୱାଭିମାନ ପରିବାର , ବଲାଙ୍ଗୀର ଏକ୍ସନ କମିଟି, ବଲାଙ୍ଗୀର ନାଗରିକ କମିଟି ସମେତ ଅନେକ ସ୍ୱେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତା ମାନେ ଯୋଗ ଦେଇ ବିଭିନ୍ନ ପ୍ରସ୍ତାବ ଦେଇଥିଲେ l ବିଶେଷ କରି ସାଂସ୍କୃତିକ ଶୋଭାଯାତ୍ରା, ସନ୍ଧ୍ୟା କାର୍ଯ୍ୟକ୍ରମ ପରିଚାଳନା ଉପରେ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଥିଲା l