13-Oct-2022

ବୀରମହାରାଜପୁର,  ( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବିଜେପି ଯୁବମୋର୍ଚ୍ଚା ସାଧାରଣ ସମ୍ପାଦକ ଭୀଷ୍ମ ଦନ୍ତା ଆଜି ଅନୁଷ୍ଠାନିକ ଭାବରେ ବିଜୁ ଜନତା ଦଳରେ ସାମିଲ ହୋଇଥିବାର ଜଣାଯାଇଛି l ବୀରମହାରାଜପୁର ବ୍ଲକ ସଭାଗୃହ ଠାରେ ବିଜେଡି ର ପଦଯାତ୍ରା ପାଇଁ ପ୍ରସ୍ତୁତି ବୈଠକ ରେ ଯୋଗ ଦେବା ସହ ସେ ବିଜେପି ଛାଡି ବିଜେଡି ରେ ଯୋଗ ଦେଲେ l ତାଙ୍କୁ ବିଜେଡି ଦଳ ତରଫରୁ ଉତ୍ତରୀୟ ଦେଇ ସ୍ୱାଗତ କରାଯାଇଥିଲା l ଏହି ମିଶ୍ରଣ ପର୍ବ ରେ ଯୁବବିଜେଡି ସଭାପତି ନାରାୟଣ ଲୁହା ଉତ୍ତରୀୟ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମ ରେ ଜୀବନ ବିନ୍ଦୁ ସଂଯୋଜକ ରଂଜିତ ରଥ, ଶ୍ରୀନିବାସ ଚାନ୍ଦ କିଶୋର ହୋତା, ସତ୍ୟଞ୍ଜିବ ମିଶ୍ର, ଧୀରେନ୍ଦ୍ର ପଣ୍ଡା, ମନୋଜ ସାହୁ, ବିନୟ କୁମାର ପଧାନ, ମଧୁସୂଦନ ପଣ୍ଡା ଙ୍କ ସମେତ ବହୁ ବିଜେଡି ନେତୃତ୍ୱ ଉପସ୍ଥିତ ଥିଲେ  l ଶ୍ରୀ ଭୀଷ୍ମ ଦନ୍ତା ଗତ ପଞ୍ଚାୟତ ନିର୍ବାଚନ ରେ ବିଜେପି ପାଇଁ ସକ୍ରିୟ ଭାବରେ କାର୍ଯ୍ୟ କରିଥିଲେ l ଆଜି ବିଜେଡି ପକ୍ଷରୁ ତାଙ୍କର ଯୋଗଦାନ କୁ ସ୍ୱାଗତ କରାଯାଇଛି l