06-Oct-2022

ସମ୍ବଲପୁର(ସଞ୍ଜୀବ କୁମାର ପାଣିଗ୍ରାହୀ) - ବିଶ୍ୱ ହିନ୍ଦୁ ପରିଷଦ ର ପ୍ରନ୍ତୀୟ ପ୍ରବକ୍ତା, ସମ୍ବଲପୁର କରଣ ସମାଜ ର କାର୍ଯ୍ୟକାରୀ ସଭାପତି ତଥା ବରିଷ୍ଠ ଆଇନଜିବୀ ପ୍ରଦୀପ କୁମାର ବହିଦାର ଙ୍କର ମାତା ସୁବାସିନୀ ବହିଦାର ଙ୍କର ଗତକାଲି ରାତ୍ରି ୦୯:୩୦ ଟା ସମୟରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲା । ତାଙ୍କର ସ୍ୱାମୀ ସ୍ବର୍ଗତ ହରେକୃଷ୍ଣ ବହିଦାର ଙ୍କର ଗତ ୨୦୨୦ ମସିହା ରେ ସ୍ୱର୍ଗବାସ ହୋଇଥିଲା । ୧୯୩୫ ମସିହା ରେ ସମ୍ବଲପୁର ପଟ୍ଟନାୟକପଡା ରେ ଜନ୍ମ ଗ୍ରହଣ କରିଥିବା ଶ୍ରୀମତୀ ବହିଦାର ଜଣେ ଧର୍ମ ପରାୟଣ ମହିଳା ଓ ସମାଜସେବୀ ଭାବେ ଅଞ୍ଚଳରେ ବେସ ଜଣାଶୁଣା ।
      ସମ୍ବଲପୁର ପ୍ରଧାନପଡା ରେ ତାଙ୍କର ଜ୍ୟେଷ୍ଠ ପୁତ୍ର କିଶୋର ଚନ୍ଦ୍ର ବହିଦାର ଙ୍କ ବାସଭବନରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଥିଲେ । ଆଜି ସମ୍ବଲପୁର କମିଲିବଜାର ସ୍ଥିତ ସ୍ୱର୍ଗଦ୍ୱାର ରେ ଯଥା ବିଧି ରୀତିନୀତି ଅନୁସାରେ ଏକ ଶୋକାକୁଳ ପରିବେଶ ମଧ୍ୟରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ଜ୍ୟେଷ୍ଠ ପୁତ୍ର ଶ୍ରୀ କିଶୋର ଚନ୍ଦ୍ର ବହିଦାର ମୁଖାଗ୍ନି ପ୍ରଦାନ କରିଥିଲେ । ମୃତ୍ୟୁ ବେଳକୁ ଦୁଇ ପୁତ୍ରବଧୂ ପ୍ରମିଳା ବହିଦାର, ସଶ୍ମିତା ବହିଦାର, ଦୁଇ ଝିଅ ପୂର୍ଣ୍ଣିମା ପଟ୍ଟନାୟକ, ଜ୍ୟୋତିର୍ମୟୀ ପଟ୍ଟନାୟକ, ଦୁଇ ନାତି ଦେବନିତ୍ ବହିଦାର, ଶ୍ୟାମ ସୁଦିପ ବହିଦାର ନାତି ବୋହୂ ରୋଜାଲିନ ବହିଦାର୍ ପଣି ନାତୁଣୀ ପ୍ରଣିତ୍ୟା ଓ ପରିବାର ର  ଅନେକ ସଦସ୍ୟ ଉପସ୍ଥିତ ଥିଲେ ।
      ଆଜି ତାଙ୍କର ପୁଣ୍ୟ ପବିତ୍ର ଶରୀର ର ଶବଦାହ ସମୟରେ ରାଜଘାଟ ଠାରେ ସମ୍ବଲପୁର ରୟ ଅନେକ ଧାର୍ମିକ, ସାମାଜିକ ସାଂସ୍କୃତିକ, ସ୍ବେଚ୍ଛାସେବୀ ଅନୁଷ୍ଠାନ ର ବିଶିଷ୍ଟ ବ୍ୟକ୍ତି ବିଶେଷ ମାନଙ୍କ ସମେତ ବିରୋଧୀ ଦଳ ନେତା ଜୟ ନାରାୟଣ ମିଶ୍ର, ରେଙ୍ଗାଲି ବିଧାୟକ ନାଉରି ନାୟକ, ଜିଲ୍ଲା ଓକିଲ ସଂଘ ସଭାପତି ସୁରେଶ୍ୱର ମିଶ୍ର, ସାଧାରଣ ସମ୍ପାଦକ ସରୋଜ କୁମାର ସାହୁ, ବିଜେପି ଜିଲ୍ଲା ସଭାପତି ଗିରିଷ ପଟେଲ ଙ୍କ ସମେତ ଅନେକ ଆଇନଜୀବି, ବୁଦ୍ଧିଜୀବି, ସମାଜସେବୀ, ରାଜନୈତିକ ଦଳର ନେତାମାନେ ଶେଷ ଦର୍ଶନ କରିବା ସହ ଅନ୍ତେଷ୍ଟି କ୍ରିୟା ରେ ସାମିଲ ହୋଇଥିଲେ ।