04-Oct-2022

ନୂଆପଡା, (ପ୍ରେରଣା ଖବର) ନୂଆପଡା ଜିଲ୍ଲା ଅନ୍ତର୍ଗତ ରାଜାଖରିଆରେ ଥିବା ସମତା ଭବନ ନାମରେ ଜମିକୁ ରମେଶ ଜୈନ ଜବରଦଖଲ କରିଥିବାରୁ ଉକ୍ତ ଜମିକୁ ଜବରଦଖଲ ମୁକ୍ତକରି ସମାଜକୁ ଦେବାକୁ ଅଙ୍ଗୁର ଜୈନ ନୂଆପଡା ଜିଲ୍ଲାପାଳଙ୍କ  ଠାରେ ଏକ ଦାବୀପତ୍ର ପ୍ରଦାନ କରିଛନ୍ତି।ସମତା ଭବନ ନିର୍ମାଣ କରିବା ପାଇଁ ଅଶୋକ ଜୈନ ପ୍ରାୟ ୮.୫ ଡିସିମିଲ ଜାଗା ପ୍ରଦାନ କରିବା ସହ ୧୩ଡିସମିଲ ରାସ୍ତା ପାଇଁ ପ୍ରଦାନ କରିଥିଲେ।  କିନ୍ତୁ ଏବେ ଉକ୍ତ ଭବନ ନିର୍ମାଣ ପାଇଁ ପ୍ରଦାନ କରିଯାଇଥିବା ଜାଗାକୁ ପ୍ରାୟ ୧୨ବର୍ଷ ହେଲାଣି ନିଜ ଅକ୍ତିୟାରରେ ରମେଶ ଜୈନ ରଖିଛନ୍ତି।  ଏଣୁ ଉକ୍ତ ଜମିକୁ ସମତା ଭବନ ନିର୍ମାଣ ପାଇଁ ଜୈନ ସମାଜକୁ ଦେବା ପାଇଁ ଅଙ୍କୁର ଜୈନ ଜିଲ୍ଲାପାଳଙ୍କୁ ନିବେଦନ କରିଛନ୍ତି। ଏନେଇ ରମେଶ ଜୈନଙ୍କୁ ପଚାରିବାରୁ ସେ କୌଣସି ମତାମତ ଦେବାକୁ ମନା କରିଦେଇଥିଲେ।