03-Oct-2022

ଲୋଇସିଂହା, (ବିନୋଦ କୁମାର ଦୀପ) ଓମେନ ଫାର୍ମସ ସର୍ଭିସେସ ପ୍ରଡ୍ୟୁସର କମ୍ପାନୀ ଲି. ଦ୍ୱାରା ପ୍ରଥମ ବାର୍ଷିକ ବ୍ଲକ ସ୍ତରୀୟ ଫୂଟବଲ ଟୁର୍ନାମେଣ୍ଟ ବାଦିବାହାଲ ସ୍ଥିତ ବିଶାଳପାଳି ଖେଳ ପଡିଆରେ ଅନୁଷ୍ଠିତ ହୋଇଯାଇଛି l ଏହି ଟୁର୍ନାମେଣ୍ଟଟି ଆକ୍ସେସ ଲାଇଭଲିହୁଡ ଫାଉଣ୍ଡେସନ ଓ ଇରି ସହାୟତାରେ ହୋଇଛି l ଏଥିରେ ବାଦିବାହାଲ ପଂଚାୟତ ସରପଞ୍ଚ ପ୍ରଶାନ୍ତ ତ୍ରିପାଠୀ ଓ ଲୋଇସିଂହା ପ୍ରଡ୍ୟୁସର କମ୍ପାନୀର ଉପାଧ୍ୟାକ୍ଷା ଶ୍ରୀମତୀ ଜୁଲି ପଧାନ ଯୋଗଦେଇ ଖେଳକୁ ଉଦଘାଟନ କରିବା ସହ ଖେଳାଳିଙ୍କୁ ଉତ୍ସାହିତ କରିଥିଲେ l ଉକ୍ତ କାର୍ଯ୍ୟକ୍ରମକୁ ଲୋଇସିଂହା ପ୍ରଡ୍ୟୁସର କମ୍ପାନୀର କର୍ମଚାରୀ ଶ୍ରୀ

ସୁଶାନ୍ତ ବିଶ୍ୱାଳ ପରିଚାଳନା କରିଥିଲେ l କାର୍ଯ୍ୟକ୍ରମରେ ଆକ୍ସେସ ଲାଇଭଲିହୁଡ ଫାଉଣ୍ଡେସନର ପ୍ରକଳ୍ପ ମୁଖ୍ୟ ଶ୍ରୀ ବିଶ୍ୱରଂଜନ ପରିଡା, ମୋହସୀନ ଖାନ, ଓ ଅନ୍ୟାନ୍ୟ କର୍ମଚାରୀଙ୍କ ସହ ପ୍ରଡ୍ୟୁସର କମ୍ପାନୀର ନିର୍ଦେଶିକା ମାନ ଉପସ୍ଥିତ ଥିଲେ l ଏହି ଫୁଟବଲ ଟୁର୍ନାମେଣ୍ଟରେ ବ୍ଲକର ୮ଟି ଦଳ ଅଂଶଗ୍ରହଣ କରିଥିବା ବେଳେ ଖେଳ ଶେଷରେ ସରଗାଡ଼ ଦଳ ଟ୍ରାଏ ବେକରରେ  ବିଜୟୀ ହୋଇଥିବା ବେଳେ ରନର୍ସ ଅପ ହୋଇଥିଲେ ସଳତର ପାଳି ଦଳ  l