03-Oct-2022

ବରଗଡ:-ଆଜି ବରଗଡ ଜିଲ୍ଲା ବିଜେପୁର ଠାରେ ଥିବା ମାଁ ସମଲେଶ୍ୱରୀ ପୀଠରେ ମାଁ ସମଲେଶ୍ୱରୀ  ଆଶ୍ୱିନ ମାସ ମହାଅଷ୍ଟମୀ ଏବଂ ମହା ନବମୀ ତିଥିରେ ସୋମବାର ଦିବସେ ମାଁ ହରଗୈାରୀ ବେଶରେ ସନ୍ଧିପୂଜା ଅନୁଷ୍ଠିତ ହୋଇଥିଲା । କର୍ତ୍ତା ଭାବରେ ଭକ୍ତ ତରଣୀସେନ ସାହୁ ଏବଂ ତାଙ୍କ ସହଧର୍ମିଣୀ ଶ୍ରୀମତି କମଳା ସାହୁ  ଯଥା-ରିତିନିତି ଅନୁଯାୟୀ ସକାଳ ୭ ଘଟିକା ରୁ ମହାଗୈାରୀ ବେଶ ର ପୂଜାକାର୍ଯ୍ୟ ତୁଲାଇଥିବା ବେଳେ,ପୂଜାର୍ଚ୍ଚନା ମୁଖ୍ୟ ରାଜ ପୁରୋହିତ ଶ୍ରୀମାନ କିଶୋର ଚନ୍ଦ୍ର ପୁଝାରୀ ଏବଂ ସହ-ପୂଜକ ମଣ୍ଟୁ ସାବତ ଏବଂ ପ୍ରଦୀପ ପାଣିଗ୍ରାହୀ ଯଥା ରିତି-ନିତି ଅନୁଯାୟୀ ସପ୍ତ ସତିଚଣ୍ଡି ପାଠ ଓ ହବନ  ନିଷ୍ଠାପର ଭାବେ ସମ୍ପର୍ଣ୍ଣ କରିଥିଲେ ।ଶ୍ରୀମାନ ତୁଳସୀରାମ ଭୋଇ ଙ୍କ ତତ୍ୱାବଧାନ ଯୁବଗୋଷ୍ଠି ସର୍ବଶ୍ରୀ:-ଧୀରେନ୍ଦ୍ର କୁମାର ସାହୁ,ସିଦ୍ଦାର୍ଥ ଶଙ୍କର ସାହୁ,ବାମନ ଚିରଗୁଣ ,ସର୍ଜନ ଚିରଗୁଣ ,ବାଳକୃଷ୍ଣ ପାଢି,ପ୍ରହଲ୍ଲାଦ ଭୋଇ ପ୍ରମୁଖ ଅଗଣିତ ଭକ୍ତ ଙ୍କ ସହଯୋଗ ସ୍ଥଳେ, ମାଁ ଙ୍କ ପାଖରେ ଆଜି ସଂଧ୍ୟା ସମୟରେ  ଆଳତୀ ଓ ପୁଷ୍ପାଞ୍ଜଳୀ ଅର୍ପଣ  କରାଯାଇଥିଲା ।ଧୂପଦିପ ଗୁଗୁଲ ର ସୁବାସିତ ବାସ୍ନା ରେ ସତେ ଯେମିତି ମାଁ ସମଲେଶ୍ୱରୀ ମହା ଗୈାରୀ ବେଶରେ ମର୍ତ୍ତ୍ୟ ରେ ବିରାଜମାନ କରିଛନ୍ତି ବୋଲି ମନେ ହେଉଥିଲା ।ପ୍ରତିଦିନ ଭଳି ଗତକାଲି ମଧ୍ୟ ପ୍ରବଳ ଭକ୍ତ ଙ୍କ ଜନସମୁଦ୍ର ଦେଖାଦେବା ସହ ପ୍ରତ୍ୟକ ଦିନ ଭଳି ଉପସ୍ଥିତ ସମସ୍ତ ଭକ୍ତ ମାଁ ଙ୍କ ପ୍ରସାଦ ସେବନ କରିଥିଲେ  ।