03-Oct-2022

ବରଗଡ଼: "ଶିଶୁଶ୍ରୀ ଭ୍ରାମ୍ୟମାଣ ପାଠାଗାର" ବରଗଡ଼ ସମଗ୍ର ରାଜ୍ୟରେ ପିଲାଙ୍କ ପାଖରେ ପାଠାଗାର ପହଞ୍ଚାଇବାକୁ ଯେଉଁ ପ୍ରୟାସ ଜାରି ରଖିଛି ତାହା ଏବେ ପିଲାମାନଙ୍କୁ ପୁସ୍ତକ ମନସ୍କ କରାଇବାରେ ଏକ ଆନ୍ଦୋଳନର ରୂପ ନେବାକୁ ଯାଉଛି। ଏହି ପ୍ରୟାସ ଯେ ପିଲାମାନଙ୍କୁ ପୁସ୍ତକ ପଠନ ପ୍ରତି ପ୍ରେରିତ କରିବ ତା ନୁହେଁ ବରଂ ପିତା ମାତା ଓ ଅଭିଭାବକମାନଙ୍କୁ ପୁସ୍ତକ କ୍ରୟ କରିବାକୁ ବାଧ୍ୟ କରିବ ଯାହା ଫଳରେ ଆମ ସାହିତ୍ୟର ବିକାଶ ସାଧିତ ହୋଇପାରିବ ବୋଲି ଶିଶୁ ଶ୍ରୀ ଭ୍ରାମ୍ୟମାଣ ପାଠାଗାର ଦ୍ଵାରା ଆୟୋଜିତ ପିଲାଙ୍କ ପାଖରେ ପାଠାଗାର କାର୍ଯ୍ୟକ୍ରମର ୧୦୦ ତମ ପୂର୍ତ୍ତି ପାଳନ ସମାରୋହ ଯୋଗଦାନ କରି ବକ୍ତାଗଣ ମତ ପ୍ରକାଶ କରିଛନ୍ତି। ସଭାପତି ମନୋରଂଜନ ମେହେର ଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ତଥା ଜିଲ୍ଲା ଯୋଜନା କମିଟି ଅଧ୍ୟକ୍ଷ ଦେବେଶ ଆଚାର୍ଯ୍ୟ ବରଗଡ଼ ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଅନ୍ୟ ମାନଙ୍କୁ ପ୍ରେରିତ କରିବ ଓ ଏହି ଅବସରରେ ବରଗଡ଼ର ବରପୁତ୍ର ମାନଙ୍କ ଜୀବନୀ ଆଧାରିତ ପୁସ୍ତକ ପିଲାଙ୍କ ପାଇଁ ପ୍ରକାଶ  କରିବା ଉପରେ ସେ ଗୁରୁତ୍ୱାରୋପ କରିଥିଲେ। ମୁଖ୍ୟ ବକ୍ତା ଭାବେ ଯୋଗଦେଇ ବିଶିଷ୍ଟ ସ୍ତମ୍ଭକାର ତଥା ଶିକ୍ଷାବିତ୍ ପ୍ରଫେସର ଡକ୍ଟର ପ୍ରୀତୀଶ ଆଚାର୍ଯ୍ୟ  ସାମ୍ପ୍ରତିକ ସମୟରେ ଶିଶୁ ମାନଙ୍କୁ ପୁସ୍ତକ ମନସ୍କ କରାଇବାରେ ଶିଶୁ ଶ୍ରୀ ଭ୍ରାମ୍ୟମାଣ ପାଠାଗାରର କାର୍ଯ୍ୟ ପ୍ରଣାଳୀକୁ ପ୍ରଶଂସା କରିବା ସହ ଏଭଳି କାର୍ଯ୍ୟକ୍ରମ ଦ୍ବାରା ଅଭିଭାବକମାନଙ୍କ ଠାରେ ପୁସ୍ତକ  ପ୍ରତି ଆଗ୍ରହ ବଢିବ ଓ ଓଡ଼ିଆ ଭାଷା ସାହିତ୍ୟର ବିକାଶ ସାଧିତ ହୋଇପାରିବ ବୋଲି ମତବ୍ୟକ୍ତ କରିଥିଲେ। ଏହି ଅବସରରେ ଗାନ୍ଧୀ ସ୍ମୃତି ପାଠାଗାରକୁ "ପୁସ୍ତକମିତ୍ର  ସମ୍ମାନ" ଓ ପ୍ରଫେସର ପ୍ରୀତୀଶ ଆଚାର୍ଯ୍ୟଙ୍କୁ "ପୁସ୍ତକବନ୍ଧୁ ସମ୍ମାନ" ରେ ସମ୍ମାନିତ କରାଯାଇଥିଲା ଓ ନିରବଚ୍ଛିନ୍ନ ଭାବରେ ଜନସାଧାରଣ ସ୍ଵାର୍ଥ ଆଧାରିତ ସମ୍ବାଦ ପରିବେଷଣ ପାଇଁ ବରଗଡ଼ର ପନ୍ଦର ଜଣ ବିଶିଷ୍ଟ ସାମ୍ବାଦିକଙ୍କୁ ପାଠାଗାର ତରଫରୁ ସମ୍ମାନିତ କରାଯାଇଥିଲା।ତନମଧ୍ୟରୁ ଭୂବନେଶ୍ୱର ରୁ ପ୍ରକାଶିତ ବିଶ୍ୱବାଣୀ ସମ୍ବାଦପତ୍ର ର ବରଗଡ଼ ଜିଲ୍ଲା ପ୍ରତିନିଧି ବରିଷ୍ଠ ସାମ୍ବାଦିକ ନିରଞ୍ଜନ ତ୍ରିପାଠୀ ଅନ୍ୟତମ । ପୂର୍ବରୁ  ୧୦୦ଟି ସ୍ଥାନରେ ଆୟୋଜିତ ହୋଇଯାଇଥିବା ପିଲାଙ୍କ ପାଖରେ ପାଠାଗାର କାର୍ଯ୍ୟକ୍ରମର ୧୧୦ ଜଣ କୃତି ପ୍ରତିଯୋଗୀଙ୍କୁ ମଧ୍ୟ

ପୁରସ୍କୃତ କରାଯାଇଥିଲା। ଏହି ଅବସରରେ ରୋଟାରୀ ପବ୍ଲିକ ସ୍କୁଲର ଛାତ୍ରୀ ଆଦ୍ୟାଶା ପାଣିଗ୍ରାହୀ ଓ ଶ୍ରୀୟା ସ୍ଵାଇଁ ଙ୍କ  ସଂଯୋଜନାରେ ଅନୁଷ୍ଠିତ ପୁରସ୍କାର ବିତରଣ ଓ ସା°ସ୍କୃତିକ କାର୍ଯ୍ୟକ୍ରମରେ ଅମ୍ଵାପାଲିର ନୃତ୍ୟାଞ୍ଜଳି ଡ୍ୟାନ୍ସ ଏକାଡେମୀ,ଏଇଏମ ଇଂରାଜୀ ମିଡିୟମ ସ୍କୁଲ, ସାନ ଡ୍ୟାନ୍ସ ଏକାଡେମୀ ଓ ଏକକ କଳାକାର ଭାବେ  ସୈ!ମ୍ୟା ଶାଶ୍ଵତୀ ନାୟକ, ମାନବିକା  ପଣ୍ଡା ଓ ରୂପା ସାହୁ ନିଜର କଳା ପ୍ରଦର୍ଶନ କରିଥିଲେ। ଉପସଭାପତି ଗୋପବନ୍ଧୁ ପୁରୋହିତ ସ୍ଵାଗତ ଭାଷଣ, ସହ ସମ୍ପାଦକ ଗୋପାଳ କୃଷ୍ଣ ମିଶ୍ର ଅତିଥି ପରିଚୟ ଓ ଆବାହକ ଡକ୍ଟର ରବିନାରାୟଣ ସାହୁ ବାର୍ଷିକ ବିବରଣୀ ଉପସ୍ଥାପନ କରିଥିଲେ। ଶେଷରେ ସଭ୍ୟା ପାର୍ବତୀ ଦାଶ ଷଡ଼ଙ୍ଗୀ ଧନ୍ୟବାଦ ଅର୍ପଣ କରିଥିଲେ।