29-Nov-2020

ବଲାଙ୍ଗିରର ଝିଅ ଶୁଭଶ୍ରୀ ରାୟଗୁରୁ ଆଜି ମିସ୍ ଇଣ୍ଡିଆ ମୁକୁଟ ପିନ୍ଧିବା ପାଇଁ ଯାଉଛନ୍ତି । ଫେମିନା ମିସ୍ ଇଣ୍ଡିଆ ତରଫରୁ ଆୟୋଜିତ ହେବାକୁ ଥିବା ମିସ୍ ଇଣ୍ଡିଆ-୨ଠ୨ଠ ପ୍ରତିଯୋଗିତାରେ ମିସ ଓଡ଼ିଶାର ଟପ୍ ଫାଇବ୍‌ରେ ସ୍ଥାନ ପାଇ ସେ ମିସ୍ ଇଣ୍ଡିଆ କଂଟେଷ୍ଟ ରେ ଭାଗ ନେବାକୁ ଯୋଗ୍ୟବିବେଚିତ ହୋଇଛନ୍ତି । କେବଳ ବଲାଙ୍ଗୀର ନୁହେଁ ସାରା ଓଡ଼ିଶା ପାଇଁ ଏହା ଏକ ଗୌରବର ବିଷୟ । ଖୁବ କମ ବୟସରୁ ସେ ଏଥିପାଇଁ ପ୍ରସ୍ତୁତ ହୋଇଥିଲେ ଏବଂ ଏଥିରେ ବାପାମାଁ ଓ ପରିବାରର ଅନ୍ୟ ସଦସ୍ୟ ମାନେ ତାଙ୍କୁ ବିପୁଳ ପ୍ରେରଣା ଯୋଗାଇ ଆସୁଥିଲେ । ନିଜର ପରିଶ୍ରମ, ପ୍ରସ୍ତୁତି ଓ ଆତ୍ମବିଶ୍ୱାସକୁ ପୁଞ୍ଜି କରି ଶୁଭଶ୍ରୀ   ଆଜି ନିଜର ଲକ୍ଷ୍ୟ ପଥରେ ଆଗେଇ ଚାଲିଛନ୍ତି । ବଲାଙ୍ଗିର ସ୍ପେସିଆଲ ଜୁଡିସିଆଲ ମାଜିଷ୍ଟ୍ରେଟ୍ ରମେଶ ଚନ୍ଦ୍ର ରାୟଗୁରୁଙ୍କ ଝିଅ ତଥା ପ୍ରଚୁର ସମ୍ଭାବନାରେ ପରିପୂର୍ଣ୍ଣ  ଶୁଭଶ୍ରୀଙ୍କ ସହ ପ୍ରେରଣା ନ୍ୟୁଜ୍ ପୋର୍ଟାଲର ଏକ ସ୍ୱତନ୍ତ୍ର ସାକ୍ଷାତକାର । 

(ପ୍ରେରଣା ଖବର)- ମିସ୍ ଇଣ୍ଡିଆ କନଟେଷ୍ଟରେ ଭାଗ ନେବାର ପ୍ରେରଣା ଆପଣ କେଉଁଠୁ ପାଇଲେ ?

ଇନ୍‌ଫେକ୍ଟ, ଇଣ୍ଡିଆ କଣ୍ଟେଷ୍ଟରେ ଭାଗ ନେବା ପାଇଁ ଓ ଆଗକୁ ବଢ଼ିବା ପାଇଁ ଯିଏ ମୋତେ ସବୁ ଠୁ ଅଧିକ ପ୍ରେରଣା ଯୋଗାଇଛି, ସେ ହେଉଛନ୍ତି ମୋ ମାଁ । ମୋ ମାଁ ମତେ ବହୁତ ସପୋର୍ଟ କରିଛନ୍ତି । ମୁଁ ଛୋଟ ଥିଲା ସମୟରୁ ସେ ସବୁବେଳେ କହୁଥିଲେ- ୟା ଭିତରେ କିଛି ତ ଅଛି ଅଲଗା । ମାଁ ଙ୍କର ସେହି ବିଶ୍ୱାସ ମୋତେ ସବୁବେଳେ ସପୋର୍ଟ ଦେଇ ଆସିଛି । ସବୁ ମାଁ ମାନେ ନିଜ ପୁଅଝିଅଙ୍କୁ ଭଲ ପାଆନ୍ତି  ଏବଂ ସେମାନେ ପାଇବା କଥା ମଧ୍ୟ । ମୁଁ ଚାହୁଁଛି, ସବୁ ବାପା ମାଁ ନଜ ପୁଅଝିଅଙ୍କ ମଧ୍ୟରେ ଥିବା ଅଲଗା ପ୍ରତିଭାକୁ ନୋଟିସ୍ କରନ୍ତୁ ଓ ସେମାନଙ୍କୁ ଆଗକୁ ବଢ଼ିବା ପାଇଁ ଏନ୍‌କରେଜ କରନ୍ତୁ । ମୁଁ ସ୍କୁଲରେ ପଢ଼ୁଥିବା ସମୟରେ ବଲାଙ୍ଗୀରର ମହିଳା କ୍ରିକେଟର ରୋସନାରା ପରବିନ ମୋତେ ବହୁତ ପ୍ରେରଣା ଦେଇଛନ୍ତି । ମୁଁ ତାଙ୍କ ସହିତ ମିଶି କ୍ରିକେଟ ଖେଳିଛି । କ୍ରିକେଟ ଖେଳ ପ୍ରତି ମୋର ଛୋଟ ବେଳରୁ ଏଟ୍ରେକ୍ସନ୍  ଥିଲା । ମୋ ଭାଇ ବି କ୍ରେକେଟ ଖେଳୁଛି । ଏହା ଛଡା ଅର୍ଚ୍ଚିତା ସାହୁ ଓ ପ୍ରକୃତି ମିଶ୍ର ମଧ୍ୟ ମୋତେ ବହୁ ସପୋର୍ଟ କରିଛନ୍ତି, ପ୍ରେରଣା ଯୋଗାଇଛନ୍ତି । 

(ପ୍ରେରଣା ଖବର)- ଆପଣ ମିସ୍ ଇଣ୍ଡିଆ କଣ୍ଟେଷ୍ଟରେ ଭାଗ ନେବା ପାଇଁ ଯୋଗ୍ୟ ବିବେଚିତ ହେବାର ଖବର ପାଇବା ପରେଏ କିପରି ଲାଗିଲା ?
ଆପଣ ବିଶ୍ୱାସ କରିବେନି ସେତେବେଳେ ମୋର ଫୋନ୍ ପର୍ସରେ ରହିଯାଇଥିଲା ଓ ମୁଁ କାର୍‌ରେ ଝାରସୁଗୁଡା ଏୟାରପୋର୍ଟକୁ ଯାଉଥିଲା । ଦୀର୍ଘ ତିନି ଘଣ୍ଟା ଧରି ମୋ ହାତରେ ଫୋନ ନଥିଲା । ଯେତେବେଳେ ମୋ ପାଖକୁ ଫୋନ୍ ଆସିଲା ଯେ ମୁଁ ମିସ୍ ଓଡ଼ିଶାର ଟପ୍ ଫାଇବ୍‌ରେ ସ୍ଥାନ ପାଇଛି, ସତେବେଳେ ଆମର ପରିବାର ସମସ୍ତେ ଆମେ କାରରେ ଥିଲୁ । ଏହା ଏକ ଏକ୍‌ସାଇଟିଙ୍ଗ୍ ମୁମେଣ୍ଟ ଥିଲା । ଆପଣ କହିପାରିବେ, ଏହା ଏକ ଭଗବାନଙ୍କ ମାୟା । ମୁଁ କହିବି ଭଗବାନ ଚାହିଁଲେ କିଛି ବି ହୋଇ ପାରିବ । ଖବର ପାଇବା ପରେ ଆମେ ସମସ୍ତେ ବହୁତ ଖୁସି ହୋଇଯାଇଥିଲୁ । 
(ପ୍ରେରଣା ଖବର)- ଆପଣଙ୍କ ଭବିଷ୍ୟତ ଲକ୍ଷ୍ୟ କଣ ରହିଛି ?
-ମୁଁ ସମାଜର ଉନ୍ନତି ପାଇଁ ବହୁତ କିଛି କରିବା ପାଇଁଁ ଚାହେଁ । ମୁଁ ଏକ ଏନ୍‌ଜିଓ କରିବା ପାଇଁ ଚାହେଁ । ଏହା ମାଧ୍ୟମରେ ସମାଜର ମହିଳା ମାନଙ୍କୁ ଇଣ୍ଡିିପିଣ୍ଡେଣ୍ଟ କରିବା ପାଇଁ ମୋର ବିଜନେସ ପ୍ଲାନ୍ ରହିଛି । ମହିଳା ମାନଙ୍କ ଉନ୍ନତି ପାଇ ଫଣ୍ଡସ୍ ରାଇଜ କରି ମୁଁ ସେମାନଙ୍କ ପାଇଁ କାମ କରିବାକୁ ଚାହୁଁଛି । ମୁଁ ମିସ୍ ଓଡ଼ିଶା ଓ ମିସ୍ ଇଣ୍ଡିଆ ଟାଇଟଲ୍ ଜିତିଲା ପରେ ତାହା ବଳରେ ପ୍ରଥମେ ସମାଜର ମହିଳା ମାନଙ୍କ ପାଇଁ କାମ କରିବାକୁ ଚାହିଁବି । ମହିଳା ମାନେ ବହୁତ ଆର୍ଟ ଲେବର । ସେମାନଙ୍କ ମଧ୍ୟରେ ବିଭିନ୍ନ କଳା ରହିଛି । ସେମାନଙ୍କୁ ସୁଯୋଗ ମିଳିଲେ ଓ କିଛି ରୋଯଗାର କଲେ,ସେମାନେ ଅନେକ କିଛି କରିପାରିବେ । 
 

(ପ୍ରେରଣା ଖବର)- ଆପଣ ସତେଜ,ସୁନ୍ଦର ଓ ଫିଟ୍ ରହିବାର ରହସ୍ୟ କଣ ?
-ମୁଁ ନିଜ ବିଜି ସିଡ୍ୟୁଲରୁ ସମୟ ବାହାର କରି ଏକ୍ସସାଇଜ୍ କରେ । ଅନେକ ଯୋଗ କରେ । ମୋ ଭଉଣୀ ଦେବଶ୍ରୀ ରାୟଗୁରୁ ଜଣେ ନ୍ୟୁଟ୍ରେନିଷ୍ଟ । ଇନ୍‌ଫେକ୍ଟ ମତେ ସୁନ୍ଦର ଓ ଫିଟ୍ ରଖିବାରେ ତାର ଅନେକ ଯେଯାଗଦାନ ରହିଛି । କେତେବେଳେ କଣ ଖାଇବାର ଅଛି, କେତେ ପରିମାଣରେ ଖାଇବାର ଅଛି, ସେ ସବୁରେ ମୋ ଭଉଣୀ ମତେ ଗାଇଡ୍ କରିଥାଏ । 
ଆପଣ କେବଳ ଫିଜିକାଲିି ନୁହେଁ ମେଣ୍ଟାଲି ଓ ସାଇକୋଲୋଜିକାଲି ମଧ୍ୟ ନିଜକୁ ସୁନ୍ଦର ରଖିବାକୁ ପଡିବ ।
(ପ୍ରେରଣା ଖବର)- ଆପଣଙ୍କ ପାଇଁ ସଫଳତାର ମୂଳମନ୍ତ୍ର କଣ ?
-ମୋ ପାଇଁ ସଫଳତାର ମୂଳମନ୍ତ୍ର ହେଲା ଜୀବନରେ ଡେଡିକେସନ ଓ ବିଶ୍ୱାସ । ନିଜ ଉପରେ ବିଶ୍ୱାସ ରଖିଲେ ଆପଣ ଡେଫିନାଇଟଲି ଆପଣ ଯାହା ବି ଇଛା ରଖିଛନ୍ତି ପୂରଣ ହୋଇ ପାରିବ । 
(ପ୍ରସ୍ତୁତି- ନୂତନ ଦାସ)