25-Sep-2022

ସୁବର୍ଣ୍ଣପୁର,  – ଟିକିରିପଡା ଦୁର୍ଗା ପୂଜା କମିଟି ତରଫରୁ କିଛି ନୂଆ କରିବାର ପ୍ରୟାସ କରାଯାଇଛି । ଦୁର୍ଗା ପୂଜାର ବିଭିନ୍ନ କାର୍ଯ୍ୟକ୍ରମ ସଂପର୍କରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ଦୁର୍ଗାପୂଜା କମିଟିର ସଭାପତି ପ୍ରାଣବନ୍ଧୁ ବାରିକ, ସଂପାଦକ ନରସିଂହ ପୃଷ୍ଟି ଏବଂ କୋଷାଧ୍ୟକ୍ଷ ସଞ୍ଜୀବ ମଲ୍ଲିକ ଏକ ସାମ୍ବାଦିକ ସମ୍ମିଳନୀ କରି ପୂଜା ସମୟରେ ସାଂସ୍କୃତିକ କାର୍ଯ୍ୟକ୍ରମ ଏବଂ ଭସାଣୀ ସମୟରେ ସାମିଲ ଥିବା ନୃତ୍ୟ ଦଳ ସଂପର୍କରେ ସୂଚନା ଦେଇଛନ୍ତି । ଶନିବାର ରବି ଏବଂ ରାହୁଲଙ୍କ ସ୍ମତିରେ ଏକ ରକ୍ତଦାନ ଶିବିର ଆୟୋଜିତ ହୋଇଛି । ସେହିପରି ଶନିବାର ସନ୍ଧ୍ୟାରେ ସାମୁହିକ ହନୁମାନ ପାଠ । ଦେଶରେ ଆଜାଦୀ କି ଅମୃତ ମହୋତ୍ସବ ପାଳନ ହେଉଥିବାରୁ ପୂଜା ମଣ୍ଡପକୁ ଇଣ୍ଡିଆ ଗେଟ୍ ଭଳି ସଜ୍ଜିତ କରାଯିବ । ସେହିପରି ଅକ୍ଟୋବର ୬ ତାରିଖରେ ଟି.ସୌରୀ ଓ ଅମ୍ରିତା ନାୟକ ସଂଗୀତ ପରିବେଷଣ କରିବେ । ନବମୀ ରାତିରେ ମାଙ୍କ ଠାରେ ଲାଗି ହେବ ମାଛ ଭୋଗ । ଭସାଣୀରେ ମୁଖ୍ୟ ଆକର୍ଷଣ ସାଜିବ ଲାଇଟ୍ ସୋ । ଏହାସହ ହରିୟାଣାର ନୃତ୍ୟ ଦଳ ମଧ୍ୟ ଭସାଣୀରେ ସାମିଲ ହେବେ । ରାଜ୍ୟ ତଥା ରାଜ୍ୟ ବାହାରର ନୃତ୍ୟ ଦଳ ଭସାଣୀରେ କଳା ପ୍ରଦର୍ଶନ କରିବେ ।