25-Sep-2022

ପଦ୍ମପୁର(ନରହରି ବଗର୍ତ୍ତୀ) ବରଗଡ଼ ଭଟଲି ଛକ ସ୍ଥିତ ଜୟସିଂ ମଣ୍ଡପ ଠାରେ ବରଗଡ଼ ଟାଏକୋଣ୍ଡୋ ଏସୋସିଏସନ ତରଫରୁ ଦୁଇ ଦିବସୀୟ ଅଷ୍ଟମ colour belt promotion test ଅନୁଷ୍ଠିତ ହୋଇଯାଇଛି । ଉକ୍ତ ଟେଷ୍ଟ ଆସୋସିଏସନ ର ଜିଲ୍ଲା ସଭାପତି ନବକିଶୋର ପାଣିଗ୍ରାହୀ  ମଞ୍ଚ ରେ ସଭାପତିତ୍ୱ କରିଥିଲେ l ଉଦଘାଟନୀ ସଭାରେ ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ମାଁ ସମଲେଇ ଫୋଟୋ ଚିତ୍ରରେ ଦୀପ ପ୍ରଜ୍ବଳନ କରି କାର୍ଯ୍ୟକ୍ରମ କୁ ଉଦଘାଟନ କରିଥିଲେ । କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ବରଗଡ଼ ପୌର ପରିଷଦ ଅଧ୍ୟକ୍ଷା ଶ୍ରମତୀ କଳ୍ପନା ମାଝୀ, ଆନ୍ତର୍ଜାତୀୟ ପଦକଧାରୀ ଶ୍ରୀମାନ ଏହେସାସ ହୋତା, ସେକ୍ରେଟାରୀ ତଥା ଶିକ୍ଷକ ଶ୍ରୀ ବିଜୟ ଭୋଇ,ଆଶୁତୋଷ ରଥ,ଶ୍ରୀୟା ମିଶ୍ର,ରାଜଶ୍ରୀ ବଗର୍ତ୍ତି ଯୋଗ ଦେଇଥିଲେ । ଆଜିର ମଞ୍ଚରେ ସଭାପତି ଶ୍ରୀ ପାଣିଗ୍ରାହୀ ଏବଂ ଶିକ୍ଷକ ଶ୍ରୀ ଭୋଇ ଆଗାମୀ ଦିନରେ ବରଗଡ଼ରେ ପଶ୍ଚିମ ଓଡ଼ିଶାର ଟାଏକୋଣ୍ଡୋ ର  ତ୍ରିଦିବସିୟ କାର୍ଯ୍ୟକ୍ରମ କରିବା ପାଇଁ ଏବଂ ମାନ୍ୟବର ବିଧାୟକଙ୍କ ସହଯୋଗ ପାଇଁ ଅନୁରୋଧ କରିଥିଲେ ।  ମାନ୍ୟବର ବିଧାୟକ ମଧ୍ୟ ସବୁ ପ୍ରକାର ର ସହାୟତା ଯୋଗାଇ ଦେବା ପାଇଁ ପ୍ରତିଶ୍ରୁତି ଦେଇଛନ୍ତି । ଶେଷରେ କାର୍ଯ୍ୟକ୍ରମର ଉପସଭାପତି ଆଶୁତୋଷ ରଥ ଧନ୍ୟବାଦ ଅର୍ପଣ କରିଥିଲେ ।