25-Sep-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ପଲ୍ଲିଶ୍ରୀ ନୋଡାଲ ହାଇସ୍କୁଲ ଠାରୁ ଅଳଣ୍ଡା ଦେଇ ଠେମରା ଯାଇଥିବା ମୁଖ୍ଯମନ୍ତ୍ରୀ ଗ୍ରାମ ସଡକ ଯୋଜନା ରେ ହୋଇଥିବା ରାସ୍ତା ଗୋଟିଏ ବର୍ଷ ନ ପୁରୁଣୁ ରାସ୍ତା ମଝିରେ ଆଣ୍ଠୁଏ ଖାଳ। ପ୍ରଥମେ ପ୍ରଥମେ ଖାଳରେ ମାଟି , ପଥରଗୁଣ୍ଡ ଦେଇ ଖାଳ ମରାମତି ବି କରିଥିଲେ ସ୍ଥାନିୟ ଲୋକେ ହେଲେ ବାରମ୍ବାର ସେହି ସ୍ଥାନରେ ହିଁ ଖାଳ ହୋଇ ଯାଉଥିବାରୁ ଓ ଖାଳ ଠିକ ରାସ୍ତା ମଝିରେ ହୋଇଥିବାରୁ ରାସ୍ତାରେ ଯାତାୟାତ କରୁଥିବା ବହୁ ଲୋକ ଦୁର୍ଘଟଣାର ଶିକାର ହେଉଥିବା ବେଳେ ସ୍ଥାନିୟ ଲୋକେ ଦୁର୍ଘଟଣାକୁ ଏଡାଇବା ପାଇଁ ରାସ୍ତା ମଝିରେ ଗଛ ଲଗାଇ ଆସନ୍ନ ଦୁର୍ଘଟଣାକୁ ରୋକିବା ପାଇଁ ଅଭିନବ ଉପାୟ କରିଛନ୍ତି । ପ୍ରକାଶ ଥାଉକି ଗ୍ରାମ୍ୟ ଉନ୍ନୟନ ସଂସ୍ଥା ତରଫରୁ ଚଳିତ

ପଞ୍ଚାୟତ ନିର୍ବାଚନ ସମୟରେ ତରବରିଆ ଭାବରେ କାମ କରାଯାଇଥିଲା । ଯାହା ଫଳରେ ସିନ୍ଧେକେଲା ଅଞ୍ଚଳରେ ହୋଇଥିବା ବିଭିନ୍ନ ରାସ୍ତା ନିର୍ମାଣ କାର୍ଯ୍ଯ ର ତଦାରଖ ଠିକ ଭାବରେ ହୋଇନଥିବାରୁ ରାସ୍ତା ଦୁଇ ପାର୍ଶ୍ବ ମଧ୍ଯ ଏବେ ଖାଳଖମାରରେ ଭର୍ତ୍ତି ହୋଇ ସାରିଲାଣି। ତେବେ ମଧ୍ଯ ବିଭାଗିୟ ଅଧିକାରୀ ମାନଙ୍କ ଖାମଖିଆଲି ମନୋଭାବ ଯୋଗୁଁ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି। ଏବଂ ଏ ଉପରେ ଜିଲ୍ଲା ପ୍ରଶାସନ ଦୃଷ୍ଟିଦେଇ ତୁରନ୍ତ ଆବଶ୍ୟକ ପଦକ୍ଷେପ ନେବାପାଇଁ ସାଧାରଣରେ ଦାବି ହୋଇଛି ।