18-Sep-2022

ଆଜି ସ୍ଥାନୀୟ ବିଦ୍ୟା ଭାରତୀ ।ାବାସିକ ସ୍କୁଲ ଠାରେ ସାପ୍ତାହିକ ପ୍ରେରଣା ନ୍ୟୁଜ୍ ପୋର୍ଟାଲ ତରଫରୁ ଏକ କଲେଜସ୍ତରୀୟ ଇଂରାଜୀ ଓ ଓଡିଆ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଜିଲ୍ଲାର ବିଭିନ୍ନ କଲେଜରୁ ଛାତ୍ରଛାତ୍ରୀ ମାନେ ଅଂଶଗ୍ରହଣ କରିଥିଲେ । ଆତଙ୍କବାତ- ଭାରତୀୟ ଗଣତନ୍ତ୍ର ପ୍ରତି ବିପଦ ଶୀର୍ଷକ ବିଷୟବସ୍ତୁ ଉପରେ ଅନୁଷ୍ଠିତ ଏହି ବକ୍ତୃତା ପ୍ରତିଯୋଗିତାର ବିଚାରକ ଭାବରେ ରେଲାଏନ୍ସ ଏଜୁକେସନାଲ କଂପ୍ଲେକ୍ସର ନିର୍ଦ୍ଦେଶକ ମନୋଜ କୁମାର ମିଶ୍ର, କବି ତଥା ସରକାରୀ ଶୁଭ୍ରାଂଶୁ ଶେଖର ପଣ୍ଡା ଓ ସାମ୍ବାଦିକ ମହେନ୍ଦ୍ର ଦର୍ଜି ବିଚାରକ ଭାବରେ ଯୋଗ ଦେଇଥିଲେ । ପ୍ରେରଣାର  ପ୍ରତିଷ୍ଠାତା ସଂପାଦକ ରଘୁ ନନ୍ଦନ ସିଂହଙ୍କ ସଂଯୋଜନାରେ ଅନୁଷ୍ଠିତ ଏହି ଓଡ଼ିଆ ବକ୍ତୃତା ପ୍ରତିଯୋଗିତାରେ ସାଇ ବିନାୟକ ମିଶ୍ର, ରିଂଟୁ ପୋଢ଼ ଓ ଆଦିତ୍ୟ କୁମାର ମିଶ୍ର, ମନୋଜ କୁମାର ପଣ୍ଡା ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ ।   ସେହିପରି ଭାବରେ ଇଂରାଜୀ ବକ୍ତୃତା ପ୍ରତିଯୋଗିତାରେ ଅହିଂସା ଜୈନ ତସ୍‌ନିମ ଅଫ୍ରିମ ଓ କ୍ରିଷ୍ଣା ଅଗ୍ରଫ୍ୱାଲ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ । ସମସ୍ତ କୃତି ପ୍ରତିଯୋଗି ମାନେ ଆସନ୍ତା ଅକ୍ଟୋବର ୨ ତାରିଖ  ସଂଧ୍ୟାରେ ବଲାଙ୍ଗୀର ଜିଲ୍ଲା ସାମ୍ବାଦିକ ଭାବନ ଠାରେ ପ୍ରେରଣା ଡିଜିଟାଲ ପକ୍ଷରୁ ଅନୁଷ୍ଠିତ ହେବାକୁ ଥିବା  ଦ୍ୱିତୀୟ ପ୍ରତିଷ୍ଠା ଦିବସ ଅବସରରେ ପୁରସ୍କୃତ ହେବେ ବୋଲି ପ୍ରେରଣା ଖବରକାଗଜ ପକ୍ଷରୁ ସୂଚନା ଦିଆଯାଇଛି । ପ୍ରତିଯୋଗିତା ଆୟୋଜନରେ ପ୍ରେରଣା ପରିବାର ର ହିମାନୀ ତ୍ରିପାଠୀ, ଶିକ୍ଷାବିତ ମନୋରଂଜନ ସାହୁ, ସୁଭାଷ ଚିନ୍ତନ ପତ୍ରିକାର ସଂପାଦକ ଲକ୍ଷ୍ମୀ ନାରାୟଣ ପଟ୍ଟନାୟକ, ବିଦ୍ୟାଭାରତୀ ସ୍କୁଲର ସୁଭାଷ ଛତ୍ରିଆ ଓ ଅନ୍ୟ ମାନେ ସହଯୋଗ କରିଥିଲେ ।  ଆସନ୍ତା ସେପ୍ଟେମ୍ବର ୨୪ ତାରିଖ  ରେ ସ୍ଥାଉନୀୟ ପି.ପି. ଏକାଡେମୀ ଠାରେ ସ୍କୁଲସ୍ତରୀୟ ଚିତ୍ରକଳା ଓ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହେବ । ବଲାଙ୍ଗୀର ଜିଲ୍ଲାର ସମସ୍ତ ସ୍କୁଲ ଛାତ୍ରଛାତ୍ରୀ ଏଥିରେ ବହୁଳ ସଂଖ୍ୟାରେ ଯୋଗ ଦେବାକୁ ଅନୁରୋଧ କରାଯାଇଛି ।