18-Sep-2022

ବଲାଙ୍ଗିର(ପ୍ରେରଣା ଖବର) - ଆଜି ସ୍ଥାନୀୟ ସରକାରୀ ଆୟୁର୍ବେଦି କଲେଜ ପରିସରରେ ବଲାଙ୍ଗିର ଜିଲ୍ଲା କରାଟେ ଅର୍ଗାନାଇଜେସନ ଓ ବଲାଙ୍ଗିର ଜିଲ୍ଲା ଟାଇକଣ୍ଡୋ ଏସୋସିଏସନ ତରଫରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ

ହୋଇଯାଇଛି । କରାଟେ ତଥା ଟାଇକଣ୍ଡୋ କୋଚ ଅସୀମ କୁମାର ଭୋଇଙ୍କ ତତ୍ତ୍ୱାବଧାନରେ ଅନୁଷ୍ଠିତ ବୃକ୍ଷ ରୋପଣ କାର୍ଯ୍ୟକ୍ରମକୁ ବଲାଙ୍ଗିର ମ୍ୟୁନିସିପାଲିଟି ଓ ବଲାଙ୍ଗିର ଫରେଷ୍ଟ ଡିଭିଜନ ସହଯୋଗ କରିଥିଲେ । ଏହି ଅବସରରେ ମୁଖ୍ୟ

ଅତିଥି ରୂପେ ବନଖଣ୍ଡ ଅଧିକାରୀ ନିତିଶ କୁମାର ଓ ସମ୍ମାନିତ ଅତିଥି ରୂପେ ପୌରପାଳିକା ଲିକା ସାହୁ ଯୋଗଦାନ ଦେଇଥିଲେ । ଏଥିରେ ୫୦ଟି ଔଷଧିୟ ଚାରା ରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ଆୟୁର୍ବେଦିକ କଲେଜର ଅଧ୍ୟକ୍ଷ ଅରୁଣ କୁମାର ଦାଶ, ରେଞ୍ଜ ଅଧିକାରୀ କେଶବ କିଶୋର ନାଏକ, ଡ. ନିଗମାନନ୍ଦ ଦାଶ, ଡ. ଶିବବ୍ରତ ବେହେରା ତଥା କରାଟେ ଓ ଟାଇକଣ୍ଡୋ ସଂଘର ସମସ୍ତ ଛାତ୍ର ଛାତ୍ରୀ ଓ ଅଭିଭାବକ ମଣ୍ଡଳି ଉପସ୍ଥିତ ଥିଲେ ।