18-Sep-2022

  ବଲାଙ୍ଗିର, ୧୭ ସେପ୍ଟେମ୍ବର ୨୦୨୨ - ନବସେତୁ ପରିବାର ପକ୍ଷରୁ ସମ୍ପାଦକ ଶ୍ରୀ ପୂର୍ଣଚନ୍ଦ୍ର ବିଶ୍ୱାଳଙ୍କ ତତ୍ତ୍ୱାବଧାନରେ ପେରିୟାର ଇ. ଭି. ରାମସ୍ୱାମୀ ନାୟକରଙ୍କ ୧୪୩ ତମ ଜନ୍ମଦିନ ଅବସରରେ ଏକ ଆଲୋଚନା ଚକ୍ର ସ୍ଥାନୀୟ ଜିଲ୍ଲା ଓବିସି ମଂଚ ବଲାଙ୍ଗିରର ସଭାକକ୍ଷରେ ଅନୁଷ୍ଠିତ ହୋଇ ଯାଇଛି । ପେରିୟାର ଥିଲେ ଏକାଧାରରେ ଜଣେ ସମାଜ ସଂସ୍କାରକ, ନାରି ସ୍ୱତନ୍ତ୍ରତା ଓ ନାରି ସମାନତାର ବଳିଷ୍ଟ ପ୍ରବକ୍ତା, ଅସ୍ପୃଶ୍ୟତା, ସାମାଜିକ ବିସମତା ବିରୋଧରେ ତାଙ୍କର ମହାନ ନେତୃତ୍ୱ ପାଇଁ ଚିର ସ୍ମରଣୀୟ । ତାଙ୍କର ଆତ୍ମସମ୍ମାନ ଆନ୍ଦୋଳନ ତଥା ଦ୍ରାବିଡର କାଝାଗମ ଦଳର ପ୍ରତିଷ୍ଠା ଯୋଗୁଁ ସେ ଭାରତୀୟ ରାଜନୀତିରେ ଜଣେ ବଳିଷ୍ଠ ନେତୃତ୍ୱ ।  ଦଳିତ, ଶୋଷିତ ଜନତାର ତ୍ରାଣକର୍ତ୍ତା ତଥା ଦ୍ରାବିଡ ଆନ୍ଦୋଳନର ଜନକ ଭାବେ ସେ ପରିଚିତ । ୧୩ ନଭେମ୍ବର ୧୯୩୮ରେ ତାମିଳନାଡୁ ମହିଳା କନଫରେନ୍‌ସରେ ନୀଳମବିଗାଇ ଅମ୍ମାଇୟାର ଙ୍କ ସଭାପତିତ୍ୱରେ ଡ. ଧର୍ମମ୍ବଳଙ୍କ ଦ୍ୱାରା ତାଙ୍କୁ ‘ପେରିୟାର’ ବା ମହାନ ବ୍ୟକ୍ତିତ୍ୱ ଉପାଧି ପ୍ରଦାନ କରାଯାଇ ଥିଲା । ଏହି ନାମରେ ସେ ବିଶ୍ୱ ବିଖ୍ୟାତ । ଆଲୋଚନାଚକ୍ର ଆରମ୍ଭରେ ତାଙ୍କ ଫଟୋଚିତ୍ରରେ  ପୁଷ୍ପମାଲ୍ୟ ଅର୍ପଣ କରା ଯାଇଥିଲା ଓ ଉପସ୍ଥିତ ବକ୍ତାମାନେ ତାଙ୍କର ମହାନ କାର୍ଯ୍ୟାବଳୀ ଉପରେ ଆଲୋକପାତ କରିଥିଲେ । ଏହି ଆଲୋଚନାଚକ୍ରରେ ଜିଲ୍ଲା ଓବିସି ମଂଚର ସମ୍ପାଦକ ପ୍ରଦେଶୀ ବିଶ୍ୱାଳ, ଟଙ୍କଧର ଗଡତ୍ୟା, ସୀତାକାନ୍ତ ସାଏ, କାଲିନ୍ଦ୍ରୀ ମାଝୀ, ଭୂବନ ନାଗ, ସୁଧିର ପଧାନ, ସୋମନାଥ ଗାଡତ୍ୟା, ନଲିନ ରଞ୍ଜନ ଦୀପ, ଗୋବିନ୍ଦ ବିଭାର, ପ୍ରକାଶ କୁମାର, ରାମଶଙ୍କର ଚନ୍ଦନ, ରାଜେନ୍ଦ୍ର ସୁନା ଆଦି ଆଲୋଚନାରେ ଅଂଶଗ୍ରହଣ କରିଥିଲେ । ଆଲୋଚନାଚକ୍ରକୁ ସତ୍ୟ ବନଛୋର ପରିଚାଳନା କରିଥିଲେ ଓ ପୂର୍ଣଚନ୍ଦ୍ର ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ସାନ୍ତନୁ କୁମାର ଭୋଇ, ସଂଜୟଶେଖର ଭୋଇ ଓ ଅନ୍ୟମାନେ ଉପସ୍ଥିତ ଥିଲେ ।