18-Sep-2022

ବୀରମହାରାଜପୁର(ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ର ଅଗ୍ରଣୀ ସ୍ବେଚ୍ଛାସେବୀ ସଂଗଠନ" ସିୟା" ର ସମ୍ପାଦକ ସୁଦାମ ଗାଇଗରିଆ ବୀରମହାରାଜପୁର ପୋଲିସ ନାଁ ରେ ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ଓ ଜିଲ୍ଲାପାଳ ଙ୍କ ଠାରେ ଏକ ଲିଖିତ ଆକାରରେ ଅଭିଯୋଗ କରିଛନ୍ତି । ଅଭିଯୋଗ‌ ପତ୍ର ଅନୁଯାୟୀ ଗତ ୧୪ ତାରିଖରେ ବୀରମହାରାଜପୁର ପୋଲିସ ପଣ୍ଡିଆପାଲି ଛକ ନିକଟରେ  ଗାଡିର କାଗଜପତ୍ର ଯାଞ୍ଚ ସମୟରେ ପକ୍ଷପାତ କରୁଥିବା ସେ ଅଭିଯୋଗ କରିଛନ୍ତି ।ଦାୟିତ୍ୱ ରେ ଥିବା ଅଧିକାରୀ ଜଣକ ଏକ ଗର୍ଭବତୀ ସ୍ତ୍ରୀ ଲୋକକୁ ଅଟକାଇ ରଖିଥିବା ବେଳେ ନିଜର ଚିହ୍ନା ପରିଚିତ ଦେଖି ଛାଡ଼ି ଦେଉଥିବା ଶ୍ରୀ ଗାଇଗରିଆ ନିଜ ପତ୍ରରେ ଦର୍ଶାଇଛନ୍ତି  । ତାଙ୍କର ଡ୍ରାଇଭିଙ୍ଗ ଲାଇସେନ୍ସ ଥାଇ ମଧ୍ୟ ତାଙ୍କୁ ଫାଇନ ପକାଇ ହଇରାଣ କରୁଥିବା ବେଳେ ପ୍ରତେକ ଗାଡ଼ି କାଗଜପତ୍ର ଯାଞ୍ଚ ଆଳରେ ବାଇକ ଚାଳକଙ୍କ ଠାରୁ ୨୦୦ ରୁ ୫୦୦ ଟଙ୍କା ବିନା ରସିଦ ରେ ଆଦୟ କରୁଥବା ନେଇ ସେ ଅଭିଯୋଗ କରିଛନ୍ତି। ସେହିପରି କୋଇଲା ମାଫିଆ ଓ ଗୋରୁ ମାଫିଆ ଙ୍କ ଠାରୁ  ମୋଟା ଅଙ୍କର ହାତ ଗୁଞ୍ଜା ନେଇ ଛାଡିଦେଉଥିବା କହିଛନ୍ତି। ଏଭଳି ଘଟଣାକୁ ନିନ୍ଦନୀୟ ଓ ଘୃଣ୍ୟ କାର୍ଯ୍ୟ ବୋଲି ସେ ମତ ପ୍ରକାଶ କରିଛନ୍ତି । ଏଣୁ ଉକ୍ତ କାର୍ଯ୍ୟ ର ତଦାରଖ ସହ ଉପଯୁକ୍ତ ପଦକ୍ଷେପ ନେବାସହ ଅସାଧୁ ଅଧିକାରୀ ଙ୍କ ବିରୋଧରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ସେ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକାରୀ ଓ ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରିଥିବା ଜଣାପଡ଼ିଛି ।