18-Sep-2022

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରର ବିଭିନ୍ନ ଅନୁଷ୍ଠାନ ପକ୍ଷରୁ ଦେବଶିଳ୍ପୀ ବିଶ୍ଵକର୍ମା ପୂଜାନୋତ୍ସ ଅନୁଷ୍ଠିତ ହୋଇଯାଇଛି। ବୀରମହାରାଜପୁର ସଦର ସ୍ଥିତ ଗାଡି ଚାଳକ ସଂଘ ଠାରେ ଏକ ଆଧ୍ୟାତ୍ମିକ ପରିବେଶରେ ରୀତିନୀତି ଅନୁସାରେ ଧୁମଧାମରେ ୨୨ ତମ ବିଶ୍ଵକର୍ମା ପୂଜା ପାଳିତ ହେଉଛି।‌ ଏଠାରେ ପୂଜକ ମନୋରଞ୍ଜନ ଦାସ ପୂଜା କାର୍ଯ୍ୟ ତୁଲାଇଥିବା ବେଳେ କୃଷ୍ଣ ଚନ୍ଦ୍ର ପଣ୍ଡା କର୍ତ୍ତା ଦାଇତ୍ୱ ତୁଲାଉଛନ୍ତି।‌ଏହି ଅବସରରେ ଏକଦିବସୀୟ ସୁନ୍ଦରାକାଣ୍ଡ ପାରାୟଣ ଅନୁଷ୍ଠିତ

ହୋଇଥିଲା। ଏଥିରେ ଗାୟିକା ସୁଶ୍ରୀ ମୋନାଲୀ  ମହାପାତ୍ର ପୁରାଣ ପଠନ କରିଥିଲେ।‌ ବହୁ ସଂଖ୍ୟକ ଶ୍ରଦ୍ଧାଳୁ ଯୋଗଦେଇ ରାମଚରିତ ମାନସ ଶ୍ରବଣ କରିଥିଲେ। ଅନୁଷ୍ଠାନ ସମସ୍ତ ଗାଡି ଚାଳକ ଉପସ୍ଥିତ ରହି ସହଯୋଗ କରିଥିଲେ ।‌ ସୋମବାର ଭଷାଣୀ ଉତ୍ସବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଥିବା ନେଇ କମିଟି ପକ୍ଷରୁ ସ୍ଥିରୀକୃତ ହୋଇଛି।‌ ସେହିପରି ବୀରମହାରାଜପୁର ‌ସମତେ ମୃର୍ଷୁଣ୍ଢୀ ଓ ସୁବଳୟା ବିଦ୍ୟୁତ ‌ଗ୍ରୀଡ, ବିଭିନ୍ନ ଗ୍ୟାରେଜ ତଥା ଯାନବାହାନ ରଖିଥିବା ଲୋକେ ମଧ୍ୟ ବିଶ୍ଵକର୍ମା ପୂଜାର୍ଚ୍ଚନା କରିଥିଲେ। ପୂଜା ଅବସରରେ ଅନେକ ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା।