06-Aug-2022

ବଲାଙ୍ଗିର (ଅନ୍ତର୍ଯ୍ୟାମୀ ସାହୁ): ବଲାଙ୍ଗିର ଶୋଭନୀୟ ଶିକ୍ଷାଶ୍ରମର ୨୨ତମ ପ୍ରତିଷ୍ଠା ଦିବସ ବଲାଙ୍ଗିର ସ୍ଥିତ ପ୍ୟାଲେସ ଲାଇନ୍ ଶୋଭନୀୟ କ୍ୟାମ୍ପସରେ ମହା ଆଡମ୍ବରରେ ପାଳିତ ହୋଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଲାଙ୍ଗିର ପୌରପାଳିକା ଅଧ୍ୟକ୍ଷା ଶ୍ରୀମତୀ ଲିକା ସାହୁ ଯୋଗ ଦେଇ ପିଲାମାନଙ୍କୁ ସତ୍ ମାର୍ଗରେ ଆଗକୁ ବଢିବା ପାଇଁ ପରାମର୍ଶ ଦେଇଥିଲେ ,ସମ୍ମାନିତ ଅତିଥି ଲୋକ ସଂପର୍କ ଓ ସୂଚନା ଅଧିକାରୀ ଶ୍ରୀଯୁକ୍ତ ଜୟଦେବ ପାଣିଗ୍ରାହୀ ନିଜର ଦକ୍ଷତା ଅନୁସାରେ ଲକ୍ଷ୍ୟ ଚୟନ କରି କଠିନ ପରିଶ୍ରମ କରିବା ପାଇଁ ଉପଦେଶ ଦେଇଥିଲେ ଏବଂ ମୁଖ୍ୟବକ୍ତା  ଶିକ୍ଷୟିତ୍ରୀ ତଥା ସମାଜସେବୀ ଶ୍ରୀମତୀ ସବିତା ମହରା ଶୋଭନୀୟ ଶିକ୍ଷାଶ୍ରମର ପ୍ରାଣ ପ୍ରତିଷ୍ଠାତା ପୂଜ୍ୟଶ୍ରୀ କୁମାର ଭାଇଙ୍କ ନୀତି ଆଦର୍ଶରେ ଅନୁପ୍ରାଣିତ ହେବା ପାଇଁ କହିଥିଲେ । ଶିକ୍ଷାଶ୍ରମ ଗୁରୁଜୀ ଅନିଲ କୁମାର ସାହୁ  ଅତିଥିଙ୍କ ପରିଚୟ ପ୍ରଦାନ

କରିଥିବା ବେଳେ, ଗୁରୁମା ଲକ୍ଷ୍ମୀ ସାହୁ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ  । କବିତା ଗୁରୁମା ଧନ୍ୟବାଦ ଅର୍ପଣ କରିଥିଲେ । ଶିକ୍ଷାଶ୍ରମର ଅଧ୍ୟକ୍ଷ ଆଦିତ୍ୟ ପ୍ରସାଦ ଦାସଙ୍କ ସଭାପତିତ୍ୱରେ ପରିଚାଳିତ ଏହି କାର୍ଯ୍ୟକ୍ରମରେ ଶିକ୍ଷାଶ୍ରମର କୁନିକୁନି ପିଲାମାନଙ୍କ ଦ୍ୱାରା ସୁନ୍ଦର ନୃତ୍ୟ,ଗୀତକୁ  ଅଭିଭାବକ ଓ ଅଭିଭାବିକାମାନଙ୍କ ସହିତ ବହୁ ମାତ୍ରାରେ ଦର୍ଶକମାନେ ଉପଭୋଗ କରିଥିଲେ । ଶିକ୍ଷାଶ୍ରମର ଗୁରୁଜୀ ସୁନିଲ ସାହାଣି ,ଆନନ୍ଦ ଦେବତା ,ଦିପକ ପଟେଲ ଗୁରୁମା ମଥାମଣି ପଟ୍ଟନାୟକ ,ତନୁଜା କର୍ମୀ ,କମଳିନୀ ପୁରୋହିତ ତଥା ଦ୍ରୋପଦୀ ନନ୍ଦ ପ୍ରମୁଖ ସହଯୋଗ କରିଥିଲେ ।