06-Aug-2022

ସୁବର୍ଣ୍ଣପୁର:  ଆଜି ପୂର୍ବାହ୍ନ ରେ ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ମଲ୍ଲିକମୁଣ୍ଡା ସରକାରୀ ପ୍ରାଥମିକ ବିଦ୍ୟାଳୟ ଠାରେ ସାମୁହିକ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ କୁ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ରଞ୍ଜନ କୁମାର ବୁଡ଼େକ ପରିଚାଳନା କରିଥିବା ବେଳେ ମୁଖ୍ୟ ଅତିଥି ଭାବରେ ମଲ୍ଲିକମୁଣ୍ଡା ର ସି ଆର ସି ସି ଦଳଗୋବିନ୍ଦ ପଣ୍ଡା ତଥା ମଲ୍ଲିକମୁଣ୍ଡା ଗ୍ରାମର ସଞ୍ଜୟ ମାଝୀ, ରାଜିନ ପାଞ୍ଚବିହାର ତଥା ବିଦ୍ୟାଳୟ ପରିଚାଳନା କମିଟିର ସଭାପତି ହୃଷିକେଶ କୁମ୍ଭାର, ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଘନଶ୍ୟାମ ଦୀପ ପ୍ରମୁଖ ଉପସ୍ଥିତ ଥିଲେ l ଏହି କାର୍ଯ୍ୟକ୍ରମ ରେ ପ୍ରାୟ 40 ଟି ଚାରା ରୋପଣ କରାଯାଇଥିଲା ଓ ଆଗାମୀ ଦିନରେ ଆହୁରି ଅଧିକ

ସଂଖ୍ୟକ ଚାରାରୋପଣ କରି ବିଦ୍ୟାଳୟ ର ସୌନ୍ଦର୍ଯ୍ୟ ବଢ଼ାଇବାକୁ ସଂକଳ୍ପ ନେଇଥିଲେ l ଏହି କାର୍ଯ୍ୟକ୍ରମ ସହିତ ବିଦ୍ୟାଳୟରେ ସାମୁହିକ ଅଭିଭାବକ ସମ୍ବିଳନୀ "ହର ଘର  ତ୍ରିରଙ୍ଗା " ପାଇଁ ଅନୁଷ୍ଠିତ ହୋଇଥିବା ବେଳେ ଓଡିଶା ସରକାର ଙ୍କ ନିର୍ଦ୍ଦେଶ ଅନୁଯାୟୀ ପ୍ରଥମ ରୁ ତୃତୀୟ ଶ୍ରେଣୀ ର ଛାତ୍ର ଛାତ୍ରୀ ଙ୍କୁ ନେଇ "ପାଠ ପଢ଼ାରେ ଆଗ୍ରହ " ପାଇଁ ଏକ ସଭା ଅନୁଷ୍ଠିତ ହୋଇଥିଲା l ଏହି ସଭାରେ ପ୍ରଧାନ ଶିକ୍ଷକ ରଞ୍ଜନ କୁମାର ବୁଡ଼େକ ଏବଂ ପୂର୍ବତନ ପ୍ରଧାନ ଶିକ୍ଷକ ଘନଶ୍ୟାମ ଦୀପ ଶିଶୁ ମାନଙ୍କୁ ପାଠ ପଢ଼ାରେ ଆଗ୍ରହ ରଖିବା ପାଇଁ କିଛି ବକ୍ତବ୍ୟ ରଖିଥିଲେ l ବିଦ୍ୟାଳୟ ପରିଚାଳନା କମିଟି ତଥା ଗ୍ରାମବାସୀ ଙ୍କ ସହଯୋଗ କ୍ରମେ ଉପରୋକ୍ତ ତିନୋଟି କାର୍ଯ୍ୟକ୍ରମ ସଫଳ ରୂପାୟନ ହୋଇପାରିଥିଲା l