06-Aug-2022

ବରଗଡ:-ଆଜି ଅପରାହ୍ନରେ ବରପାଲି ବ୍ଲକ ଅନ୍ତର୍ଗତ ବରିକେଲ ଗ୍ରାମ ର ନୂଆଟିକ୍ରାଠାରେ ବଜ୍ରାଘାତରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୫ଜଣ ଗୁରୁତର ଅବସ୍ଥାରେ ବରଗଡ଼ ମୁଖ୍ୟ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଆଜି ଦିନ ସାଢେ଼ ତିନି ଟାରେ ହଠାତ୍ ଘଡଘଡି ସହ ବର୍ଷା ହୋଇଥିଲା। ଫଳରେ ସେଠାରେ ବିଲରେ ରୁଆବେଉଷଣ  କରୁଥିବା ସମୟରେ ହଠାତ ବଜ୍ରାଘାତ ଘଟିଥିଲା । ସାତ ଜଣ ନିକଟ ରାସ୍ତା କଡ଼ରେ ଥିବା ଏକ କୁଡ଼ିଆ ଦୋକାନ ଛାତ ତଳେ ଆଶ୍ରୟ ନେଇଥିଲେ। ସେତେବେଳେ ହଠାତ ବଜ୍ରପାତ ହେବାରୁ ଘଟଣାସ୍ଥଳରେ ସମସ୍ତେ ଗୁରୁତର ହୋଇପଡିଥିଲେ। ତୁରନ୍ତ କାଳବିଳମ୍ବ ନକରି ଗ୍ରାମବାସୀ ମାନେ ପ୍ରଥମେ ବରପାଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ତେବେ ସେଠାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଙ୍କୁ ଗୁରୁତର ଅବସ୍ଥାରେ ବରଗଡ଼ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।ଏ ଖବର ପାଇ ସଙ୍ଗେ ସଙ୍ଗେ ଓଡ଼ିଶା ର ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ ମାନ୍ୟବର ଶ୍ରୀମତୀ ରୀତା ସାହୁ ଡାକ୍ତରଖାନା କୁ ଆସି ସମସ୍ତ ଗୁରୁତର ଙ୍କୁ ଭେଟିବା ସାଙ୍ଗକୁ ଡାକ୍ତର ଙ୍କୁ ସମସ୍ତ ପ୍ରକାର ସରକାରୀ ସାହାଯ୍ୟ ଯୋଗାଇ ଦେବାକୁ ଅନୁରୋଧ କରିଥିଲେ। ଉପସ୍ଥିତ ସରକାରୀ କର୍ମଚାରୀ ମାନଙ୍କୁ ମଧ୍ୟ ଏଇ ପରିବାର କୁ ସରକାର ଙ୍କ ପ୍ରଚଳିତ ସମସ୍ତ ପ୍ରକାର ସୁବିଧା ସାହାଯ୍ୟ ଯୋଗାଇ ଦେବାକୁ ଅନୁରୋଧ କରିଛନ୍ତି।