06-Aug-2022

ବଲାଙ୍ଗୀର(ପ୍ରେରଣା ଖବର) - ସରକାରୀ କାର୍ଯ୍ୟାଳୟରେ ମହିଳା କର୍ମଚାରୀଙ୍କୁ ଉତ୍ପିଡନ ଦେବା ଘଟଣା ନଜରକୁ ଆସିଛି । ବଲାଙ୍ଗୀର ପୌରପାଳିକା ଦାୟୀତ୍ବରେ ଯୋଗାଣବିଭାଗର ଏସିଏସଓ ତାଙ୍କ ବିଭାଗର ମୁଖ୍ୟ ଜିଲ୍ଲା ଯୋଗାଣ ଅଧିକାରୀ ତାଙ୍କୁ ଦୁର୍ବ୍ୟବହାର ସହିତ ଉତ୍ପିଡନ ଦେଉଥିବା ଅଭିଯୋଗ

କରିଛନ୍ତି । ତେବେ ଏଭଳି ଏକ ଅଭିଯୋଗ ନଜରକୁ ଆସିଛି ଓ ଲିଖିତ ଭାବରେ ଅଭିଯୋଗ ଦେଲେ ଜିଲ୍ଲାସ୍ତରୀୟ କମିଟି ଏହାର ତଦନ୍ତ କରିବ ବୋଲି ବଲାଙ୍ଗୀର ଜିଲ୍ଲାପାଳ ଚନ୍ଚଳ ରାଣା କହିଛନ୍ତି । ସେପଟେ ଉତ୍ପିଡନ ଅଭିଯୋଗକୁ ଅସ୍ବୀକାର କରି ଇନ୍ସପେକ୍ଟର ଠିକରେ କାମ କରୁନଥିବାରୁ ଗାଳି କରିଥିବା ଚିଫ ସିଏସଓ ମିର ରାଜା ଅଲ୍ଲି କହିଛନ୍ତି । ଏହି ଘଟଣାକୁ ନେଇ ଜିଲ୍ଲାର ପ୍ରଶାସନିକ ମହଲରେ ଚର୍ଚ୍ଚାର ବିଷୟ ହୋଇଛି । ତେବେ ଚିଫ ସିଏସଓ ତାଙ୍କ ଅଧସ୍ତନ କର୍ମଚାରୀଙ୍କୁ ଗାଳି କରିଥିବା ଅଭିଯୋଗ ହୋଇଆସୁଛି । ଦିନେ କି  ଦୁଇ ଦିନ ନୁହଁ, କାର୍ଯ୍ୟଭାର ବଲାଙ୍ଗୀରରେ ନେବା ଦିନଠାରୁ ଅଧସ୍ଥନ ମହିଳା କର୍ମଚାରୀଙ୍କ ନିକଟକୁ ମନଇଚ୍ଛା ଫୋନ କଲ ଓ ମେସେଜ । କାର୍ଯ୍ୟାଳୟରେ ତ ଯାହାତାହା ପାଟିରେ ଆସିଲେ ଦୁର୍ବ୍ୟବହାର କରି ଯୌନ ନିର୍ଯ୍ୟାତନା ଦେଉଛନ୍ତି ଯୋଗାଣ ବିଭାଗର ବାବୁ । ବିଭିନ୍ନ ସମୟରେ ଯୌନ ନିର୍ଯ୍ୟାତନା ଦେଲା ଭଳି କଥା କହୁଛନ୍ତି ବୋଲି ଅଭିଯୋଗ ରହିଛି ।

ମିଳିଥିବା ସୂଚନା ଅନୁସାରେ, ଯୋଗାଣ ବିଭାଗର ବାବୁଙ୍କ ନିର୍ଯ୍ୟାତନା ଅସହ୍ୟ ହେବା ପରେ ଗତକାଲି କାର୍ଯ୍ୟାଳୟରେ ହୋହାଲ୍ଲା ହୋଇଥିଲା । ବଡପାଟିରେ ତୁତୁ ମେମେଁ ଯାଏଁ କଥା ଯାଇଥିଲା । ପରେ ଅଧସ୍ଥନ ମହିଳା କର୍ମଚାରୀ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ ଅଭିଯୋଗ ଦାଖଲ କରିଥିଲେ । ଅଭିଯୋଗପତ୍ରରେ ସେ ଜଣାଇଛନ୍ତି, ଯୋଗାଣ ବିଭାଗର ବାବୁ

ଜଣକ କାର୍ଯ୍ୟରେ ଯୋଗଦେବା ଦିନଠାରୁ ମୋତେ ଦୁର୍ବବହାର କରୁଛନ୍ତି । ତାଙ୍କ କଥାରେ ମୋତେ ଯୌନ ନିର୍ଯ୍ୟାତନା ଦିଅନ୍ତି । ଅସହ୍ୟ ହେବା ପରେ ଲିଖିତ ଜଣାଇଛି । ଯଦି ଜିଲ୍ଲାପାଳ କାର୍ଯ୍ୟାନୁଷ୍ଠାନ ନନେଲେ ସେ ଏଫଆଇଆର ଦେବେ ବୋଲି ଜଣାଇଛନ୍ତି । ଜିଲ୍ଲାପାଳ ଅନୁପସ୍ଥିତ ଥିବାରୁ ସେ ଷ୍ଟେନୋଙ୍କ ଚାମ୍ବରରେ ବସି କାନ୍ଦି କାନ୍ଦି ଲିଖିତ ଆକାରରେ ଜଣାଇଥିଲେ ବୋଲି ଏକ ବିଶେଷ ସୁତୃୁ ସୂଚନା ମିଳିଛି ।