25-Nov-2020

ବଲାଙ୍ଗିର: (ସନ୍ତୋଷ କୁମାର ଠାକୁର)-ତତକାଳୀନ ପ୍ରଧାନମନ୍ତ୍ରୀ ଶ୍ରୀମତୀ ଇନ୍ଦିରା ଗାନ୍ଧୀ ବଲାଙ୍ଗିର ଓ ଡିଆବାସୀଙ୍କୁ ଆଶ୍ୱାସନ ଦେଇଥିଲେ ଗୋଳାବାରୁଦ କାରଖାନାରେ ବଲାଙ୍ଗିର ଏବଂ ଓଡିଆର ବେରୋଜଗାର କୁ ଅଧିକା ନିଯୁକ୍ତି ଦିଆଯିବ କିନ୍ତୁ ତାହା ହୋଇପାରିନାହିଁ । ବଡମାଲ ସ୍ଥିତ ଗୋଳାବାରୁଦ କାରଖାନାରେ ବଲାଙ୍ଗିର ଜିଲ୍ଲା ଓ ଓଡିଶାବାସୀ ବେରୋଜଗାର ପାଇଁ ୭୫% ନିଯୁକ୍ତି ଦାବି ନେଇ ଭିଲେଜର୍ସ ଇଣ୍ଡିଆ ପାର୍ଟି ତା.୨୪.୧୧.୨୦୨୦ ଅର୍ଡିନାନ୍ସ ଫ୍ୟାକ୍ଟରୀ ସମ୍ମୁଖରେ ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂ ଙ୍କୁ  କାରଖାନା ମହାପ୍ରବନ୍ଧକଙ୍କ ଜରିଆରେ ଦାବିପତ୍ର ସହ ବିକ୍ଷୋଭ କରିଛି । ଦାବିପତ୍ରରେ ଆନ୍ଧ ପ୍ରଦେଶ ଏବଂ ହରିୟାଣା ସରକାରଙ୍କ ପରି ଓଡିଶାରେ ସ୍ଥାପିତ ସରକାରୀ  ଏବଂ ବେସରକାରୀ ଉଦ୍ୟୋଗ ମାନଙ୍କରେ ୭୫% ନିଯୁକ୍ତି ବଲାଙ୍ଗିର ଏବଂ ଓଡିଆ ବେରୋଜଗାରଙ୍କୁ ଦେବା, ଟୁ ଟ୍ରେକ୍ ରେଳ ଲାଇନ ଉନ୍ନତିକରଣ ଏକ କମ୍ପାନୀ ଦ୍ୱାରା ୩ ହଜାର ରେଙ୍ଗାଲ ଗଛ ଗୋଳାବାରୁଦ କାରଖାନାର ବନ୍ୟ ଜଙ୍ଗଲରେ କଟାଯାଇଥିବା ବଦଳରେ ୩ ଲକ୍ଷ ବୃକ୍ଷରୋପଣ ଦାବି, ତତକାଳୀନ ପ୍ରଧାନମନ୍ତ୍ରୀ ଶ୍ରୀମତୀ ଇନ୍ଦିରା ଗାନ୍ଧୀ ଗୋଳାବାରୁଦ କାରଖାନା ସ୍ଥାପିତ ହେବା ସମୟରେ

୧ କୋଟି ଟଙ୍କା ଜଙ୍ଗଲ କ୍ଷତିପୂରଣ ଜମା ହୋଇଥିବା ଗୋଳାବାରୁଦ କାରଖାନାରେ ଏ ପର୍ଯ୍ୟନ୍ତ କୌଣସି କ୍ଷତିପୂରଣ ବୃକ୍ଷରୋପଣ ହୋଇପାରିନଥିବା ଯୋଗୁଁ କ୍ଷତିପୂରଣ ଦାବି, କାରଖାନା ବିସ୍ତାପିତଙ୍କ ତୁରନ୍ତ ଥଇଥାନ ସହ କାରଖାନାରେ ପରିବାରର ଜଣଙ୍କୁ ନିଯୁକ୍ତି, କାରଖାନାକୁ ନିଗମ ବିରୁଦ୍ଧରେ ଦାବି ତଥା ଗୋଳାବାରୁଦ କାରଖାନାରେ ୧୦୦% ଶ୍ରମିକ ନିଯୁକ୍ତି ବଡମାଲ, ବଲାଙ୍ଗିର ଏବଂ ଓଡିଆବାସୀଙ୍କୁ ଦେବା ପାଇଁ ଭିଲେଜର୍ସ ଇଣ୍ଡିଆ ପାର୍ଟି ବିକ୍ଷୋଭ ସହ ଦାବି କରି ଆସନ୍ତା ଦିନରେ ଉକ୍ତ ଦାବି ପୂରଣ ପାଇଁ  ସ୍ଥାନୀୟ ଲୋକଙ୍କୁ ସମ୍ମିଳିତ ସହ ର‌୍ୟାଲୀ ଏବଂ ଆନ୍ଦୋଳନ କରିବା ମନସ୍ଥ କରିଛି  । ଭିଲେଜର୍ସ ଇଣ୍ଡିଆ ପାର୍ଟି ଅଧ୍ୟକ୍ଷ ଡ. ବିପିନ କୁଶୁଲିଆଙ୍କ ସହ ଭିଆଇପି ଜିଲ୍ଲାଧ୍ୟକ୍ଷ ଅଶୋକ ଦାଶ, ପ୍ରସନ୍ନ ଛତ୍ରିଆ, ଲେପା ଧରୁଆ, ସ୍ତିଫାନ ନନ୍ଦ ସମେତ ଶତାଧିକ ଭିଆଇପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।