24-Jul-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ଗାଁର ଲୋକ ଗାଁରେ ରହିବ, କାମ ଧନ୍ଦାର ଅଭାବ ରହିବନି, ପରିବାର ପ୍ରତିପୋଷଣ ପାଇଁ ଆଉ ବାହାର ରାଜ୍ଯ କୁ ମଣିଷ ଚାଳାଣ ରୋକିବାକୁ ଏମଜିଏନଆରଇଜିଏ ଭଲି ଯୋଜନା ଠାରୁ ଆରମ୍ଭ କରି ସରକାର ଯୋଜନା ଉପରେ ଯୋଜନା କରି ଚାଳିଛନ୍ତି ଦାଦନ

ବା ମଣିଷ ଚାଳାଣ ରୋକିବାକୁ। ହେଲେ ବଙ୍ଗୋମୁଣ୍ଡା ବ୍ଲକ ରେ ସତେ ଯେମିତି ଏମଜିଏନଆରଇଜିଏ ଯୋଜନା ଉପହାସ ପାଳଟି ଯାଇଛି । ଅଧିକାଂଶ ସ୍ଥାନରେ ମଣିଷ ବଦଳରେ ମେସିନ କାମ କରୁଛି। ଯେମିତିକି ଉଦାହରଣ ସ୍ୱରୂପ ଜଳ ବିଭାଜିକା ତରଫରୁ ହେଉଥିବା ଫାର୍ମ ପଣ୍ଡ କାମ ବ୍ଲକ ଅଞ୍ଚଳରେ ଚାଳିଥିଲେ ହେଁ ଏ ବିଷୟରେ ନାତ ଗୋଷ୍ଠୀ ଉନ୍ନୟନ ଅଧିକାରୀ କିଛି ଜାଣିଛନ୍ତି ନାତ କୃଷୀ ଅଧିକାରୀ । କେବଳ ଜାଣିଛନ୍ତି ପ୍ରୋଜେକ୍ଟ ଆସୋସିଏଟ କାହ୍ନୁ ମେହେର ଏହା ତ ଭାତ ହାଣ୍ଡିରୁ ଗୋଟିଏ। ବିଭାଗିୟ ଅଧିକାରି ମାନେ ଖୁଲମଖୁଲ୍ଲା ଏ ପ୍ରକାର କାମ କୁ ପ୍ରୋତ୍ସାହନ ଯୋଗାଇ ଦେଉଥିବା ଯୋଗୁଁ ଏଠି କାମ ଖୋଜୁଥିବା ମଣିଷ ବାହାର ରାଜ୍ଯ ଦାଦନ ଖଟି ଜିବାକୁ ମଜବୁର। ଆଉ ମଜବୁର ହୋଇ ପେଟପାଟଣା ପାଇଁ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିବା ଅନେକ ଶ୍ରମିକ ଆଉ ଜିବନ୍ତ ଫେରୁ ନାହାନ୍ତି ବରଂ ଶବ ହୋଇ ଗାଁ କୁ ଫେରୁଥିବା ଘଟଣା ଦିନକୁ ଦିନ ବୃଦ୍ଧି ପାଉଛି । ପୂର୍ବରୁ ବିଭିନ୍ନ ପଞ୍ଚାୟତ ସହ ଅଳଣ୍ଡା ପଞ୍ଚାୟତ ମୁଖ୍ୟାଳୟର ଜଣେ , ପିତାମହୁଲ ଗ୍ରାମର ଜଣେ , ଚୁଳିଫୁଙ୍କା ପଞ୍ଚାୟତ ର  କନାବିରା ଗ୍ରାମର ଜଣେ ଯୁବକ ଙ୍କ ମହାରାଷ୍ଟ୍ର ରେ ମୃତ୍ୟୁ ଘଟିଥିଲା । ସେହିପରି ଦେଢଗାଁ ର ଜଣେ ଯୁବକ କାମ କରିବାକୁ ଯାଇ ଶବ ହୋଇ ଫେରିଥିଲେ । ଏଭଳି ଅନେକ ଘଟଣା ଘଟିଚାଳିଛି । ବର୍ତ୍ତମାନ ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଥାନା ଭୂର୍ଷାଗୁଡା ଗ୍ରାମର ଜଣେ ଯୁବକ ମହାରାଷ୍ଟ୍ର କୁ କାମ କରିବାକୁ ଯାଇ ଛାତ ଉପରୁ ଖସିପଡି ମୃତ୍ୟୁ ବରଣ କରିଥିବା ଜଣାପଡିଛି । ଭୁର୍ଷାଗୁଡା ଗ୍ରାମର ଅର୍ଜୁନ ସାହୁ ଙ୍କ ଏକମାତ୍ର ପୁଅ ଗଜାନନ ସାହୁ ପେଟପାଟଣା ପାଇଁ ମହାରାଷ୍ଟ୍ରକୁ ଦାଦନ ଖଟିବାକୁ ଯାଇଥିଲେ । ପ୍ରାୟ ଏକ ମାସ ପୂର୍ବରୁ ସେଠାକୁ କାମ କରିବାକୁ ଯାଇଥିଲେ । କାମ କରୁଥିବା ସମୟରେ ମଙ୍ଗଳବାର ଦିନ ଦଶ ମହଲା କୋଠା ଉପରୁ ଖସି ପଡିଯାଇ ଥିବା ଜଣା ପଡିଛି ।ଗୁରୁତର ଆହତ ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରି ତାଙ୍କୁ ମହାରାଷ୍ଟ୍ର ର ଏମ ଜି ଏମ ଡାକ୍ତରଖାନାରେ ଭର୍ତ୍ତି କରିଥିଲେ । ଗୁରୁବାର ଦିନ ଆହତ ଯୁବକ ର ମୃତ୍ୟୁ ହୋଇଥିବା ଜଣାପଡିଛି । ଯୁବକ ଙ୍କ ମୃତ୍ୟୁ ପରେ ପରିବାର ଲୋକେ ଅସହାୟ ହୋଇପଡିଛନ୍ତି । ମୃତ ଯୁବକ ଦୁଇ ବର୍ଷ

ପୂର୍ବରୁ କଳାହାଣ୍ଡି ଜିଲ୍ଲା ର ବନ୍ଧାଗାଁ ର ଜଣେ ଝିଅ ଙ୍କୁ ବିବାହିତ କରିଥିଲେ । ତାଙ୍କର ଏକ ଶିଶୁ କନ୍ୟା ରହିଥିବା ଜଣାପଡିଛି । ରୋଜଗାରକ୍ଷମ ଯୁବକ ଙ୍କ ମୃତ୍ୟୁ ପରିବାର ଲୋକେ ବେସାହାରା ହୋଇପଡିଛନ୍ତି ।ପରିବାର ଲୋକେ ସେଠାକୁ ଯାଇଥିବା ବେଳେ ଆର୍ଥିକ ପରିସ୍ଥିତି ସୁଦୃଢ଼ ନଥିବା ରୁ ମୃତ ଯୁବକ ଙ୍କ ଶବ କୁ ଫେରାଇ ଆଣି ନ ପାରି ସେଠାରେ ହିିଁ ଶେଷ କୃତ୍ୟ ସମ୍ପନ କରିଥିବା ଜଣାପଡିଛି ।