24-Jul-2022

ସିନ୍ଧେକେଲା:  ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ବିଭିନ୍ନ ସମସ୍ୟାକୁ ନେଇ ଆଜି ଗରିବସେନା ପକ୍ଷରୁ ଦାବିପତ୍ର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଦାନକରାଯାଇଛି । ସୂଚନାଯୋଗ୍ୟ ଯେ ଏହି ସ୍ୱାସ୍ଥ୍ୟକେନ୍ଦ୍ର ବଲାଙ୍ଗିର ଜିଲ୍ଲାର ଶେଷ ସୀମାନ୍ତରେ ରହିଥିବାରୁ ସିନ୍ଧେକେଲା ଅଞ୍ଚଳ ସମେତ କଳାହାଣ୍ଡି ଓ ନୂଆପଡା ଜିଲ୍ଲାର ଅନେକ ଗ୍ରାମର ରୋଗୀମାନେ ଏହି ସ୍ୱାସ୍ଥ୍ୟକେନ୍ଦ୍ର ଉପରେ ନିର୍ଭର କରିଥାନ୍ତି । ରୋଗୀମାନେ ସ୍ୱାସ୍ଥ୍ୟକେନ୍ଦ୍ରକୁ ଆସିଲା ପରେ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ହେଉଛି । ତେଣୁ କରି ସମସ୍ୟାର ସମାଧାନ ଯଥା ଶୀଘ୍ର କରାଯାଉ ବୋଲି ସାତ ଗୋଟି ଦାବି ଗୁଡ଼ିକ ପୂରଣ କରାଯିବା ପାଇଁ ଦାବିପତ୍ର ପ୍ରଦାନ କରାଯାଇଛି । ସାତ ଗୋଟି ଦାବି ଗୁଡ଼ିକ ମଧ୍ୟରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ୨୪ ଘଣ୍ଟା ସ୍ୱାସ୍ଥ୍ୟସେବା ଯୋଗାଇଦେବା, ପର୍ଯ୍ୟାପ୍ତ ଅନୁଯାୟୀ ଡାକ୍ତର ଯୋଗାଇବା ଓ ରକ୍ତଦାନ କେନ୍ଦ୍ର ସ୍ଥାପନ କରିବା, ମର୍କ୍ୟୁରି ଶବ ରଖିବା ଗୃହ ସ୍ଥାପନ କରିବା, ପ୍ରତ୍ୟେକ ଉପ ସ୍ୱାସ୍ଥ୍ୟକେନ୍ଦ୍ର ରେ ଓପିଡ଼ି ଖୋଲିବା, ଦୈନିକ ଡ୍ୟୁଟି ବିବରଣୀ ସୂଚନା ଫଳକରେ ଉଲ୍ଲେଖ କରାଯାଇ ଗେଟ ସମ୍ମୁଖରେ ଗାର୍ଡ ରଖାଯିବା , ପୁରୁଣା କୋଠରୀ ଗୁଡ଼ିକରେ ବର୍ଷା ଯୋଗୁଁ ପାଣି ଝରୁଥିବାରୁ ତାହାର

ମରାମତି କରାଯାଇ ବେଡ଼ ସଂଖ୍ୟା ବୃଦ୍ଧି କରିବା , ସରକାରୀ ମାଗଣା ଔଷଧ ବିତରଣ କେନ୍ଦ୍ର ୨୪ ଘଣ୍ଟା ଖୋଲାଯିବା, ସ୍ୱାସ୍ଥ୍ୟକେନ୍ଦ୍ରର କର୍ମଚାରୀ, ନର୍ସ, ଡାକ୍ତର ଅଫିସ ପରିସରରେ ରହି ରୋଗୀଙ୍କ ସମସ୍ୟ ବୁଝିବା ଆଦି ସାମିଲ ଅଛି । ଦାବିପତ୍ର ପ୍ରଦାନରେ ଗରିବସେନା ସଭାପତି ଦିନେଶ ତାଣ୍ଡି ସମେତ ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ, ସାଂସଦ ପ୍ରତିନିଧି ଅନିଲ ନାଏକ, ପଶ୍ଚିମ ଓଡିଶା ଯୁବାମଞ୍ଚ ସଂଯୋଜକ ହେମନ୍ତ ସାହୁ, ସଞ୍ଜୟ ସିଂଦେଓ, ନୌରାଜ ରଣା, ଛବି ବେହେରା, ଡୋଳାମଣି ବେହେରା , ଭୋଳା ବେହେରା, ବୁଲୁକର ହିଆଲ, ସତ୍ତାର ଅଲି, ସୁଧୀର ବଛା , ପ୍ରକାଶ ସିଂ ବାଗ, ଅମୀର ପଣ୍ଡିଆ, ପ୍ରବେଶ ଜୈନ ପ୍ରମୁଖ ସାମିଲ ହୋଇଥିଲେ ।