16-Jul-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଅଧିନସ୍ଥ ହୀରାପୁର ଛକ ନିକଟରେ ମାଲବାହି ଗାଡିର ପଛପଟେ ପିଟିଲା ଯାତ୍ରୀବାହୀ ବସ l ସୂଚନାରୁ ପ୍ରକାଶ ଯେ ଗତ ସନ୍ଧ୍ୟା ସମୟରେ ବଲାଙ୍ଗୀର-ବରଗଡ 26 ନମ୍ବର ଜାତୀୟ ରାଜପଥରେ ବଲାଙ୍ଗୀର ରୁ ବରଗଡକୁ ଯାଉଥିବା କୁମୁଦିନୀ (ଓଡି17ସି 7726) ବସ ରାସ୍ତା କଡରେ ଥିବା ବ୍ରେକଡାଉନ ହୋଇ ପଡ଼ି ରହିଥିବା ମାଲବାହୀ ଗାଡ଼ି ପଛପଟେ ଧକ୍କାଦେଲା, ଯାହା ଫଳରେ ବସ ଗାଡ଼ିରେ ବସିଥିବା ଯାତ୍ରୀ ଦୁର୍ଘଟଣାର ଶିକାର ହେଲେ l 26 ଜଣ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ 5 ଜଣ ସୁରେନ୍ଦ୍ର ପ୍ରଧାନ, ଯଦୁମଣି ବେହେରା, ମହେନ୍ଦ୍ର ମଲ୍ଲିକ, ପାର୍ବତୀ ପ୍ରଧାନ, ଗିରିଧାରୀ ସା ଯାତ୍ରୀଙ୍କ ଅବସ୍ଥା ଗୁରୁତର l ଘଟଣାସ୍ଥଳକୁ ଲୋଇସିଂହା ଅଗ୍ନିଶମ ବିଭାଗ ଓ ପୋଲିସ ପହଂଚି ସମସ୍ତଙ୍କୁ ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଂଚାଇଲ ଓ ପରେ ପାଞ୍ଚ ଜଣଙ୍କ ଅବସ୍ଥା ଗୁରୁତର ହେବାରୁ ଡାକ୍ତର  ବଲାଙ୍ଗୀର ଭୀମଭୋଇ ମେଡିକାଲକୁ ରେଫର କଲେ l ଦୁର୍ଘଟଣା ବେଳେ ରାସ୍ତା କିଛି ସମୟ ପାଇଁ ଲୋକଙ୍କ ଭିଡ଼ ଦେଖିବାକୁ ମିଳିଥିଲା, ପରେ ପୋଲିସ ଦଳଙ୍କ ସହାୟତାରେ ରାସ୍ତାଜାମଟି ଦୂର ହୋଇଥିଲା l ରାସ୍ତା କଡରେ ଭାରିଯାନ ପାର୍କିଂ, ଗାଡି ଚାଳକଙ୍କ ଅ ସାବଧାନତା, ରାଜପଥ ପ୍ରାଧିକରଣ କତୃପକ୍ଷ, ଆଞ୍ଚଳିକ ପରିବହନ ବିଭାଗ ଓ ପୋଲିସଙ୍କ ଦୃଷ୍ଟି ଠିକଭାବେ ନ ପଡିବାରୁ ଏଭଳି ଘଟଣା ଦେଖିବାକୁ ମିଳୁଛି ବୋଳି ଜନ ମହଲରେ ଆଲୋଚନା ହେଉଛି l