12-Jul-2022

ଉଲୁଣ୍ଡା,(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ବିଶିପଡା ପରମେଶ୍ୱରୀ 5- ଟି ମଡେଲ ହାଇସ୍କୁଲରେ ଏ1ପାଇଥିବା ଦଶମ ଶ୍ରେଣୀ ଛାତ୍ରୀ କ୍ରିଷ୍ଣାମୟୀ ଶତପଥୀଙ୍କୁ ସମ୍ବର୍ଦ୍ଧନା ଦିଆଯାଇଛି l ସୂଚନା ଅନୁସାରେ ବ୍ଲକର ସମସ୍ତ ହାଇସ୍କୁଲ ମଧ୍ୟରୁ ବିଶିପଡା ହାଇସ୍କୁଲରୁ ଏକମାତ୍ର ଛାତ୍ରୀ କ୍ରିଷ୍ଣାମୟୀ ଏ-ୱାନ୍  ଗ୍ରେଡ଼ ପାଇ ଅଂଚଳ ପାଇଁ ଗୌରବ ଆଣିଛନ୍ତି l ଏହି ଅବସରରେ ଆଜି ବିଶିପଡା ହାଇସ୍କୁଲରେ ପ୍ରଧାନ ଶିକ୍ଷକ ଦିଲ୍ଲୀପ କୁମାର ପାଢ଼ୀଙ୍କ ସଭାପତିତ୍ୱରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ସଭାରେ ଛାତ୍ରୀ କ୍ରିଷ୍ଣାମୟୀ ନିଜର ସଫଳତା ଉପରେ ବର୍ଣ୍ଣନା କରିବା ସହ ଶୃଙ୍ଖଳିତ ହୋଇ ପାଠ ପଢିବା ପାଇଁ ଛାତ୍ର ଛାତ୍ରୀଙ୍କୁ ଉତ୍ସାହିତ କରିଥିଲେ l ପରେ ବିଦ୍ୟାଳୟ ତରଫରୁ ତାଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଵା ସହ ଉଜ୍ବଳ ଭବିଷ୍ୟତ କାମନା କରିଥିଲେ l ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଏବଂ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ l