12-Jul-2022

ବରଗଡ/ବିଜେପୁର:(ନିରଞ୍ଜନ ତ୍ରିପାଠୀ)- ମହାଯୋଗୀ ଶ୍ରୀ ଅରବିନ୍ଦଙ୍କ ୧୫୦ତମ ଜନ୍ମ ବାର୍ଷିକୀ ସମାରୋହରେ ସମଗ୍ର ଓଡିଶା ପରିକ୍ରମା କରୁଥିବା ଅତିମାନସ ଚେତନା ରଥକୁ ବରଗଡ଼ ଜିଲ୍ଲା ବିଜେପୁରରେ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ରଥଟି ବିଜେପୁର ପହଞ୍ଚିବା ପରେ ବନ୍ଦେମାତରମ ଧ୍ବନିରେ ଗଗନ ପବନ ପ୍ରକମ୍ପିତ ହୋଇଥିଲା।

ପ୍ରତିକୂଳ ପାଗ ଝିପିଝିପି ବର୍ଷା ସତ୍ତ୍ବେ ଛାତ୍ର ଛାତ୍ରୀ ତଥା ଶିକ୍ଷା ବିଭାଗର ଅଧିକାରୀ, ଜନସାଧାରଣ ଉପସ୍ଥିତ ରହି ରଥକୁ ସ୍ବାଗତ କରିଥିଲେ। ସଭିଏଁ ପୁଷ୍ପ ପ୍ରଦାନ ପୂର୍ବକ ଆଶିଷ କାମନା କରିଥିଲେ। ବସଷ୍ଟାଣ୍ଡ ପରିସରରେ ସଂକର୍ଷଣ ଟିଓୟୁପି, ସ୍ଥାନୀୟ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ଛାତ୍ରଛାତ୍ରୀଗଣ ଦର୍ଶନ କରିଥିଲେ। ଗୋଷ୍ଠୀ ଶିକ୍ଷା ଅଧିକାରୀ

ସୁରେଶ କୁମାର ରାଉତରାୟ, ଅତିରିକ୍ତ ଶିକ୍ଷା ଅଧିକାରୀ ଦିବାକର ବରିହା, ସୁଶାନ୍ତ କୁମାର ପାଣ୍ଡେ, ପୂର୍ଣ୍ଣ ଚନ୍ଦ୍ର ପଧାନଙ୍କ ସମେତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ଅଧ୍ଯକ୍ଷ ବଳରାମ ସାହା, ମଧୁ ମହାପାତ୍ର, ସୁରେନ୍ଦ୍ର ମହାପାତ୍ର, ଲୋକନାଥ ମେହେର ଙ୍କ ସହିତ ଶିକ୍ଷା କେନ୍ଦ୍ରର ଅପାଭାଇଗଣ ସାମିଲ ହୋଇଥିଲେ। ମାନପୁର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର, ସରଣ୍ଡାପାଲି, ମନୋହରପାଲି, ଏମଗଣ୍ଡପାଲି, ବିଜେପୁର ବାଲିକା ୟୁଜିଏମଇ, ବାଳିକା ସରକାରୀ ଉଚ୍ଚ ବିଦ୍ଯାଳୟ, ସରକାରୀ ଉଚ୍ଚ ବିଦ୍ଯାଳୟ, କଲେଜ ପକ୍ଷରୁ ରଥକୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା