11-Jul-2022

ଉଲୁଣ୍ଡା (ଗୌରଚନ୍ଦ୍ର ପରିଛା): ରାଜ୍ୟ ସରକାର ବିଦ୍ୟାଲୟକୁ ସାମ୍ବାଦିକ ମାନଙ୍କୁ ପ୍ରବେଶ ନିଷେଦ ନିଷ୍ପତିକୁ ସୁବର୍ଣ୍ଣପୁର ଜିଲ୍ଲା ସାମ୍ବାଦିକ ସଂଘ ପକ୍ଷରୁ ତୀବ୍ର ବିରୋଧ କରାଯାଇଛି ।   ଜିଲ୍ଲା ସାମ୍ବାଦିକ ସଂଘର ସଭାପତି ଗୋରଖ ନାଥ ସାହୁଙ୍କ ଅଧ୍ୟକ୍ଷତାରେ ଭର୍ଚୂଆଲ ମାଧ୍ୟମରେ ହୋଇଥିବା ବୈଠକରେ ସରକାରଙ୍କ ନିସ୍ପତିକୁ ବିରୋଧ କରିବା ସହ ପ୍ରତ୍ୟାହାର କରିବା ପାଇଁ ଦୃଢ ଦାବି କରାଯାଇଥିଲା । ସରକାର ବିଦ୍ୟାଲୟକୁ ସାମ୍ବାଦିକ ମାନଙ୍କ ପ୍ରବେଶକୁ ନିଷେଦ କରିବା ପଛରେ ହୀନ ଚକ୍ରାନ୍ତ ସ୍ପଷ୍ଟ ହେଉଛି । ବିଦ୍ୟାଲୟ ଗୁଡିକୁ ଶୋଷଣ ତଥା ଦୁର୍ନୀତିର ଗନ୍ତା ଘର କରିବାକୁ ଚାହୁଛନ୍ତି । ଗୋଟିଏ ପଟେ ୫ଟି ନାଁରେ କୋଟି କୋଟି ଟଙ୍କା ଦେଇ ଅନ୍ୟପଟେ ଠିକାଦାର ମାନଙ୍କ ଜରିଆରେ ପିସି ଉଠାଇବା ଯୋଜନା କରୁଥିବା ଅନୁମାନ କରାଯାଉଛି । ଶିକ୍ଷା ବିଭାଗରେ ହେଉଥିବା ଦୁର୍ନୀତିର ଗନ୍ଧ  କାଲେ ପଦାକୁ ଆସିବ ସେଥିପାଇଁ ସରକାର ଏପରି ନିସ୍ପତି ନେଇଥିବା ଆଲୋଚନା ହେଉଛି । ଅନ୍ୟପଟେ  ନିଜର ଦୋଷ ଦୁର୍ବଲତା ଓ ଦୁର୍ନୀତି ଲୁଚାଇବାକୁ ଯାଇ ସାମ୍ବାଦିକଙ୍କ ପ୍ରତି ଏଭଲି ନିସ୍ପତି ନେଇଥିବା ଜଣାପଡୁଛି । ସାମ୍ବାଦିକ ସବୁବେଲେ ସତ୍ୟର ଖବର ପ୍ରକାଶିତ କରି ଆସୁଥିବା ବେଲେ ଗଣମାଧ୍ୟମର କଣ୍ଠରୋଧ ପାଇଁ ସରକାରଙ୍କ ଏତାଦୃଶ ଅଗଣତାନ୍ତ୍ରୀକ ନିଷେଧାଦେଶର ତିବ୍ର ବିରୋଧ ଏବଂ ନିନ୍ଦା କରାଜିବା ସହ ସେଭଲି ପ୍ରତିକ୍ରିୟାସିଲ ଆଦେଶକୁ ପ୍ରତ୍ୟାହାର କରିବା ପାଇଁ ଦାବି ଜିଲ୍ଲା ସାମ୍ବାଦିବ ସଂଘ ପକ୍ଷରୁ ଦାବି କରାଯାଇଛି ।