10-Jul-2022

ମୁରିବାହାଲ(ସୁଦାମ ଚରଣ ବଘlର): ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ତେନ୍ତୁଲିଖୁଣ୍ଟି ଗ୍ରାମ ପଞ୍ଚାୟତର କୃଷକ ଆଦର୍ଶ ଗ୍ରାମ ଟିକ୍ରାପଡା  ଠାରେ  ରବିବାର ଦିନ ମୁରିବାହାଲ କୃଷିବିଭାଗ ତରଫରୁ ଏକଦିବସୀୟ ମୃତ୍ତିକା ସ୍ଵାସ୍ଥ୍ୟ କାର୍ଡ ଯୋଜନାର କୃଷକ ମେଳା ଅନୁଷ୍ଠିତ ହୋଇଯାଇଛି।ଏଥିରେ ମୂର୍ତ୍ତିକା ଆଦର୍ଶ ଗ୍ରାମଚାସୀ  ମାନଙ୍କୁ ତାଲିମ ପ୍ରଦାନ କରାଯାଇଛି।

     ଏହି  ପରିପ୍ରେକ୍ଷୀରେ ବି.ଏ.ଓ ସୁଧାକର ନନ୍ଦ କର ସଭାପତିତ୍ୱରେ କୃଷକ ମେଳାରେ  କଣ୍ଟାବାଞ୍ଜି ବିଧାୟକ ସନ୍ତୋଷ ସିଂସାଲୁଜା ମୁଖ୍ୟ ଅତିଥି ରୂପେ ଯୋଗ ଦେଇ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହ ବର୍ତ୍ତମାନ ପରିସ୍ଥିତିରେ ଆଧୁନିକ ପଦ୍ଧତିରେ ଚାଷ କରିବା ଓ ବଜାର ଚାହିଦା ଅନୁସାରେ ଚାଷ କରିବା ଉପରେ ଗୁରୁତ୍ୱ ପ୍ରଦାନ କରିଥିଲେ।

 ସମ୍ମାନନିୟ ଅତିଥି ଭାବରେ  ୨୯ ନମ୍ବର ଜିଲ୍ଲା ପରିଷଦ ତଥା ବରିଷ୍ଠ ଆଇନଜୀବୀ ଗୋପୀନାଥ ପାଣିଗ୍ରାହୀ, ସାଂସଦ ପ୍ରତିନିଧି ଶ୍ରୀବତ୍ସ ବେହେରା, ଏ.ଏ.ଓ ଅମୃତ ଳୁଗୁନ, ବଲାଙ୍ଗୀର କୃଷିବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକ ସତ୍ୟମୟ ସତପଥୀ,

ମୂର୍ତ୍ତିକା କେମିଷ୍ଟ  ବିଦ୍ୟାଧର ସାହୁ, ତେନ୍ତୁଳୀଖୁଣ୍ଟି ସରପଞ୍ଚ ପ୍ରତିନିଧି ହେମରାଜ ବେହେରା ପ୍ରମୁଖ ଉପସ୍ଥିତ ରହି କୃଷକ ବିକାଶ ସମାଜର।ବିକାଶ ବୋଲି ଆଲୋକପାତ କରିଥିଲେ।
  ସେହିପରି ଉକ୍ତ ଆଦର୍ଶ କୃଷକ ଗ୍ରାମର ଉନ୍ନତମାନର ୧୦୦ ଜଣ ଚାଷୀଙ୍କୁ ଏଡିଓ, ଟିଟିଲାଗଡ଼ ଲାଲବିହାରି ମଲ୍ଲିକ,ଏଏଚଓ  ସୁଶୀଲ କୁମାର ମାଝି, ପ୍ରାଣୀ ସମ୍ପଦ ବିଭାଗ ଡାକ୍ତର ସନ୍ଦୀପ କୁମାର ବାରିକ ପ୍ରମୁଖ ଉପସ୍ଥିତ ରହି ମାଟିର ସୁରକ୍ଷା, ମାଟିକୁ ୩ ବର୍ଷ ଏକ ଥର  ପରୀକ୍ଷା, ଚାଷ କରିବାର ପଦ୍ଧତି ବୈଜ୍ଞାନିକ ପଦ୍ଧତିରେ ଚାଷ କରିବା,ମାଟିର ଚାହିଦା ଅନୁସାରେ ଚାଷ ପ୍ରତି ଗୁରୁତ୍ୱ ଦେବା ଉପରେ ତାଲିମ ପ୍ରଦାନ କରିଥିଲେ। ଏହି ଅବସରରେ ମାଟି ସ୍ୱାସ୍ଥ୍ୟକାର୍ଡ ନିରଞ୍ଜନ ନାଗ, ଧିରମନ ନାଗ, ଓ ବଛା ନାଗ ଙ୍କୁ ବଣ୍ଟନ କରାଯାଇଥିଲା।

    କୃଷକ ମେଳକୁ ସଫଳ କରିବାରେ  କୃଷିକର୍ମଚାରୀ ସଞ୍ଜୟ ମହାକୁର, ଅଜୟ କୁମାର ପ୍ରମୁଖ ସହଯୋଗ କରିଥିଲେ |