02-Jul-2022

ବେଲପଡ଼ା(ପୂର୍ଣ ଶଶୀ ଶେଖର ରାଓ): ଜମିଜମା ଗଣ୍ଡଗୋଳକୁ କେନ୍ଦ୍ର କରି ଗତକାଲି ଦୁଇ ଜଣ ବ୍ୟକ୍ତିଙ୍କୁ ମାରଣାସ୍ତ୍ର ରେ ୫ ଜଣ ବ୍ୟକ୍ତି ସଂଘବଦ୍ଧ ଆକ୍ରମଣ କରାଯିବା ସହ ଲହୁଲୁହାଣ କରି ଦେବା ପରି ପରି ଏକ ଅଭାବନୀୟ ଘଟଣା ଘଟିଛି l ଏପରି ଏକ ଘଟଣା ଘଟିଛି ବଲାଙ୍ଗିର ଜିଲ୍ଲା ବେଲପଡ଼ା ବ୍ଲକ ବିଚ୍ଛୁ ବାହାଲି ଗାଁ ରେ l ଅଭିଯୋଗରୁ ପ୍ରକାଶ ଯେ, ଗତକାଲି ରାତି ପ୍ରାୟ ସାଢେ ଆଠଟା ସମୟରେ ବିଚ୍ଛୁ ବାହାଲି ଗାଁ ର ରୁଦ୍ରମଣି ମାଝୀ (୪୫)ଓ ଜଳନ୍ଧର ମାଝୀ (୫୫) ଘରେ ଥିବା ସମୟ ରେ ସେହି ଗାଁ ର ବଡୁ ମାଝୀ, ଇଶ୍ୱର ମାଝୀ, ନେତ୍ର ମାଝୀ ଙ୍କ ସମେତ ଆଉ ଦୁଇ ଜଣ ବ୍ଯକ୍ତି ରୁଦ୍ରମଣି ଓ ଜଳନ୍ଧରଙ୍କ ଉପରେ ସଂଘବଦ୍ଧ ଆକ୍ରମଣ କରିଥିଲେ l ଆକ୍ରମଣରେ ରୁଦ୍ରମଣି ଓ ଜଳନ୍ଧରଙ୍କ ମୁଣ୍ଡ ଓ ହାତରେରେ ଗଭୀର ଆଘାତ ଲାଗିଛି l ଘଟଣା ଘଟିବା ପରେ ଏହି ଦୁଇ ବ୍ୟକ୍ତିଙ୍କୁ ତୁରନ୍ତ ବେଲପଡ଼ା ଡାକ୍ତରଖାନାକୁ ନିଆଯାଇଥିଲା l ତେବେ ଡାକ୍ତର୍ ଏମାନଙ୍କୁ ବଲାଙ୍ଗିର ଭୀମ ଭୋଇ ମେଡ଼କାଲ କଲେଜ ଓ ହସ୍ପିଟାଲକୁ ରେଫର୍ କରିଛନ୍ତି l ବହୁ ଦିନରୁ ଏହି  ଦୁଇ ପରିବାରଙ୍କ ମଧ୍ୟରେ ଜମିବାଡିକୁ ନେଇ ଅସନ୍ତୋଷ ଲାଗିରହିଥିବା ଜଣାପଡିଛି l ତେବେ ଘଟଣା ପରେ ବେଲପଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି l ଏ ପର୍ଯ୍ୟନ୍ତ ଆକ୍ରମଣ ଘଟଣାରେ ପୋଲିସ କାହାକୁ ଗିରଫ କରି ନଥିବା ଜଣା ପଡିଛି