02-Jul-2022

ବଙ୍ଗୋମୁଣ୍ଡା(ପ୍ରେରଣା ଖବର): ରଥ ଯାତ୍ରା ଦେଖିବାକୁ ଯାଉଥିବା ବେଳେ  ଦ୍ରୁତ ଗତିରେ ଯାଉଥିବା  ଜଣେ ବାଇକ୍ ଆରୋହୀର ବାଇକ୍ ଧକ୍କାରେ  ଯୁବକ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡିଛି l ଏପରି ଏକ ଦୁଃଖଦ ଘଟଣା ଘଟିଛି ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଲଙ୍ଗଳା ଜୁରି ଗାଁ ରେ l ସୂଚନାରୁ ପ୍ରକାଶ ଯେ, ଗତକାଲି  ଲଙ୍ଗଳାଜୁରି ଗାଁ ର ବିବେକlନନ୍ଦ ତାଣ୍ଡି (୨୫) ପାଖ ମୁଣ୍ଡପଦର ଗାଁ କୁ ରଥ ଯାତ୍ରା ଦେଖିବାକୁ ଯାଇଥିବା ସମୟରେ ଗୋଟିଏ ବାଇକ୍ ଆସି ବିବେକlନନ୍ଦ କୁ ଜୋର୍ ରେ ଧକ୍କା ଦେଇଥିଲା l ବାଇକ୍ ଧକ୍କା ରେ ବିବେକାନନ୍ଦଙ୍କ  ବାମ ଗୋଡ ଭାଙ୍ଗି ଯାଇଥିବା ସହ ଶରିରର ବିଭିନ୍ନ ଅଂଶରେ ଆଘାତ ଲାଗିଥିବା ଜଣାପଡ଼ିଛି l
ଦୁର୍ଘଟଣା ପରେ ବିବେକାନନ୍ଦଙ୍କୁ ପ୍ରଥମେ ବେଲପଡ଼ା ଓ ପରେ ବଲାଙ୍ଗିର ଭୀମ ଭୋଇ ମେଡ଼କାଲ କଲେଜ ଓ ହସ୍ପିଟାଲରେ ଭର୍ତି କରଯାଇଛି  

ଦୁର୍ଘଟଣା ଘଟାଇଥିବା ବାଇକ୍ ରେ  ୩ ଜଣ ଯୁବକ ବସିଥିବା ବେଳେ ସେମାନେ ସମସ୍ତେ ମଦ୍ୟପାନ କରିଥିବା ଗ୍ରାମବାସୀ ଅଭିଯୋଗ କରିଛନ୍ତି l