30-Jun-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ପିପଲକଟା ପ୍ରାଥମିକ ବିଦ୍ୟାଲୟ ଠାରେ ଅତିରିକ୍ତ ଗୋଷ୍ଠିଶିକ୍ଷାଧିକାରୀ ସନ୍ତୋଷ ରଥଙ୍କୁ ଅବଶରକାଲୀନ ବିଦାୟ ସମ୍ବର୍ଦ୍ଧନା ଦିଆଯାଇଛି । ଆୟୋଜିତ ସମ୍ବର୍ଦ୍ଧନା ସଭାରେ ଗୋଷ୍ଠିଶିକ୍ଷାଧିକାରୀ ରାଜେନ୍ଦ୍ର ମିଶ୍ର ମୁଖ୍ୟ ଅତିଥି ଭାବରେ ଯୋଗଦେଇ ବକ୍ତବ୍ୟ ରଖିଥିଲେ । ସମ୍ମାନୀତ ଅତିଥି ବାବରେ ଏବିଇଓ ମୁକେଶ ଭୋଇ ଓ ମାର୍କଣ୍ଡେଶ୍ୱର ମିଶ୍ର ଯୋଗଦେଇ ଶ୍ରୀଯୁକ୍ତ ରଥଙ୍କ ନିରାମୟ ଜୀବନ କାମନା କରିଥିଲେ । ପରେ ଶ୍ରୀଯୁକ୍ତ ରଥଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ବିଦ୍ୟାଲୟର ପ୍ରଧାନ ଶିକ୍ଷକ ଭୂବନେଶ୍ୱର କର୍ଣ୍ଣ ସଭାପରିଚଲନା କରିଥିବା ବେଳେ ସିଆରସିସି ଅଜତ୍ନ ଦାସ ଧନ୍ୟବାଦ ଦେଇଥିଲେ । ଏହି ଅବଶରରେ ବିଦ୍ୟାଳୟ ପରିଶରରେ ବୃକ୍ଷରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ବିଦ୍ୟାଲୟର ସମସ୍ତ ଶିକ୍ଷକ, ଶିକ୍ଷୟତ୍ରୀ, ସିଆରସିସି ମାନେ ସହଯୋଗ କରିଥିଲେ । ସେହିପରି ସିଣ୍ଢୋଲ ହାଇସ୍କୁଲର ପ୍ରଧାନ ଶିକ୍ଷକ ବିରେନ୍ଦ୍ର ପର୍ଡଆ ଓ ସହକାରୀ ଶିକ୍ଷକ ସୁଧିର ମୋହନ ଦାସଙ୍କୁ ଅବଶର କାଲୀନ ବିଦାୟ ସମ୍ବର୍ଦ୍ଧନା ଦିଆଯାଇଛି । ଭରାପ୍ରାପ୍ତ ପ୍ରଧାନ ଶିକ୍ଷକ ପ୍ରେମ ସାଗର ବେହେରାଙ୍କ ସଭାପତିତ୍ୱରେ    ଆୟୋଜିତ ସମ୍ବର୍ଦ୍ଧନା ସଭାରେ ସ୍ଥାନୀୟ ସରପଂଚ ପ୍ରଦୀପ ଦେହେରୀ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ବକ୍ତା ଭାବରେ

ଶିକ୍ଷାବିତ ଛନ୍ଦା ଚରଣ ଦାସ ଯୋଗଦେଇ ବକ୍ତବ୍ୟ ରଖିଥିଲେ । ସମ୍ମାନୀତ ଅତିଥି ଭାବରେ ସମିତିସଭ୍ୟ ହୃଦାନନ୍ଦ ମେହେର ଓ ପୁର୍ବତନ ଶିକ୍ଷକ ଆନନ୍ଦ କୁମାର ପୁରୋହିତ ମଂଚାସୀନ ହୋଇଥିଲେ । ଏହି ଅବଶରରେ ଉଭୟ ଶିକ୍ଷକ ନିଜର କାର୍ଯ୍ୟକାଲର ଅନୁଭୁତିକୁ ବର୍ଣ୍ଣନା କରିବା ସହ ଛାତ୍ରଛାତ୍ରୀ ତଥା ଅନୁଷ୍ଠାନର ଉନ୍ନତି କାମନା କରିଥିଲେ । ପରେ ଉଭୟ ଶିକ୍ଷକଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରଯାଇଥିଲା । ସମସ୍ତ ଶିକ୍ଷକ, ଶିକ୍ଷୟତ୍ରୀ ଏବଂ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ ।