21-Jun-2022

ବଲାଙ୍ଗିର (ପ୍ରେରଣା ଖବର): ଆଜି ଜୁନ  ୨୧ ତାରିଖ ଆନ୍ତର୍ଜାତୀୟ ଯୋଗ ଦିବସ l ଯୋଗ ଦିବସ ଅବସରରେ ବଲାଙ୍ଗିର ଯୋଗ ଶିବିର ତରଫରୁ ଆଜି ପ୍ରାତଃ ସମୟରେ ସ୍ଥାନୀୟ ଆଇନ ମହାବିଦ୍ୟାଳୟ ପରିସରରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି l ଏହି ଅବସରରେ ଆଜି ସକାଳେ ବଲାଙ୍ଗିର ଆଇନ ମହାବିଦ୍ୟାଳୟ କ୍ଯାମ୍ପସରେ ବିଭିନ୍ନ ବର୍ଗ ର ଲୋକେ ଏକାଠି ଉପସ୍ଥିତ ରହି ଯୋଗାଭ୍ୟାସ କରିଥିଲେ l ଏଥିରେ ଯୋଗ ଗୁରୁ

ଦିନମଣି ପ୍ରଧାନ ଯୋଗ ଦେଇ ଶରୀରର ସୁସ୍ଥତା ପାଇଁ ଉପଯୋଗୀ ବିଭିନ୍ନ ଯୋଗ ଓ ପ୍ରାଣାୟାମ ବିଷୟରେ ଶିଖାଇ ଥିଲେ l ଶରୀର, ମନ ଓ ଆତ୍ମା ର ଶୁଦ୍ଧିକରଣ ପାଇଁ ଯୋଗ ଏକ ପ୍ରକୃଷ୍ଟ ମାଧ୍ୟମ ବୋଲି ଶ୍ରୀ ପ୍ରଧାନ ଉପସ୍ଥିତ  ସମସ୍ତଙ୍କୁ ବୁଝାଇ ଥିଲେ l  ଯୋଗାଭ୍ୟାସ ପୂର୍ବରୁ ମାଁ ସରସ୍ଵତୀଙ୍କ ପ୍ରତିମୂର୍ତ୍ତୀ ରେ ପୁଷ୍ପମାଲ୍ୟ ଅର୍ପଣ ପୂର୍ବକ ଶିବିରକୁ ଉଦଘାଟନ କରାଯାଇଥିଲା l ଏଥିରେ ମୁଖ୍ୟ ଅତିଥି ଭlବରେ 11ବେଟାଲିଅନ୍ ଚିଫ କମାଣ୍ଡିଙ୍ଗ ଅଫିସର ରଞ୍ଜନ ଚକ୍ରବର୍ତ୍ତୀ ଯୋଗ ଦେଇ ଶିବିରକୁ ଉଦଘାଟନ କରିଥିଲେ l ବଲାଙ୍ଗିର ନାଗରିକ କମିଟିର ସମ୍ପାଦକ ମନୋରଞ୍ଜନ ସାହୁ ଓ ସାଧିକା ସ୍ମିତାଶ୍ରୀ ହୋତାଙ୍କ ପରିଚାଳନାରେ ଆୟୋଯିତ ଏହି ଯୋଗ ଶିବିରରେ ଜେ ଏସ୍ ଏମ୍ କଲେଜ ର ଛାତ୍ରଛାତ୍ରୀ, ଲ କଲେଜ ମାର୍ସଲ ଆର୍ଟ୍ ଏସୋସିଏଶନ, ଲ କଲେଜ ବେଡମିଣ୍ଟନ ସଂଘ ର କର୍ମକର୍ତ୍ତା ମାନେ ସହଯୋଗ କରିଥିଲେ l

ଅନ୍ୟତମ ଅତିଥି ଭବରେ ବଲାଙ୍ଗିର ନାଗରିକ କମିଟିର ସଭାପତି ବେଲାର ସିଂହ ଭୋଇ, ଲ୍ କଲେଜ ର ଅଧ୍ୟକ୍ଷ ସଞ୍ଜୀବ ପ୍ରଧାନ, ବଲାଙ୍ଗିର ମାର୍ଶଲ ଆର୍ଟ ର ପ୍ରଶାନ୍ତ ପାତ୍ର, ବେଡମିଣ୍ଟନ୍ ଏସୋସିଏସନ ର ସୁରୁଲାଲ୍ ମଟlରି ଯୋଗା ଦେଇ ଶରୀର ର ଶୁଦ୍ଧିକରଣରେ ଓ ନିରୋଗ ରହିବା ପାଇଁ ଯୋଗର ଉପକାରିତା ସମ୍ପର୍କରେ ବୁଝାଇ ଥିଲେ l ଜେ ଏସ୍ ଏମ୍ କଲେଜ ର ନିର୍ଦ୍ଦେଶକ ସି ଏ ଶ୍ରୀକାନ୍ତ ଶର୍ମl ଏହି ଯୋଗ ଶିବିରକୁ ସଫଳ କରିଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇ ଥିଲେ l