21-Jun-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ରାଜସ୍ବ ନିରୀକ୍ଷକ ଙ୍କ ନୁତନ ଅଫିସ ବିଲ୍ଡିଂ ବହୁ ବର୍ଷ ହେଲା କାମ ଚାଳୁ ରହିଛି । ଆରଡି ବିଭାଗ ତରଫରୁ ଠିକା ପାଇଥିବା ଠିକାଦାର ଙ୍କ ମନମୁଖି କାର୍ଯ୍ଯ ଯୋଗୁଁ ୨୭ ଲକ୍ଷ ଟଙ୍କା ବ୍ୟୟରେ ତିଆରି ହେଉଥିବା ବିଲ୍ଡିଂ ବର୍ଷ ବର୍ଷ ଧରି କାମ ସରିବାର ନାଁ ନଉନାହିଁ। ବିଭାଗିୟ ଅଧିକାରୀ ମାନଙ୍କ ଖାମଖିଆଲି ମନୋଭାବ ଯୋଗୁଁ କାମ କରୁଥିବା ଠିକାଦାର ନିଜ ଇଛ୍ଛା ମୁତାବକ କେବେ ଇଟା ଯୋଡ଼ିଛନ୍ତି ତ କେବେ ଛାତ ପକାଇଛନ୍ତି ତାର କୌଣସି ଠିକଣା ନ ଥିବା ବେଳେ ଏବେ ପୁଣି ପାଖାପାଖି ୪୦ ବର୍ଷ ତଳର ପୁରୁଣା ପାଚେରି ଉପରେ ଇଟା ଯୋଡି ନୁତନ ପାଚେରି ତିଆରି କରୁଥିବା ଯୋଗୁଁ ଜନ ଅସନ୍ତୋଷ ଦେଖା ଦେବା ସହ ଖୋଦ ସିନ୍ଧେକେଲା ପଞ୍ଚାୟତ ର ସରପଞ୍ଚ ନରେଶ ଅଗ୍ରବାଲ ଓ ୱାର୍ଡସଭ୍ଯ ନୁତନ ସାହୁ , ଲଲିତ ସାହୁ , ବାବୁଲାଲ ସାହୁ , ପ୍ରବେଶ ଜୈନ, ଅନିଲ ଜୈନ, ଘୁଟୁ ପାଣ୍ଡିଆ, ସୁରେଶ ପ୍ରଧାନୀ ପ୍ରମୁଖ ଅଭିଯୋଗ କରିଛନ୍ତି । ତିଆରି ହୋଇଥିବା ନୁତନ ବିଲ୍ଡିଂ ଭିତରେ ପିଆଜ ରଖା ଯାଇଥିବା ଦେଖିବାକୁ ମିଳିଥିଲା। ତେବେ ଅଭିଯୋଗ ଅନୁଯାଇ ପୁରୁଣା ପାଚେରି ର ବହୁ ସ୍ଥାନରେ ପାଚେରି ଫାଟି ଆଁ କରିଥିବା ସ୍ପଷ୍ଟ ଜଣା ପଡୁଥିଲେ ହେଁ କାମ କରୁଥିବା ଠିକାଦାର ତା ଉପରେ ଇଟା ଯୋଡି ପାଚେରି କାମ ଯୋରସୋର ରେ ଚଳାଇଛନ୍ତି। ଏହା ଉପରେ ସିମେଣ୍ଟ ହୋଇ ଗଲାପରେ ଆଉ ପୁରୁଣା ପାଚେରି ର ଚିହ୍ନ ବର୍ଣ୍ଣ ରହିବ ନାହିଁ ଏବଂ ପାଚେରି ପୁରା ନୁଆ ତିଆରି ଭଲି ଲାଗିବ ବୋଲି ଅଭିଯୋଗ କରିଛନ୍ତି । ଏହାକୁନେଇ ଆରଡି ଜେଇ ଗମ୍ଭା ମାଝୀ ଙ୍କୁ ପଚାରିବାରୁ ମୁଁ ନୁଆ ଆସିଛି ଆଉ ମୋର ଆସିବା କେତେ ବର୍ଷ ଆଗରୁ ଏହି ଦୁଇ ମହଲା ବିଲ୍ଡିଂ ତିଆରି

ଚାଳିଥିଲା ତାହା ମୁଁ ବି ଜାଣିନି । ସୁଚନା ଫଳକ ଥିଲା କି ନ ଥିଲା ତାହା ମଧ୍ଯ ମୁଁ ଜାଣିନି । ତେବେ କାମ ଶେଷ ପର୍ଯ୍ୟାୟରେ ପହଞ୍ଚିବା ପରେ କିଛି ଟଙ୍କା ବଳି ଯାଇଥିଲା ଯାହାକୁ ମାଟି ଫିଲିଙ୍ଗ ଓ ପାଚେରି ତିଆରି କରିବା ପାଇଁ ଲଗାଯାଇଛି ଯା ଦ୍ବାରା ଅଫିସ ଚାଳୁ ହେଲା ପରେ ଲୋକେ ଅଳିଆ ଆବର୍ଜନା ପକାଇ ପାରିବେ ନାହିଁ ବୋଳି କହିଥିଲେ। ପରେ ଆସନ୍ତା ଆର୍ଥିକ ବର୍ଷରେ ନୁତନ ପାଚେରି ପାଇଁ ପ୍ରପୋଜାଲ ଦିଆଯାଇଛି ତେଣୁ କିଛି ମାସ ପରେ ପୁଣି ନୁଆ ପାଚେରି ତିଆରି ହେବ ବୋଲି କହିଥିଲେ। ତେବେ ଏହି ଦୁଇ ମହଲା ଅଫିସ ବିଲ୍ଡିଂ କାମ ଓ ପାଚେରି ର ଉଚ୍ଚ ସ୍ତରୀୟ ତଦନ୍ତ ପାଇଁ ଦାବୀ ହୋଇଛି।