12-Jun-2022

ବରଗଡ:- ଜଙ୍ଗଲ ସୁରକ୍ଷା ଜୀବନ ରକ୍ଷା ନାରା ନେଇ ବନବିଭାଗ ଲୋକଙ୍କୁ ସଚେତନ କରିବା ସହ ବୄକ୍ଷ ରୋପଣ ପାଇଁ ନିବେଦନ କରୁଛନ୍ତି । ବୄକ୍ଷ ରୋପଣ ଓ ସଚେତନତା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ କିଛି ବିଭାଗୀୟ ଅସାଧୁ କର୍ମଚାରୀ ମାନେ ପକେଟ୍ ଗରମ କରିବାପାଇଁ କାଠ ମାଫିଆଙ୍କ ସହ ମିଶି  ଜଙ୍ଗଲ ଧ୍ବଂସ କରିବାରେ  ଲାଗିଛନ୍ତି । ଏହାର ଜ୍ୱଳନ୍ତ ଉଦାହରଣ ନୄସିଂହନାଥ ରେଞ୍ଜ ରେ ଶତାଧିକ ମୂଲ୍ୟବାନ ଗଛ କଟା ଯାଇଥିବା ଦେଖିବାକୁ ମିଳିଛି । ମୂଲ୍ୟବାନ ଗଛ ଗୁଡିକୁ କଟର ସାହାଯ୍ୟରେ କଟାଯାଇ ଚୋରାଚାଳାଣ  କରାଯାଉଛି ଏଥିରେ

ସନ୍ଦେହ ନାହିଁ । କିଛି ଦିନ ପୂର୍ବରୁ ନୄସିଂହନାଥ ରେଞ୍ଜ ଅଫିସ ପରିସର ମଧ୍ୟରେ ଥିବା ଚନ୍ଦନ ଗଛ ଚୋରି ହୋଇଥିବାବେଳେ, ଜଙ୍ଗଲରୁ ଗଛ ଚୋରି ହେବା କଥା ପୁଣି ନଜର କୁ ଆସିଛି । ବନକର୍ମଚାରୀଙ୍କ ଆଖି ସାମ୍ନାରୁ ଗଛ ଚୋରି ହେଉଛି ହେଲେ ସେମାନ ଅବଗତ ଅଛନ୍ତି ନା ଜାଣିଶୁଣି ଅଜଣା ଚାଉଳ ର ଭାତ ଖାଉଛନ୍ତି ତାହା ସେମାନଙ୍କୁ ହିଁ ଜଣା । ସୂଚନା ଅନୁସାରେ ବିଭାଗର କିଛି ଅସାଧୁ କର୍ମଚାରୀ କାଠ ମାଫିଆଙ୍କ ସହ ମିଶି ଗଛ ଚୋରାଚାଳାଣ କରୁଥିବା ଚର୍ଚ୍ଚା ମଧ୍ୟ ହେଉଛି । ଏହି ଚୋରାଚାଳାଣରେ କେବଳ ତଳିଆ କର୍ମଚାରୀ ସମ୍ପୃକ୍ତ ଅଛନ୍ତି ତାହା ନୁହେଁ ଉପରିସ୍ଥ ଅଧିକାରୀଙ୍କ ପାଖକୁ ତାଙ୍କ ଭାଗ ପହଞ୍ଚୁଛି ତାହା ତଦନ୍ତ ପରିସରଭୁକ୍ତ