30-May-2022

ଆଗଲପୁର (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଭରସୂଜା ଗ୍ରାମ ପଞ୍ଚାୟତସ୍ଥିତ ଭରସୂଜା ଗ୍ରାମର ବାଲେସ୍ୱର ରଣା ଜଣେ ନିରୀହ, ବିକଳାଙ୍ଗ, ଖଟିଖିଆ, ଦିନ ମଜୁରିଆ ଅଟେ l ତାଙ୍କର ନିଜର ରୟତୀ ଘରଡିହ 362, 363 ପ୍ଲଟ ସହିତ ମୋଟ 27 ଡିସମିଲ ରହିଛି l ଉକ୍ତ ଡିହକୁ ପଡୋଶୀ  ଶିବପ୍ରସାଦ ପାତ୍ର ଜବର ଦଖଲ କରି ନିଜର ବୋଲି ଗଣ୍ଡ ଗୋଲ କରୁ ଥିବାରୁ ଉକ୍ତ ସ୍ଥାନରେ ବାଲେଶ୍ଵର ରଣା ପ୍ରଧାନ ମନ୍ତ୍ରୀ ଆବାସ ଯୋଜନାରେ ଗୃହ ଟିଏ ସରକାରଙ୍କ ତରଫରୁ ପାଇଥିବା ସୂଚନା ଦେଇଛନ୍ତି l ଶିବପ୍ରସାଦ ପାତ୍ର ଏହି ସ୍ଥାନରେ ଜବର ଦଖଲ କରି ଘର ତିଆରି କରି ଦେଉ ନାହାନ୍ତି ବରଂ ଘରୋଇ ଅମିନ ଆଣି ନିଜର ବୋଲି ଦାବୀ ସାବ୍ୟସ୍ତ କରୁଛି l ଏଣୁ ଗତ ଛଅମାସରୁ ଉର୍ଦ୍ଧହେବ ତହସିଲ, ପୁଲିସ ତଥା ବିଭାଗୀୟ ଅଧିକାରୀଙ୍କ ଦୃଷ୍ଟି ଗୋଚର କଲେ ସୁଦ୍ଧା କର୍ଣ୍ଣପାତ କରୁ ନାହାନ୍ତି l ଅପର ପକ୍ଷରେ ସଦାଶିବ ପାତ୍ର ପ୍ରଶାସନର ତଳିଆ କର୍ମଚାରୀଙ୍କୁ ହାତଗୁଞ୍ଜ ଲାଞ୍ଚଦେଇ ଉକ୍ତ ସ୍ଥାନକୁ ମାପିବାକୁ ମନାକରୁ ଥିବା ବିଶ୍ଵସ୍ତ ସୂତ୍ରରୁ ପ୍ରକାଶ l ଉଚ୍ଚ ସ୍ତରୀୟ କର୍ମଚାରି ଜିଲ୍ଲାପାଳ, ଆରକ୍ଷୀ ଅଧିକ୍ଷକ, ତହସିଲ ଦାର ସହୃଦୟ ପୂର୍ବକ ଦୃଷ୍ଟିଦେଇ ଠିକ ଭାବେ ଘରଡୀହ ମାପ କରାଇ ଘର ନିର୍ମାଣ ପାଇ ଦୃଷ୍ଟି ଦେବାକୁ ଅନୁରୋଧ ପୂର୍ବକ ସଦାଶିବ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଗ୍ରାମବାସୀଙ୍କ ସହ ବାଲେଶ୍ଵର ରଣା ଦାବି କରନ୍ତି l