29-May-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି )  ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଚାରମାଳ ଥାନା ଅନ୍ତର୍ଗତ ସରପାଲ ଗ୍ରାମରେ ରବିବାର ସକାଳୁ ଗ୍ରାମର ପୋଖରୀ ରେ ବୁଡି  ଜଣେ ବାଳିକାର ମୃତ୍ୟୁ ହୋଇଛି ,  ମୃତ ବାଳିକା ଜଣକ ହେଲେ ଅନୁଗୁଳ ଜିଲ୍ଲା କୋଶଲା ଅଞ୍ଚଳର ଝିଣ୍ଟିପାଲ ଗ୍ରାମର ସିନୁ ପ୍ରଧାନ ବୟସ ୫ ବର୍ଷ  ବୋଲି ଜଣାପଡ଼ିଛି ।  ସୂଚନାଯୋଗ୍ୟ ଯେ  ବାଳିକା ଜଣକ ନିଜ ମାଉସୀ ଘର ସରପାଲ ଗ୍ରାମ କୁ ଗତକାଲି   ବୁଲିବାକୁ ଆସିଥିଲେ , ହେଲେ ଆଜି ସକାଳ ୧୦ ଘଟିକା ସମୟରେ  ମାଉସୀ ଓ ଘରର ଅନ୍ୟ ଛୁଆମାନଙ୍କ ସାଙ୍ଗରେ ଗ୍ରାମରେ ଥିବା ପୋଖରୀକୁ ଗାଧୋଇବା ପାଇଁ ଯାଉଥିଲେ । ହେଲେ ଗାଧୋଉଥିବା ସମୟରେ ସିନୁ ପାଣି ଭିତରକୁ ଚାଲିଯାଇ ବୁଡିଯାଇଥିଲେ । ପାଖରେ ଗାଧୋଉଥିବା ମାଉସୀ ସିନୁ କୁ ଉଦ୍ଧାର କରି  ରେଢ଼ାଖୋଲ ଡ଼ାକ୍ତରଖାନାକୁ ଆଣିଥିବା ଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ପରିବାର ଲୋକେ ଖବର ଜାଣିବା ପରେ   ରେଢ଼ାଖୋଲ ଡ଼ାକ୍ତରଖାନାକୁ ଆସିବାପରେ  ଶବ ବ୍ୟବଚ୍ଛେଦ ପାଇଁ ପଠାଯାଇଥିବା । ଏ ସଂକ୍ରାନ୍ତରେ ଚାରମାଳ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିଛି ।