29-May-2022

ବଲାଙ୍ଗୀର,(ପ୍ରେରଣା ଖବର)- ବଲାଙ୍ଗୀର ଜିଲ୍ଲା ପାଟଣାଗଡର ଜଣାଶୁଣା ଆଦିବାସୀ ନେତା ନିରଂଜନ ବିଶିଙ୍କୁ ବିଜୁଜନତା ଦଳ ପକ୍ଷରୁ ରାଜ୍ୟସଭା ପ୍ରାର୍ଥି ଘୋଷିତ ହେବାପରେ ବଲାଙ୍ଗୀରରେ ଖୁସିର ମାହୋଲ ସୃଷ୍ଟି ହୋଇଛି । ସେ ବିଦ୍ୟୁତବିଭାଗର ଜଣେ କର୍ମଚାରୀ ହୋଥିବା ବେଳେ ଦୀର୍ଘଦିନ ହେଲା ଆଦିବାସୀମାନଙ୍କ କଲ୍ୟାଣ ପାଇଁ ସଂଗଠନ କରି କାମକରୁଛନ୍ତି । ନିରଂଜନ ଏବେ ପଶ୍ଚିମଓଡିଶା ଆଦିବାସୀକଲ୍ୟାଣ ମହାସଂଘର ମହାସଚିବ ରହିଛନ୍ତି । ଗତ ଦୁଇଦିନ ତଳେ ସେ ଚାକିରିଛାଡି ବ୍ରଜରାଜନଗରରେ ମନ୍ତ୍ରୀ ସୁଶାନ୍ତ ସିଂ,ବରିଷ୍ଠ ବିଧାୟକ ଅତନୁସବ୍ୟସାଚୀ ନାଏକ ଓ ଅନ୍ୟମାନଙ୍କ ଉପସ୍ଥିତିରେ ବିଜେଡିଦଳରେ ବିଧିବଦ୍ଧ ଭାବରେ ଯୋଗଦାନ କରିଥିଲେ । ଆଜି ରାଜ୍ୟସଭ ପଦ ପାଇଁ ତାଙ୍କନାମ ଘୋଷଣା କରାଯାଇଛି । ବିଜେଡି ସୁପ୍ରୀମୋ ନବୀନ ପଟ୍ଟନାୟକ ଏକ ବଡମାଷ୍ଟର ଷ୍ଟ୍ରୋକଦେଇ ସମସ୍ତଙ୍କୁ ଆଶ୍ଚର୍ଯ୍ୟ କଲାଭଳି ନିରଂଜନ ବିଶିଙ୍କ ନାମରେ ମୋହର ମାରିଛନ୍ତି । ନିରଂଜନ ଆଦିବାସୀ ସଂଗଠକ ହୋଇଥିବା ବେଳେ ଜଣେ ଟ୍ରେଡୟୁନିୟନର ନେତା ମଧ୍ୟ ରହିଛନ୍ତି । ପଶ୍ଚିମାଞ୍ଚଳ ବିଦ୍ୟୁତଶ୍ରମିକ ସଂଘର ଉପସଭାପତି,ରାଜ୍ୟସବର ସଂଘର ଉପସଭାପତି,ୱେସକୋ ଏସସି/ଏସଟି କର୍ମଚାରୀସଂଘର ସଭାପତି,ପଶ୍ଚିମଓଡିଶା କେନ୍ଦୁପତ୍ର କର୍ମଚାରୀମହାସଂଘର ସଭାପତି ରହିଆସିଛନ୍ତି । ଏହା ସହିତ କୋସଲରାଜ୍ୟ ସମନ୍ୱୟ ସମିତିରେ ମଧ୍ୟ ରହିଛନ୍ତି । ସେ କିସ,କିଟର ପ୍ରତିଷ୍ଠାତା ତଥା କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କର ଜଣେ ଘନିଷ୍ଠଲୋକ । କିସ ଫାଉଣ୍ଡେସନ ସହିତ ମଧ୍ୟ ସଂପର୍କ ରହିଛି । ପଶ୍ଚିମଓଡିଶାର ଜଣେ ଦକ୍ଷ ଆଦିବାସୀନେତା ଭାବରେ ସେ ଜଣାଶୁଣା ଥିବା ବେଳେ ଆଦିବାସୀ ଛାତ୍ରଛାତ୍ରୀଙ୍କ ଶିକ୍ଷା ପାଇଁ ତଥା ଆଦିବାସୀଙ୍କ ନ୍ୟାର୍ଯ୍ୟ ଦାବୀ ପାଇଁ ଦୀର୍ଘବର୍ଷ ହେଲା ସଂଗ୍ରାମ କରିଆସୁଛନ୍ତି । ଆଜି ତାଙ୍କ ନାମ ରାଜ୍ୟସଭା ପ୍ରାର୍ଥି ପାଇଁ ଘୋଷଣା ହେବାପରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇବା ସହିତ ଆଦିବାସୀଙ୍କ ସ୍ୱାର୍ଥପାଇଁ ସେ କାମ କରିବେ ବୋଲି କହିଛନ୍ତି । ଆଜିର ଏହି ଘୋଷଣା ପରେ ବଲାଙ୍ଗୀର ଜିଲ୍ଲା ବିଜେଡିର ସଭାନେତ୍ରୀ ତଥା ମିଶନଶକ୍ତି,ମହିଳା ଓ ଶିଶୁକଲ୍ୟାଣ ବିଭାଗର ମନ୍ତ୍ରୀ ଟୁକୁନୀ ସାହୁ,ବିଜେଡିର ଝାରସୁଗୁଡା ସହପର୍ଯ୍ୟବେକ୍ଷକ ବିଷ୍ଣୁପ୍ରସାଦ କେଡିଆ ପ୍ରମୁଖଙ୍କ ସହିତ ବିଭିନ୍ନ ସଂଗଠନ ପକ୍ଷରୁ  ନିରଂଜନଙ୍କୁ ଅଭିନନ୍ଦନ ଜଣାଇଛନ୍ତି ।