29-Apr-2022

ପଦ୍ମପୁର(ନିରଞ୍ଜନ ତ୍ରିପାଠୀ) :ପବିତ୍ର କୃଷ୍ଣ ପକ୍ଷ ଚତୁର୍ଦ୍ଦଶୀ ଦିନ ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ବ୍ଳକ ଅଧିନସ୍ଥ ଟେମରୀ ଗ୍ରାମପଞ୍ଚାୟତ ର ସୋଢ଼ା ଗ୍ରାମ ଠାରେ ଗ୍ରାମବାସୀ ପ୍ରତିବର୍ଷ ଭଳି ଚଳିତ ବର୍ଷ ଗ୍ରାମ ର ମଝିଦାଣ୍ଡ ଠାରେ ଷୋହଳ ପ୍ରହରୀ ନାମଯଜ୍ଞ ଅବସରରେ ଗ୍ରାମର ମା ଭଉଣୀ ଙ୍କୁ ନେଇ କଳସ ଯାତ୍ରା ଅନୁଷ୍ଠିତ ହୋଇଯାଇଛି । ଗ୍ରାମ ର ପୋଖରୀ କୁ ଯାଇ ଗାଁ ର ମା ଭଉଣୀ ମାନେ ୧୦୮ ଭରା ପୂର୍ଣ୍ଣ ଜଳକଳସ ବୋହି କିର୍ତ୍ତନ୍ୟମଣ୍ଡଳୀ କୁ ଆଣି ଆସ୍ଥାନ କରିଥିଲେ ।କର୍ତ୍ତାଭାବେ ଗ୍ରାମ ର ଦେବାର୍ଚ୍ଚନ ସାହୁ ଏବଂ ତାଙ୍କ ସହଧର୍ମିଣୀ ସୁବୋଦିନୀ ସାହୁ ପୂଜା କାର୍ଯ୍ୟ ତୁଲାଉଥିବାବେଳେ ପୂଜକ ଭାବରେ ଏ ଅଞ୍ଚଳର ଜଣାଶୁଣା ପଣ୍ଡିତ ଶ୍ରୀମାନ ହୃଷିକେଶ ଦେବତା ଦାୟିତ୍ଵ ତୁଲାଉଛନ୍ତି ।ଆଜି ୨୯.୦୪.୨୦୨୨ ତାରିଖ ଠାରୁ ୦୧.୦୫.୨୦୨୨ ତାରିଖ ପର୍ଯ୍ୟନ୍ତ ଦୀର୍ଘ ତିନି ଦିନ ବ୍ୟାପି ଏହି ଷୋହଳ ପ୍ରହରୀ ନାମଯଜ୍ଞ ଅନୁଷ୍ଠିତ ହେବା ସଙ୍ଗେ ସଙ୍ଗେ ଆଜି ଡଙ୍ଗାଛଞ୍ଚା ର ମହିଳା ରଙ୍ଗିନ ପରେପରେ ପଥୁରି ମହିଳା ରଙ୍ଗିନ ଜି:-ନୂଆପଡା,ବୁକୁରାମୁଣ୍ଡା ପୁରୁଷ ରଙ୍ଗିନ,ନିଜ ଗ୍ରାମ ସୋଢା ର ଉପରପଡା ପୁରୁଷ ରଙ୍ଗିନ,ସୋଢା ର ତଲିପଡା ପୁରୁଷ ରଙ୍ଗିନ ତାଙ୍କ କରିସ୍ମା ଦେଖାଇବେ । ଆସନ୍ତାକାଲି ବଲାଙ୍ଗୀର ଜିଲ୍ଲା ର ମୁଣ୍ଡଘାଟ ଜଗନ୍ନାଥ ଦାସ, ପୁରୁଷ ରଙ୍ଗିନ,ସୂବର୍ଣ୍ଣପୁର ଜିଲ୍ଲା କପାସିରା ଗ୍ରାମ ର ବିଚିତ୍ର ପ୍ରଧାନ ପୁରୁଷ ରଙ୍ଗିନ,ଯୋଖିପାଲି ବରଗଡ ଜିଲ୍ଲା ର ମହିଳା ଉଦଣ୍ଡ,ପିପିଲିପାଲି ର ଦେବକୀ ସାହୁ ମହିଳା ଉଦଣ୍ଡ ଙ୍କୁ କମିଟି ତରଫରୁ ନିମନ୍ତ୍ରିତ କରାଯାଇଛି ବୋଲି ଆୟୋଜକ ମାନଙ୍କ ଠାରୁ ପ୍ରକାଶ । ବିଶେଷ କରି ଗ୍ରାମ ର ଯୁବ ବର୍ଗ ଦୁରସ୍ଥ ସ୍ଥାନ ମାନଙ୍କରୁ ବହୁ ଭକ୍ତ ଙ୍କ ସମାଗମ କୁ ଦୃଷ୍ଟିରେ ରଖି ଆୟୋଜକ ମାନଙ୍କ ତରଫରୁ ଜଳଛତ୍ର ସମେତ ଅନ୍ନଛତ୍ର ର ବ୍ୟବସ୍ଥା ରେ ସହଯୋଗ କରୁଥିବା ଜଣାଯାଏ ।