24-Apr-2022

ଜୈନ ତେରାପଂଥ ଧର୍ମସଙ୍ଘ ର ପରମ ପୂଜ୍ୟ ଆଚାର୍ଯ୍ୟ ଶ୍ରୀ ମହାଶ୍ରମଣ ଜୀ ଙ୍କ ଶିଷ୍ୟ ମୁନିଶ୍ରୀ ପ୍ରଶାନ୍ତ କୁମାର ଏବଂ ମୁନିଶ୍ରୀ କୁମୁଦ କୁମାର ଙ୍କ ଆସନ୍ତା ୨୬ ଏପ୍ରିଲ ମଙ୍ଗଳବାର ଦିନ ସିନ୍ଧେକେଲା ଆଗମନ ହେବ । ସେହିଦିନ ରାତ୍ରୀରେ ପ୍ରଜ୍ଞା ଦିବସ କାର୍ଯ୍ୟକ୍ରମ ମଧ୍ୟ ମୁନିଶ୍ରୀ ଙ୍କ ସାନ୍ନିଧ୍ୟ ରେ ଅନୁଷ୍ଠିତ ହେବ । ବର୍ତ୍ତମାନ ମୁନିଶ୍ରୀ ଦ୍ବୟ ନିକଟବର୍ତ୍ତୀ କୋତମରା ଗ୍ରାମରେ ବିରାଜମାନ କରିଥିବା ଜଣାପଡ଼ିଛି । ୨୬ ତାରିଖ ସକାଳେ ସେଠାରୁ ବିହାର କରି ସିନ୍ଧେକେଲା ପହଞ୍ଚିବେ । ଏ ନେଇ ସ୍ଥାନୀୟ ଅଗ୍ରୱାଲ ଜୈନ ତେରାପଂଥ ଭବନରେ ମୁନିଶ୍ରୀ ଙ୍କ ଭବ୍ୟ ସ୍ୱାଗତ କରାଯିବ । ୨୬ ଏପ୍ରିଲ ରୁ ମେ ୪ ପର୍ଯ୍ୟନ୍ତ ମୋଟ ନଅ ଦିନ ମୁନିଶ୍ରୀ ଙ୍କ ସିନ୍ଧେକେଲା ରେ ପ୍ରବାସ ରହିବ । ସେହି ପ୍ରବାସ ମଧ୍ୟରେ ଅକ୍ଷୟ ତୃତୀୟା କାର୍ଯ୍ୟକ୍ରମ ମଧ୍ୟ ମୁନିଶ୍ରୀ ଙ୍କ ସାନ୍ନିଧ୍ୟ ରେ ଅନୁଷ୍ଠିତ ହେବ ବୋଲି ସୂଚନା ମିଳିଛି । ମୁନିଶ୍ରୀ ଙ୍କ ଆଗମନ କୁ ନେଇ ସିନ୍ଧେକେଲା ସ୍ରାବକ ସମାଜରେ ଉତ୍ସାହର ମାହୋଲ ଦେଖିବାକୁ ମିଳିଛି । ପରେ ୫ ମେ ରେ ମୁନିଶ୍ରୀ ବଙ୍ଗୋମୁଣ୍ଡା ଓ ସିନ୍ଧେକେଲା ମଝି ମୁଣ୍ଡପଦର ଗ୍ରାମରେ ଆଶ୍ରୟ ନେଇ ୬ ରେ ବଙ୍ଗୋମୁଣ୍ଡା ପହଞ୍ଚିବେ । ବଙ୍ଗୋମୁଣ୍ଡା ରୁ କଣ୍ଟାବାଞ୍ଜି ଯାଇ ପୁଣି ବଙ୍ଗୋମୁଣ୍ଡା ଫେରି ହଳଦି ରାସ୍ତା ଦେଇ ମେ ୨୧ ରେ ଟିଟିଲାଗଡ଼ ପହଞ୍ଚିବେ । ସେଠାରେ ମୋଟ ୯ ଦିନ ରହିବେ । ପରେ ବିଭିନ୍ନ କ୍ଷେତ୍ର ଭ୍ରମଣ କରି ଶେଷରେ ତାଙ୍କର ଆଗାମୀ  ଚତୁର୍ମାସ୍ୟା ସ୍ଥଳ ଆଗରୁ ଧାର୍ଯ୍ୟ ଥିବା କଣ୍ଟାବାଞ୍ଜି ଚାରି ମାସ ପାଇଁ ରହିବା ପାଇଁ ପ୍ରବେଶ କରିବେ । ସ୍ଥାନୀୟ ତେରାପଂଥ ସଭା ଅଧ୍ୟକ୍ଷ ମାଣିକ ଚନ୍ଦ ଜୈନ , ପୂର୍ବତନ ଅଧ୍ୟକ୍ଷ ସୁନିଲ ଜୈନ , ସମ୍ପାଦକ ପ୍ରସନ୍ନ ଜୈନ , ଉପ ସଭାପତି ସୁବାଷ ଜୈନ , ମହାସଭା ପ୍ରଭାରୀ ଛତ୍ରପାଳ ଜୈନ ପ୍ରମୁଖ ମୁନିଶ୍ରୀ ଙ୍କ ଆଗମନ କୁ ନେଇ ଜୋରସୋର ପ୍ରସ୍ତୁତି ଜାରି ରଖିଛନ୍ତି । ଦିଲ୍ଲୀରେ ବର୍ତ୍ତମାନ କରୋନାର ଚତୁର୍ଥ ଲହର କୁ ନଜର ରଖି ମୁନିଶ୍ରୀ ଙ୍କ ଦର୍ଶନ ସେବା ସମୟରେ ବିଶେଷ କରି ମାସ୍କ ବ୍ୟବହାର ତଥା ସାମାଜିକ ଦୂରତା ବଜାୟ ରଖିବା ପାଇଁ ଓଡିଶା ପ୍ରାନ୍ତୀୟ ସଭା ଅଧ୍ୟକ୍ଷ ମୁକେଶ ଜୈନ ଶ୍ରାବକ ସମାଜ କୁ ନିବେଦନ କରିଛନ୍ତି ।